The Billionaire Prince ♕ (On Going)

Chapter Six ♕

ALAS SYETE na ng umaga nang magising si Ivo. Bagamat wala na ang pagkalasing niya ay nahihilo pa rin siyang umupo sa kanyang four-foster bed.

“Manangggg…”

Tawag niya sa yaya habang hinihilot ang sentido niya. Agad na bumukas ang pintuan ng kanyang kwarto at iniluwa doon ang matandang babae na nakasuot pa ng apron, si Manang Berta. May dala itong tray na may tasa ng tsaa. Nilapag nito ang tray sa maliit na table sa gilid ng kama ng alaga.

“Oh, anak. Kumusta pakiramdam mo? Inumin mo ‘tong tsaa, maganda ‘to sa hangover.” Sabay abot sa kanya ng umuusok na tasa.

“Ayaw ko niyan Manang. I want ice-cold canned-softdrinks.” Sagot ni Ivo na pupungas-pungas pa ang mga mata.

Tumayo ang binata, magulo ang pinakulayan ng hazel brown niyang buhok, walang pang ibabaw na saplot at naka checkered boxer lang na tinungo ang pintuan.

Sumunod sa kanya si Manang Berta habang pinapangaralan siya nito ng tungkol sa mga ginagawa niya noong nakalipas na mga araw. Alam niyang napapadalas ang pagpunta niya sa The Elite pero iyon lang ang libangan niya kaysa naman maburo siya sa kakatambay sa bahay.

Tumigil siya saglit bago pinihit ang knob ng pinto. Binibigyan niya ng karapatang pagalitan siya ni Manang Berta dahil ito na ang tumatayong ina at ama sa kanya sa loob ng mahabang panahon dahil sa palaging busy ang magulang pero ang mapakinggan ang sermon nito nang ganoon kaaga ay nakakapag-irita sa kanya.

“Manang…” seyosong sabi ni Ivo na may himig pagbabanta.

Tumahimik si Manang Berta. Alam niya kasi ang tuno ni Ivo kapag nagagalit na. Nang masigurado ni Ivo na titigil na si Manang Berta sa kakasermon sa kanya ay pinihit niya ang knob at naglakad papuntang hagdanan pababa.

Dahil sa puro salamin ang dingding ng mansion ay kitang-kita niya ang labas at paligid nito. Tanaw niya agad ang dalawang hardenerong besing-besi sa pagkokorte at pagpuputol ng mga damo sa bakuran. Sa gilid naman ay naroon ang malaking swimming pool na kasalukoyang nililinis ng dalawang ring lalaki. Sa loob ng mansion ay besing-besi naman ang mga kasambahay sa pagluluto at paglilinis ng bahay. Nagpatuloy sa pagsunod kay Ivo si Manang haggang sa makaabot ito sa kitchen.

Binuksan ni Ivo ang double-door fridge at nilibot niya ang mga mata sa loob nito. Wala siyang Makita softdrinks dahil malamang ay tinago na naman ito ni Manang. Ayaw kasi nitong umiinom siya ng softdrinks bago kumain, lalung-lalo kapag oras ng umagahan. Inabot niya ang isa sa limang evian bottled water at tinungga ito habang nakaharap sa bukas sa refrigerator.

“Can’t you care wearing at least a T-shirt?”

Napaangat ang mga paa ni Ivo sa sahig at muntik ng mabilaukan sa iniinom na tubig dahil sa hindi inaasahang lalaking nagsalita, the patriarch of the family, Master Andres Salazar.

“DAD?!”

Ivo covered his bare chest. His face brightened. Inabot ni Manang Berta ang puting v-neck T-shirt na kakatupi lang niya mula sa laundry basket para matakpan ang hubad na katawan ni Ivo. Mabilis naman itong sinuot ng binata. Nagbigay muna ng galang si Manang Berta bago umalis at mabigyan ng privacy ang mag-ama. Umatras din ang dalawang bodyguards ni Master Salazar.