Just the Girl

KABANATA 33

KABANATA 33

"I'm sorry but I really have to go there. Baka magalit si Mama..."

Napabuntong hininga na lamang si Red sa isang bahagi ng kinauupuan niyang sofa sa bahay nina Miah.

"Wala naman akong magagawa if you really have to go there. It's your parents' order. Mamimiss lang kasi kita nang sobra. Imagine, two months ka doon. Two months tayong hindi magkikita. Pakiramdam ko'y mababaliw ako."

Lumapit si Miah sa kinauupuan niya at niyakap siya. Yakap pa lamang nito ay nawala na halos ang pagtatampo niya simula nang ianunsyo nitong kaylangan nitong pumunta sa Laiya, Batangas sa tiyahin nito sa side ng ama nito.

Ano nga bang sadya doon ni Miah? Nagpaalam sina Ian at Michaela sa mga magulang ng mga ito na hindi muna sila uuwi sa probinsya ngayong school vacation. Patungo umano ang magkasintahan sa Thailand upang magbakasyon daw. At dahil nga hindi makakauwi si Michaela ay walang makakasama si Miah sa bahay ngayong bakasyon. Kaya nag desisyon ang magulang nito na doon muna si Miah mag stay sa Auntie nito na taga Laiya, Batangas. May sariling resort doon ang nasabing Tiyahin at tumulong daw muna sa resort para kahit papaano ay may income si Miah.

"Just take care there. Dapat active lagi ang phone mo. Huwag mong hahayaan na ma-low-batt because I'm going to call you time to time to check on you."

Tumango si Miah at binigyan siya ng ngiting nangangako. "Hindi ganoon kadami ang dala ko. Pero kaylangan ko nga palang dalhin ang volky ko kasi isasama ko si Barky doon. Hihiramin din daw nina Uncle ang sasakyan."

Ngumuso si Red. "Gusto sana kitang ihatid doon. Basta drive safely. I will miss you." Saka niya hinalikan sa noo si Miah.

"I'm gonna miss you too. See you after two months."

Tumango si Red. "'Di na ako sanay na hindi kita kasama. Nasanay na ako sa araw-araw na ginawa ng Diyos ay ikaw ang kasama ko."

Tumawa si Miah. "Pinapahirapan mo talaga akong umalis."

"Hoping to change your mind." Tumawa na rin si Red.

"Sa gusto ko't sa hindi kaylangan kong umalis. Naku, takot ko lang na itigil na nina Mama ang pagbibigay sakin ng allowance, 'no."

"Eh, 'di akong bahala sa 'yo. Ako magpapa-aral sa 'yo." Ani Red sa seryosong tono.

Humagalpak ng tawa si Miah. "Tigilan mo nga ako." Binuksan ni Miah ang sasakyan nito at ipinasok doon si Barky.

Si Red naman ay seryoso lang na nakatayo at nakapamulsa. Napansin ni Miah ang pagkaseryoso ng mukha niya kaya napakunot ang noo nito. Pero binago rin niya ang expression ng mukha niya.

Huminga ng malalim si Red at ngumiti. "I'm just being paranoid." Binuhat na niya ang mga gamit ni Miah at inilagay iyon sa sasakyan.

Nang masigurong maayos na ang lahat ay hinapit niya ang bewang ni Miah at binigyan niya ito ng matamis na halik. "I will miss you. Ngayon pa lang parang mamamatay na ako sa pagka miss ko sa 'yo. Mag-ingat ka roon."

"I will miss you too and I'll be fine."

Pumasok na si Miah sa loob ng kotse at in-start iyon.

"Barky, mag-ingat kayo ng mahal ko, ha?" sa sorpresa niya at tumahol si Barky. "Good boy!"

"We're going. Bye!"

"Bye, I love you!"

"I love you, too."

Hinatid na lang ng tingin ni Red ang palayong sasakyan ni Miah.

"WE'RE HERE." Ani Miah nang makita ang main gate ng resort ng kanyang Auntie. "Blue Coral Resort."