Just the Girl

KABANATA 20

Sa mga hindi pa po nakakasali sa Ayoshi Fyumi Stories na GROUP sa FB, join na po kayo para updated lagi kayo sa mga bagay-bagay. Lol. Please do comments and votes! :D While waiting for the next update you can read my other stories po dito sa Wattpad. Thank you so much!

KABANATA 20

Araw ng Linggo. Gaya nang ipinangako ni Red kay Miah na tutulungan niya itong ayusin ang masukal na garden sa bahay nina Miah. Simula nang umalis ang Kuya Marco ni Miah at ang bihirang pag-uwi ni Mikay mula sa pag-aaral nito sa Maynila, nahirapan nang akuin mag-isa ni Miah na linisin ang buong bahay nila. Lalo pa't antique iyon. Mahirap linisin lalo na ang kanilang sahig. Kaylangan pa lagyan ng floorwax at gagamitan ng bunot para kumintab.

Kahapon naman ay nakapaglinis na si Miah ng buong bahay. Nawala na ang mga agiw sa bawat kwarto. Nakapaglaba na rin siya at napalitan na rin niya ang maalikabok na kurtina.

Gumaan sa paningin ni Miah na malinis tingnan ang bahay. Kaya naman hindi sila nagkita ni Red kahapon ng maghapon dahil ito'y nag-duty sa coffee shop na pinagtatrabahuhan nito. Whole day duty daw.

Ngayong umaga naman ay tapos na niyang paliguan ang kanyang alagang halimaw na si Barky. Saka naman dumating si Red at may dalang kawit na pangtabas sa mga damo at almusal. Tamang-tama, kape pa lang ang laman sa tiyan ni Miah ngayong umaga.

"Nice timing." Ika niya.

"Alam ko kasing tamad kang kumain ng almusal." Pinarada ni Red ang bike nito sa tabi ng hagdan nila. "Let's eat first."

Nagtungo sila sa kusina at inilabas na ni Red ang dalang almusal. Agad naamoy ni Miah ang sinangag na kanin.

"Luto ni Ma'am?" ika ni Miah sa ina ni Red.

"Yep. Omelet at tocino." Nagsimula na silang kumain. "'Nga pala, sabi ni Mama sa bahay ka daw mag dinner tonight."

Ngumiti ng malawak si Miah. "Sige."

Nang matapos silang kumain ay niligpit muna ni Miah ang kanilang pinagkainan at si Red naman ay nagtungo na sa garden para mag-umpisa nang magtabas.

"Kaylangan ko nang magtabas ng maaga. Mahirap kapag naabutan ng tirik na araw."

"I'll help you para matapos tayo agad." Suhestiyon ni Miah.

Tumawa si Red. "Okay. 'Wag ka lang masyadong magbibilad. Alam kong hindi ka nangingitim pero ayaw kong mamula ang balat mo dahil sa init."

Natigilan si Miah sa sinabi ni Red. Parang may naramdaman siyang kung ano sa tiyan niya. At tama din ang sinabi nito. Hindi siya nangingitim kapag naarawan siya. Namumula lang nang husto ang kanyang balat. Parehas sila ng kapatid niyang si Mikay at ganoon din si Kuya Marco niya. Napapangiti lang si Miah dahil hindi naman niya iyon nababanggit kay Red pero alam nito na ganoon siya. Ano pa kayang alam ni Red tungkol sa kanya?

Marami na ang natabas na damo si Red nang sumunod si Miah sa garden. Naramdaman naman ni Red ang prisensya niya.

"Second year na tayo after three months. Ano'ng balak mo sa sem-break?" open na topic ni Red.

Kunwaring napaisip si Miah pero may naisip na naman siyang plano. Kinuha ni Red ang juice na dala niya kanina.

"Hm, gusto ko sanang mag part time sa coffee shop na pinagtatrabahuhan mo sa sem-break."

Nang sabihin iyon ni Miah ay biglang nasamid si Red sa iniinom niyang juice.

Kumunot ang noo ni Miah. Hindi ba siya pwede d'on? "Bakit? Gusto ko naman kahit papaano na may extra income!"