سألوني ؏ گلبي وگلت خالي
وعشت احساس واحد لا أبالي
بس ماطولت عرفوني مشتاگ
من فگرت بيگ بصوت عالي"
حكيم واكف وجكارته بيده و الايد ثانيه نطاني تلفون
سحبت تلفون من ايده كبل
درت وجهي كبل عنه
ماعرف هذه الرجال شبي وياي
اخذت جنطتي داروح
عامر بحضنه شبل
حكيم : استاذ عامر
دكتوره زمن راح تروح
عامر : دكتوره زمن خيرج ليش هيج وجهج اصفر
دكتوره زمن : راح اروح للفندق ارتاح شوي
عامر : خلي حكيم يوصلج
دكتوره زمن : لا ميحتاج اخذ تكسي و اروح
طلعت بدون تفكير اجرت تكسي لمطار بغداد
و ابجي و اكول شووون سويته هيج شووون سويتها يا رضوان
جان اتصال من جوليا و تكولي بنات اغمى عليهن من ضعف و جابهم رضوان الج للمطار
بتكت تو وي
يعني روحه ورده بنفس اليوم
علمود رضا و شهد
نزلت للمطار
ضليت ب مكان استقبال
رحت بسرعه اشتريت شوكلاته يحبوها شوق و عشق
اجو من بعيد و اني اشوف الخدود ذبلانه عيونهن حمر و كوه يمشن
رحت اركض عليهن و دموعي تصب
ضابط من شاف حالتي
كبل خلاني ادخل
ركضت الهم ركض و حضنتهم ابجي و ابوس
و اعاتب
ليش ماما ليش مماكلات
ليش ياكلب امجن ليش هيج عيونجن تعبانه
واتلمس بشعرهن شوفن شوفن بسبب اهمالجن شون شعرجن واكع
شوق : ماما اشتاقينالج و انتي بعيده عنه مانكدر بدونج
حضنتهم
رضوان : ماكدرت فيان يعني يموتن بيدي شكد حاولنا اني و جوليا و ماكدرنه
نضرات رضوان بيها خوف و قلق و حيره
بس مو اهون من الصوت بداخلي
رضوان : انشاء الله مايصير شي و مايفهم عامر بشي
فيان : رضوان شكد ما عامر يبين هوه متغير الصوت بداخلي يحذرني منه
رضوان : تدرين اني دايما واكف بضهرج
فيان : رضوان اريدك توعدني بوعد
رضوان : عيوني الج
فيان : رضوان اذا صار شي و مارجعت اسافر
YOU ARE READING
غصبت نفسي
Mystery / Thrillerعامر .. باحلامج ترحين انتي اجيتي برجلج الي وجنتي تردين تزوجين وسند كتلتلي روحج ع رجال تضلين ببيت صوتج ماسمعه انتي مجرد مره اخذ شهواتي وتصير ام لجهالي فيان ... شجاك عامر افتهم تعبت اني من ردتك وضليت وياك وصابره ردت ارتاح واستقر يااخي جحيم اهلي ولا...
