Curse Resurrection (Complete)

Chapter 1: The Contract

Sinuot ko muna ang aking balabal pagkatapos ay pumikit ako at huminga ng malalim tsaka nag-umpisa ng maglakad. Medyo malayo-layo pa ang aking lalakarin pero ayos na 'yun basta marating ko na ang palasyo.

Ilang minuto na ang nakalipas. Napapatingin rin ako sa mga bahay na nadadaanan ko. Hanggang sa marating ko ang pamilihan.

Saglit akong napahinto at inaalala ang mga nangyari sa nakalipas na pitong taon. Sa pagkakatanda ko, wasak ang lugar na ito dahil sa ginawa ng mga Cryptus, idagdag mo pa ang maraming insane nun na kasapi ni Zeraffina.

Pero kahit na ganun ang nangyari ay nakabangon muli ang Vasemuelle. Napangiti ako saglit sa naisip at muling nagpatuloy sa paglalakad.

Nang bigla nalang akong may naramdamang pamilyar na presensya.

"Asan na ba ang makulit na batang 'yun?"

Lilingunin ko na sana ang may-ari ng boses na 'yun ngunit may nakabunggo sa akin.

"Ayy! Pasensya na po!" muntik na akong matumba kung 'di lang ako mabilis kumilos ay baka pinagtitinginan na ako ng ibang nandito sa pamilihan.

"Hindi ka pa rin nagbabago."

Namilog ang kanyang mga mata habang nakatitig sa akin, "B---binibini--?" Tallah...

Halata sa kanyang mga mata ang pagkalito at pagkagulat. Tuluyan ko nang tinanggal ang aking balabal, "Namiss mo ako noh?" 'diko maiwasang 'di mapangiti.

"Binibini---!" mahigpit na yakap ang natanggap ko sa kanya. At naramdaman ko nalang ang paghikbi niya.

"Aba! Sige pag mabasa mo itong suot ko itutulak kita," pagbibiro ko.

"K---kasi naman Binibini. Namiss ko kayo," at humagulgol siya ng iyak. Napatawa na lamang ako.

"You never changed," tsaka ko hinagod ang kanyang likuran, "Iyakin ka parin."

Alam kong namiss na niya talaga ako. Sa loob ng pitong taon ay saka lang niya ako muling nakita.

"Binibini bakit ngayon ka lang?" dahan-dahan siyang nag-angat ng tingin sa akin.

Ngumiti ako, "I have something to do in here."

"Sister Tallah?" napabitaw sa pagyakap sa akin si Tallah nang may tumawag na bata sa kanya. Kahit ako ay napatingin rin sa lalaking bata na sobrang cute na hula ko ay nasa tatlong taong gulang pa lamang ito.

"Vale?" napaupo ng bahagya si Tallah para magka level sila nito, "Saan ka galing. Pinag-alala mo si sister Tallah?" hinawakan pa niya ang magkabilang balikat ng bata.

Ako naman ay unti-unting napaawang ang labi habang tinitingnan ng maayos ang hitsura ng bata. Who are the parents of this child? Bakit parang may hawig ito sa Supremo at sa---?"

"Do you know her, Vale?" tanong ni Tallah sa bata. Nakatitig lang ito ng sobrang seryoso sa akin. The way he stares---parehong-pareho ito sa titig na ibinibigay ng Supremo sa akin noon.