النصيب❥

26

#النصيب

النصيب❥

💛25 قبل الاخير

🍂🍂🍂🍂🍂
كان ساكت وهو يشوف لها ماعنده اي شي يدافع به عن نفسه
شافت له بيإس وكانه خلاص شافته استحاله امامها قنعت من داخلها لايمكن هذا الانسان بعد هذا الموقف يحبني وينساها
اقتربت وفكت الدبله من يدها وتركتها امامه ع الطاوله: هي ذي هيام البنت اللي حبيتها قبل سنين وتزوجت  ورجعت وبقيت تحبها انا سالت عنها بعد ماشفت نظراتك لها اخر مره
انا غبيه كيف مافهمت حتى سمر كانت تلمح لي كانت تقول ذا الشخص الوحيد اللي ما افكر به
طبعا لان صديقتها تحبك
تعرف ذاك اليوم اول مره قلت لي انك تحبني او ب الاصح كنت تحاول تقول لي
لاول مره تمنيت لو انا مش انا لو انا البنت الذي كنت تشوفها انا.. لو انا هيام لانك قلت احبك ي هيام ! انت جرحتني ي ايمن انا مستحيل بسامحك انت عارف انك بتحب البنت ذي لهذه الدرجه ! ليش تعلق قلبي فيك وتقتله !
حاول يقطعها بس ماعطته مجال طلعت وهو يشوف بعدها ورجع اخذ الدبله من فوق الطاوله: خربتي حياتي ي هيام انا اكرههكك اكرهكك لاني ماقدرت انساك ولا قدرت اكون مثلك خاين ولا قدرت احب غيرك حتى نفسي ماقدرت احبها مثل ما حبيتك !

.........
رقيه كانت بغرفتها
ودينا جالسه بالصاله تشرب شاي دخل احمد
وجلس: جاءو اهل يوسف
دنيا بدون نفس: ايوه وجابو كل متطلبات الخطبه
احمد :  حلو ومالك قالبه وجهكك هكذا ي دنيا او جاءت هيام
دنيا: لا قالو ب المعهد
احمد: قد قلت لك ماعاد بيخلوهش تجي بس انتي امس جنتيني صياح ماعاد تشتيش تشوفيها
مادريت لش ي دنيا مره تزعجيني عشان اوافق ومره تقولي ماتشتيش تشوفيهم
دنيا: هيام ب الذات ما اشتي اشوف صورتها عاد صوره اخي بين عيوني . وبعدين مستغربه ي احمد اي معهد الذي تكلمو عليه او قصدهم المعهد حق ايمن خايفه تروح تحتك به وتخرب خطوبته وشكل اهلها نادمين وانا ماعاد اشتيش اخي يحتك بهذه العائله ب المره
احمد:يا دنيا شوي شوي ايش الحقد ذا اللي بقلبك ع البنت هذه وبعدين لو تشتي الصدق اخوك واضح عاده بيحبها للان ماتقدريش تفعلي شي
دنيا تذكرت التسجيلات اللي ب الكبيوتر ورجعت شافت له: لا بيحبها ولا بيذكرها من قالك ؟ اخي خلاص خطب وبيتزوج
احمد: تتذكري قبل ما نسير نخطبها يا دنيا ايش قال ؟ قال لي ي احمد البنت ذي لو سارت من يدي ما بقدر انسيها لو قضيت عمري كله احاول !
دنيا:.....
............
اليوم الثاني
اتصلت دنيا برقيه وهي خارجه من الجامعه : رقيه امس ام هيام نست شي انا خليته بشنطتك اليوم ونسيت ما اكلمك المهم مري المعهد وشوفي لو تحصلي هيام مكنيها لانه قد اتصلت لهم للبيت قالو مكني هيام
رقيه: حاضر . اين معهد حق ايمن
دنيا : ايوه
رقيه: طيب بمرها الان
دنيا قفلت وهي تشوف ب التلفون: وطلعت بتدرس صدق بالمعهد حق ايمن
سهل بخلي ايمن يجي واحذره لاعاد يحتك بها خير شر والله اخاف رنا تشك بشي وتتركه.

ايمن ماكان مداوم كان مع عبد الخالق حجاول يصلح العلاقه بعد ماكلمته رنا انه ماعاد تشتيش : شوف انا والله ماعاد بيني وبين هيام شي بس هي رجعت تدرس ب المعهد واختك شافتها ومدري من قال لها اننا كنت احبها وهي غارت وكبرت الموضوع
عبد الخالق: كنت تحبها ؟؟ ع اساس نسيتها ي ايمن !
غمض عيونه وفتحهن: عبد الخالق هيام ماضي ماضي وانا ناوي اتزوج واستقر وخلاص وانا لوما قرارك ان قد تزوجت
عبد الخالق: ايمن هي قالت ماعاد تشتيش وقالت انه شافتك معها وانك كل ما تشوفها تجلس شارد بها وانك تناديها ب اسمها ب الغلط
ايمن:...
عبد الخالق: ايمن لا تحسب انه لو بطلنا الخطوبه بزعل منك او شي انت مازلت صاحبي ويكفي انك احترت تناسبني من بين الف بس ي ايمن  انا قد قلت لك البنت ذي مازالت داخلك !! ماقدرت تنساها ودامها تطلقت ارجع اتزوجها وفك نفسك من هذا العذاب
ايمن وقف بعصبيه: محد منكم بيفهمني انا نسيت هيام ذي مستحيل برجع افكر بها مستحيل بتزوجها بعد الذي حصل انا كرهتها كرهتها
عبد الخالق: طيب اهداء مالك
ايمن اخذ نفس: انا اسف لو تعبتك معي ولو فعلت لك مشاكل والخطوبه خلاص مثل ما تحبو كانه ماصار شي
خرج معصب وهو يشوف بعده :...
.......
دخلت تشوفها وهي كانت خرجت من الدوام وجالسه عند سمر
سالت السكرتاريا واشرت لها للاداره
ودخلت : لو سمحتو اشتي هيام ؟؟
هيام : انا هيام ادخلي
سمر :...
دخلت : انا خطيبه يوسف
هيام : اهاا حياك خير ؟
رقيه جلست وفكت شنطتها: امك نست ذي امس عندنا ودينا اتصلت لهم وقالو اديها لعندك للمعهد
هيام اخذتها من يدها: طيب شكرا
رقيه بعد ماشافت نرفزتها: وانا اعتذر لو جيت بوقت غير مناسب او ازعجتك !!
سمر بتعجب: هيام اول مره تشوفيها او كيف
هيام: ايوه اول مره هي اصلا اخت زوج دنيا اخت ايمن
سمر: صدق !! رجعتو تناسبوهم
هيام: يوسف كسر راسنا عشانها ودخل ابي المشفى بسببه
سمر:اهاا تطلعت من نفس عائله ايمن  وقبلت دنيا بعد الذي حصل وايمن مقال شي ،؟
رقيه: الدكتور ايمن هو الذي اصر ع اخي يوفق ما اخي كان رافض خاصه بعد الذي سمعته انه الدكتور ايمن كان
شافت ل هيام: يحبك واهلك **
هيام: كان يحبني !كان وكان المفروض تكوني مثلي كذا لاحول لك ولاقوه لك دئما يكون في كل عائله شخص يكون الضحيه الاهل يجربو فيه تجاربهم الفاشله ويتجنبوها مع بقيه اولادهم
وانا كنت تجربه عائلتي الفاشله  !
انا كنت الضحيه ويوسف كان المستفيد
رقيه:.....
هيام وقفت وسمر شافت له: بتروحي
هيام: ايوه
سمر : اشوفك بكره .
رده عليها بحزن : ياليت ما تشوفيني ي سمر ياليت ماعاد تشوفيني ابدا
سمر : هيام اذكري الله مالك
هيام: تتعبت من حياتي من نفسي ي سمر تعبت من كل شي
...........
رنا كانت جالسه لحالها دخلت اختها: ليش لحالك وليش ماداومتي اليوم
رنا: كرهت كل شي ي نوال كرهت المعهد من قلبي
نوال: كل ذا عشان ايمن
رنا: انقهرت ي نوال انقهرت لو تشوفي كيف يحبها كل ما اسير ويجي ب الصدفه واشوف نظراته لها امووووت انقهر
نوال: سهل عادك الا ب البدايه ي قلبي الحمد لله وراح وخلاص ربنا يعوضكك
رنا:...

...........
اليوم الثاني ..
مر للمعهد دخل وماشاف سمر وشاف واحده من المشرفات مكانها دخل وسالها: سمر وين اليوم
المشرفه: سمر انا اخذت مكانها لانه هي ب المشفى
ايمن بتعجب: المشفى اي مشفى وليش سلامات
المشرفه : لا بس صديقتها فعلت حادث
مدري ليش فز قلبه وجاءت صوره هيام قال بتوتر: صديقتها ؟ ماتعرفي من هي
المشرفه: هيام الطالبه الذي عندنا
وقف بدون شعور: هيام ؟ اي مشفى وكيف صار الحادث
المشرفه: امس وهي خارج من المعهد صدمتها سياره وهي من امس راقده ب المشفى
ايمن: طيب طيب
خرج وطلع رقم سمر ودق لها رده : الوه استاذ اسفه ماقدرت ادوم انا**
قاطعها: في اي مشفى انتي ايش صار مع هيام
سمر: انا بالمشفى نفسه اللي ابوها هيام كان نايم فيه
ايمن يتكلم وهو يمشي: طيب ايش صار كيف هي الان
سمر: مازالت ب العنايه من امس وانا اليوم قلت بمر اشوفها
ايمن: طيب انا بجي
سمر بهدوء: اهلها هنا
ايمن: يكونو حتى الجن عندك ايش هامني
غلق وهي تشوف للغرفه حق هيام
كانت امها ع الكرسي جالسه تدعي لها وتبكي
ابوها وجالس كمان
اكرم ماقدر يروح حتى الجامعه
ويوسف واقف كمان
وعمها وعمتها وزياد بيكلم ابوها:الان ايش بيصير ي عم
ابو هيام : مدري الدكتور قال بيسوي لها عمليه يمكن تنشل بعدها ويمكن تموت ويمكن تعيش
كان يتكلم بتوتر وقلق
قاطعه زياد: لا تقلق ي عم كل شي بيكون تمام ان شاء الله خلي ايمانك بالله كبير
ابو هيام: والنعم بالله
.......
احمد دخل ودنيا جالسه مع رقيه: دنيا البسي بنروح المشفى
دنيا بقلق: ليش اخي فيه شي
احمد: لا اخت يوسف فعلت حادث ووهم بالمشفى بنروح كذا نص ساعه نفعل الواجب ونمشي
رقيه وقفت: من هيام
احمد : ايوه
دنيا رفعت حواجبها بتفجاء: وكيف هي
احمد: حالتها صعبه بيقول وبالعنايه
دنيا قامت ووصلت جنبه: لا يكون ايمن عرف ؟انتبهه يعرف اخاف يحصل شي كذا او كذا وبعدين تخرب خطبته
احمد: مش تقولي نسيها خلاص ليش خايفه ؟ الا لو انتي واثقه ان اخوك بيروح لها المشفى جري لو عرف
دنيا: مش مهم ي احمد المهم مايعرف طيب
احمد: ما كلمته لا تقلقي ولا بكلمه
دنيا: حلو طيب بطلع البس واجي
............
وصل هو المشفى سال ع رقم غرفتها ودكتورها كان يعرفه طبعا
طلع عنده ع طول كان في عنده حاله انتظرهاتخرج ودخل : سلام
رحب: اهلين ب ايمن
جلس: بسالك انت ماسك الحاله اللي فعلت حادث امس
الدكتور: ايوه ليش
ايمن: اشرحها لي ايش صار معها؟
الدكتور: ليش ؟ طيب
الحادث كان قوي هو ضرب اسفل الظهر ب التحديدا وفي جزء انغرز ب اسفل ظهرها الان الحاله خطيره جدا احنا خايف نفعل العمليه تنشل او تموت
ايمن بصدمه : اسفل ظهرها
الدكتور يكمل : من امس وانا احاول ادرس طريقه اقدر انقذها بها بدون ما تتضرر او نفقدها لاسمح الله
ايمن ضرب بيده الطاوله وهو يشوف له: اسمع ي سليمان البنت ذي لو يحصل لها شي بقتلك تفهم
شاف له بتعجب وابتسم: ايمن ؟ مالك ومين ذي البنت من فين تعرفها
ايمن : مش مهم المهم ي سليمان تفعل شي تنقذها به لو يصير بها شي انت بتقتلني انا
وقف ووصل جنبه ومسك كتفه وهو جالس: اهداء شوي اهداء مالك متوتر كذا لا تقلق بنفعل جهدنا كل شي بيكون تمام ان شاء الله انت دكتور وعارف انه احنا بنفعل جهدنا
ايمن: الان مشنا دكتور اعتبرني شخص مجنون وهذي لعبته الوحيده المتمسك بها قبل مايفقد عقله المجنون بيفعل اي شي في سبيل لعبته لو خسرها
سليمان: ههههه ايش ذا التشبيه ي ايمن اسمعني خليك هادى لا تقلق وكل شي هو ب امر الله
ايمن : متى بتسوي العمليه
سليمان: عاد نحنا بنشوف النتائج وبقرر من خلالها يعني بعد ساعتين كذا
ايمن بيحاول يسترخي: طيب قبل ما تسوي العمليه كلمني بدخل معك بس اشوفها
سليمان: ايمن ماينفع وانت كذا متوتر تدخل معي بتوترنا
ايمن : سليمان ارجوك انا لو بجلس خارج بموت من القلق يمكن اجنن لازم ادخل معك
سليمان: طيب اهداء شوي ويصير خير .
...........