غصبت نفسي

تكملة الاخير

ضلت رزان تتردد يمنه بين فترة و فترة جنت مرتاحه لوجودها احس احد يمي و الي تحب تسولف وياي و بكلشي ببيت تدخل يعني حتى غرفة النوم تدخل مرات تجيب مكياج لو عطر لو ملابس و بالليل تروح من يجي عامر تروح لبيتها فاطمه و سماح مجانن مرتاحات ل رزان اني كضيتها لا خطيه شوفوها شون حبابه رزان كل اهتمامه باشياء تجميل  دخلت بشهري و عامر وراي يمشي فيان امشي لا تكعدين حتى تسهل تجيبين و رزان و فاطمه و سماح يمي و جهال كاعدين ميعرفون شيسون صارت عندي الاام صحت اخ كبلل لزمني عامر
عامر : ها شنو ولاده اخذج للمستشفى احجي
فيان : ماعرف الاام عندي
صارت عيني بعين رزان تتأفأف ماعرف ليش
اني حضنت عامر حطيت راسي بركبته الم قوي صار عندي
كتله عمورتي بعد ماتحمل
كبل شالني و صاح سماح جيبي غراض و تعالي ويانه رادت تجي رزان
سماح كلتلها ماله داعي تجين اني بت عمها ووياها و اهلها مناك يجون
باوعت كبل ع عامر دار وجهه عنها
رحنا سماح يم السايق و اني بحضن عامر اتلوى من وجع ماكدر اصرخ بسبب سايق و صلنا للمستشفى حولوني صالة عمليات علمود بنتي مو مال طبيعي حطولي بنج و بديت اغمض عيوني و صارت عيني بعين عامر و ماحسيت بعد اله ايد حنينه تتلمس جبيني فتحت عيني و امي لكيته تحمدولي ع سلامه و اني كوه حجيت كتلهم جهالي وين
ام فيان : يمه بنيتج بالخدج اسبوع ويطلعوها للتأكيد و ابنج مثل ورد كلشي مابي
فيان : عامر يمه وينه
ام فيان : هسه يجيج
اهلي داير مدايري و سماح تحط مي بشفتي
دخل عامر
عامر : حمدالله ع سلامه ام شبل
ابتسمتله اهلي يباركوله و شي
دخلو ابو و اخوانه هم باركوله
ريان : بعد شتريد هاي صارولك ٥ بعد اعقل و اكعد حط راسك براس مرتك و العن شيطان لا يدخل بينكم
هذا شيقصد استغربت ضلت كلام ريان براسي و نضرات رزان
جابولي ابني حتى ارضعه كلهم طلعو بره بس امي و سماح رضعته
امي صاحتهم كالت لعامر ها يمه شحسمو
باوعلي عامر : شبل اني سميته هالمره هيه تسمي و البنات هيه سمتهم هالمره اني اسميهم
فيان : غمضت عيني حيل
رضوان اسمي رضوان
امي بجت و كالت والله يمه من بارحه باله يمج و يخابر علينه والله يستاهل ابو رضا بس هوه تعب وياج و يستحق حبج
فيان : غيره يمه غيره هم استحق بس الله يسامح سبب
ماسمعوني بس سماح كانو حست اقصد كرار لزمت ايدي حيل 
حضنه عامر و اخذته مني ممرضه ثاني يوم طلعونه
وصلنه للبيت ذبح جوه رجلي ذبيحه علمود رضوان
طبيت للبيت شبل جان فرحان كلش و من فرحته يباوع ل رضوان و يبجي و يكولي ماما هذا اخويه يعني اني مسؤل عنه فرحان بيه كلش
كمل ٦ ايام و جابو بنتي ذبح الها عامر ذبيحه ثانيه و فرحان بيها
حطها بحضني و شال رضوان بحضن فاطمه
ام فيان : ها ابو شبل شقررت تسميها
عامر : اسميها لقاء
ريان : هههه ع لقائكم انت و فيان
عامر ابتسم
استمرت كم يوم فاطمة يمي و امي هم
فاطمة من صبح يمي  بليل تروح لبيت
ورزان اجت جايبه هدايا و باركت النا عامر جان بالاستقبال اني بغرفه
فاطمه ضلت تخوزر و بحضني جانت لقاء ارضعها كلبي نغزني باوعت ل فاطمة سئلتها شنو رزان راحت كامت كلتلي امشي روحي يم رجلج يشوف لقاء اخذت لقاء ورحت داطب للاسقبال شفتها حاضنته بقيت متصنمه اسمعها تكوله لشوكت نبقى مخطوبين و متكووللها هاي جابت شمنتضر و هوه يريد يوخرها من حضنه بجت لقاء دارو وجههم لكوني واكفه دموعي تصب اني و جسمي يرجف ركضت فاطمه اخذت مني لقاء وكعت بالكاع ابجي اعيطط طلعو بره رزان كبل جرتها فاطمه و طردتها و باوعت لعامر كلتله اطلع بره ليصير بيها شي و هيه نفسه ماحسيت بشي بعد فتحت عيوني بمستشفى رحيم و عدوان يمي وضعي متأزم خاصتا اني نفسه
عدوان : تردي شنو طلاك ماكو لاتنسين بينكم ٥
رحيم : مووكتك عدوان
كلامهم ضل ياكل بيه اكل
سويت روحي نايمه دخلت جوان و جميله وحده تكول للثانيه هم حتسويلنه سالفه و تورطنه و تورط زلمنه بيها يابه ع شنو ع خطب عليها ليش ذيج سماح ماتزوجت ع ضرة دخلت سماح طردتهم دموعي تصب احس ايد تمسحهن فتحت عيوني سماح تباوعلي و تبجي دموع
سماح : دموعج تغسليني خيتي ديري بالج ع روحج من شوطتج هاي وكعتج نحرمو رضوان و لقاء منج
فيان : شنو التشوفي صح الي
بهل اثناء دخلت فاطمه
باوعتلها فيان : جهال يم منو فياطمه
فاطمه : عامر و جوان و جميله جاييهم بطريق
سماح : اني اكول تطلبين من عامر ميوصلج بعد و لا يجيج ولا اله علاقه بيج اسمه رجال كدام عالم حتى لا تضلين جوه رحمة اهلج و تدرين جنانين مايرحمن
فاطمه : اي فيان ترا عندج ٥  غصبا ماعليه يصرف عليهم و عيشي براحتج و اني يمج و طلبي يسجل هذا بيت باسمج
فيان : منو يوكفلي
فاطمه : اني و سماح و رحيم و ابو عامر عليه اني اقنعه و ريان هم واكف وياج
فيان : موجوعه وجع بيه بس الله يدري بيه
سماح : وكعتي بيها بعد شكد نصحناج كنالج رزان مو راحه
فاطمه : تضل بحنيتها و فطاريتها
ضليت ١٠ ايام بمستشفى جهالي امانه بيد سماح و فاطمه
شبل و بنات يبجون عليه فاطمه كايلتلهم ابوكم حيزوج ع امكم غير وحده و تاخذ مكانها و ذوله متخبلين طلعوني من مستشفى حتى مارحت لبيت اهلي
كلت لفاطمه وديني لبيتكم
رحت دخلت تلكاني ابو عامر و ريان
تمددت و فاطمه جابت جهال يمي فطموهم من حليبي و شبل و بنات يمي كاعدين دخلو عدوان و رحيم و ابويه
ابو فيان : الي تردي يصير  بس كولي
ابو عامر : انتي ام شبل ام حفيدي شنو تردي يجرالج حتى اذا تردي اخلي يفصخ من رزان لو تردين طلاك
باوعت ع عدوان من جاب سيرة طلاك عصر ايده حيل
عرفت محد يرحمني
باوعت ع سماح و فاطمه اشرلي يعني امشي بكلامهم
فيان : عمي ماريد طلاق
ابو عامر : هاهيه الله يبارك بيج بنتي
فيان : بس ميحسبني زوجته اني كدام الناس زوجته ام اطفاله بس هوه بالنسبه الي و لا شي
باوعلي سماح و فاطمه ياشرلي ع سالفة بيت
بس اني رفضت ماريد و لا اريد يكول عني ماديه
ابو عامر : الي تردي يجرالج
جان ينطق رحيم
رحيم : يريد فيان تبقى ع ذمته يسجل بيت باسمها غير هذا الحجي اني اطلك اختي وياخذ جهاله و لا يوصللها
ابو عامر : راد يحجي بس سكته ريان
ريان : حقك هذا رحيم بنهاية هيه ام اولاده و الها الحق
تعشو و راحو فاطمه مجهزتلي غرفه جوه
جهالي مكابليني و كاعدين
اجه الصبح رحيم و ابو عامر و عدوان
ابو عامر : هاهيه بنتي تردي يجرالج من باجر ترحين توقعين ع البيت
بقيت صافنه هالدرجه عاشك رزان و يريد يخلص مني
نزلت دموعي و مسحتهم فاطمه
الصبح اجت سماح بدلت و رحت
حتى كتلهم ماريد اشوفه وقعت ع البيت و رجعت كبل ويه سماح بيت عمي
اخذت جهال و رجعت لبيتنه
ثاني يوم خابرت فاطمه
كتلها اريد اغير اثاث البيت و غرفتي
اخذت من فلوس الي دايما عامر يخليهن
رحت اشتريت اثاث و كتلهم هاي اثاث انطوها للفقراء
ارتاحيت شويه
كل ملابسه لميتهن و طيتهن فاطمه حتى ليوصلي
مرت اسبوع اني بين لقاء و رضوان و شبل و بنات ابد ماهملتهم صار كل اهتمامي بجهالي
حتى كمت ماريد اعرف اخبااار عامر و رزان
فاطمه و سماح ابد ميجيبن سيرته
بنات يكوللي امشي نطلع و اني ماكدر جنت انتضر يكمل اربعين الصغار
خلص اربعينهم
كملو امتحاناتهم شفتهم ضايجين خابرت بنات كتلهم يوم ناخذهم للالعاب سماح ماحجت شي كالت يلا جهالي هم خابرته فاطمه اجت هيه و محمود وفيان طبعا عامر مخليي سايق للبيت  و حمايه مالت عمي هم يمي اذا حتاجيت شي
كشخت اخر كشخه و رحت رضوان و لقاء بحضني و سماح ومحمود يرحن يلعبون جهال فاطمه يمي كاعده تونست كلش و غيرت جو
رجعت وصلت للباب بيت شفت عامر
ماهتميت صاح جهال ماراحو اله. دخلت
جنت لابسه صايه نزعتها و فليت شال خليت جهال بغرفتي بفراشهم
و داحجي ويه شبل والبنات يلا ماماتي بسرعه فرشو اسنانكم و بدلو حتى احجيلكم قصه
نفتح باب دخل عامر طاير عليه
مجرد شفته جريت صايه و شال لبستهم
جرني من شعري حيل
عامر : شمسويتلهم شقاريه براسهم حتى ميردون ابوهم
فيان : ماباوعتله و لا جاوبته
صار اعصااب حيل
عامر : شبيج ماتحملتي افضل وحده عليج شعبالك عقابج لهنا و خلص اصلا اني احب رزان و اموت عليها انتي مجرد حيوانه انتي بزونه اخلف منج و اذبج انتي خدامه لجهالي مربيه تصيريلهم
كلامه صار مثل خنجر بكلبي هم محطيت عيني بعينه
حط ايده ع ركبتي صار يخنكني حيل
بديت ارفس رجلي تضرب بالباب النفس فقدته
ماااحسيت اله ريان داخل و جار عامر من يمي
بناتي لازمات ايدي و يبجن و شبل واكف يباوع ع ابو بنضره حقد
ريان شربني مي و مناك عامر واكف اعصاب لازمه ابو 
نطق شبل : انت مو ابونه انت مو ابويه الاحبه بعد لا تجي مانريدك اني ماعندي اب هيج يجرم بماما ماريدك روح
حتى بناتي صارن يبجن و يدفعن ابوهم خارج البيت
حجت شوق : انت مانريدك بعد اني ماريدك انت تحب غير ماما و تزوج غيرها احنا ماعدنا اب احنا بس ماما عدنا اطلع برا مانريدك
عشق حاضنتني و تبجي يمي
عامر صارن عيونه حمر هوه يشوف جهاله يطلعو. بره
عافني و طلع
استمريت ٤ اشهر اني ويه جهالي اهتمامي بيهم
كل اسبوع اطلعهم اعشيهم بره لو العاب لو شي
بليل احجيلهم قصص
رضوان و لقاء صارو يخبلون
جهالي من يرحون بنهار جدهم
مرات الكاهم يطبون من وكت بس ماسالهم ليش ماحبيت ادخل بعلاقتهم بيت جدهم فاطمه حاطتهم بعيونها و محمود هم كلش يحبهم
بعدين فاطمه كالت من يجي ابوهم كبل يطلعون مايقبلون يشوفو
مره حاول يحجي ويه عشق
عشق كامت ترجف و تبجي تكوله وخر عني انت تريد تكتلني نفس مكتلت ماما مشايفته حالته شون صايره مبهذل كلش حتى حلقه نازعها
هيه تحجي و اني ابد ماهتميت
ثاني يوم اجه ريان عزمني ع حنه 
سوه حنة الولد  بشارع ع طول شارع  و حنة البنات بيت عمي
اني هم اخذت سماح و خليت جهال يم فاطمه رحت اشتريت فستان اسود مخصر  وفتحه ع طول رجل و شعري طولان زين يعني رحنا للصالون غيرت لون شعري ع شقار زيتوني
ثاني يوم كشخت اخر كشخه
و جهالي وياي عشق و شوق و لقاء زيتوني
رضوان و شبل دشاديش مشتريلهم عمي
لبسهم و اخذهم هوه و محمود
عمي ابو عامر كلش متعلق باحفاده هاي نعمة من عزيز
ب الحنة شفت رزان كاعده و تخوزر الي ابد ماهتميت الها
اجت يمي سماح
سماح : ولج بشاره بس ادري بيج متردين اسميها بس لازم تسمعيها
فيان : احجي فضيني
سماح : عامر فصخ خطوبته من رزان
بقيت متصنمه
فاطمه : مو وكتج ابد احركي دمها و الجو هيه هاي مو مال احترام خانت الجيره و صداقه و بكل عين صلفه تجي ببيت  و ترجع علاقتها بيج
سماح : فيان مو وكت برودج بس امشي ورانه انتي تربحين
كامن شغلن اغنية ساجده عبيد
اسمر و العيون وساع جتاله
والذهب بسنونه الفرك يحلاله
ايا وجنته و جالبدر يتلاله
اهواك انه شما عذبيت حوالي لعيون الليل ع غالي