النصيب❥

العاشر

#النصيب

النصيب❥

البارت التاسع 💛

كملت تغسل ادوات العشاء وطلعت وهو ب الغرفه
اول ما دخلت انتبهت لنظراته العنيف لها
وهي تحس ان فيه شي ..
طنشته وفكت شعرها بتمشطه وهو اقترب : هيام ؟
شافت له : نعم ؟
رفع يده وفيها علاج : انتي تاخذي حبوب منع الحمل ؟ وبدون علمي ؟؟؟
اول ماشافت العلاج تغير لونها ورجفت يدها وتلعثمت ماعاد قدرت تتكلم :..
عادها وواضح انه مقهور: هيااااام .. انطقي ؟ذا العلاج حقكك ضح ؟؟
شاف صمتها وخوفها وتوترها واثبتت له شكوكه اللي قهرته وقال بعصبيته اللي دئما يستخدمها معها  :
انتي ما تشتيش عيال مني ؟؟ الان بعد ثلاث سنين ي هيام وانا اخذك من عياده لعياده ويقولو لي مافيها شي وشكيت حتى بنفسي ورحت اتعالج ومافيني شي يطلع السبب انتي !! بتاخذي علاجات ي هيام !!!
كانت ساكته بخوف وهي تشوف عصبيته مختلطه بقهر وهي ترجع وراء وهو يتقدم و
مسك شعرها بعنف: ليش ي تافهه !!!!ليش ؟؟
مسكت يده:بعد يدك ي زياد بعد يدك
وشافت في عيونه:ايش ذنب طفل يجي وامه وابوه يكرهو بعض ؟؟ قل لي ايش اقول لعيالي ل شافو ابوهم يضرب امهم امامهم؟؟ ايش ذنبهم يعانو بيننا وينحرمو من حب ودفي الاسره !!!
انت مجنون ي زياد ما تشوف علاقتنا كيف وانت تشتي عيال !! انت ما تحس ! انا بس اللي اتعذب !!!
شد بشعرها اكثر وهي تصيح: انتي تافهه رخيصه انتي حتى بلاش محد ياخذك .. انا مدري كيف متحملك ..  وبعدين مالك شغل كيف عيالي وكيف عيالنا ،، انا اشتي عيال انتي تنفذي لي رغباتي بس
كانت تحاول تفك يده من شعرها بس ما قدرت كان مثل العاده اقوي منها
رجمها بقوه للارض : لو زد عرفت ي هيام انك تشربي علاج بشربك الشريط كله مره واحده وافتك منك بالمره

خرج معصب وهي تبكي بعده :....

...........
يوسف كان معصب وما روح البيت كان يتصل ل رقيه وهو ب الشارع : لا تهتمي لو تقوم السماء ع الارض ما باخذ غيرك بس انتي لا تتركيني..
رقيه: يوسف انا مستحيل اتركك بس مشتيش تتصايح مع اهلك بسببي
يوسف تنهد: انا احبك طيب غصب عني ايش اسوي !! ليش محد يفهم
رقيه: طيب هدي نفسك شوي كل شي بيكون تمام
وهي تتكلم دنيا صياحت لها: رقيه بطلع بيت اخي نسيت تلفوني امس هناك وارجع انتبهي للبيت ولهدى بنتي هي نايمه وانا بطلع مع حمزه
رقيه:طيب طيب
.......
اليوم الثاني
وهي ب المعهد ومنتظرته عشان كان اربعاء واكيد بيجي
وفعلا شافته واقف مع السكرتاريا ويتكلم وهي بتجيب له اوراق
سرحت بدون شعور :....
هبه صديقتها انتبهت وشافت له وهي تشوف له: من هذا اللي اخذ عقلك ي رنا ؟
نقزت وشافت لها وضحكت: اخذ عقلي ؟؟
هبه: ماعاد في مجال تنكري ! هذا اكيد ايمن
ضحكت: ايوه هو
ورجعت شافت لها وبهدو: اسمعي كيف اخليه يلتفتت لي وسط هذول البنات كلهن
هبه: ما بيميزك الا لو عرف انك اخت صاحبه
رنا رفعت حواجبها: وكيف اخليه يعرف
هبه : اسمعي روحي اشتري الان كتاب من السكرتاريا وهو واقف وهي بتطلب اسمك وهو بيعرف
ما كملت كلامها الا ورنا هناك
وصلت : سلام
كان هو يشوف الاوراق
السكرتاريا: وعليكم السلام ورحمه الله وبركاته
رنا: بس اريد كتاب الكورس الاول
السكرتاريا : طيب دقيقه
طلعت له الكتاب وسند: ايش اسمك
رنا شافت ل ايمن اللي مندمج مع الاوراق : اسمي رنا .... **
اول ما قالت اسمها الكامل التفتت لها على طول :...
السكرتاريا مكنتها السند والكتاب بتمشي وهو وقفتها وهي راده ظهرها وابتسمت: لحظه انتي اخت عبد الخالق
رنا ب ابتسامه: ايوه
ايمن في نفسه هل هذه هي نفس البنت ذيك؟
رنا ب احراج  :بصراحه ي دكتور انا حابه اعتذر يعني ذاك اليوم عشان وجههي والشخبطه وكذا والله فكرتك اخي قلت بخوفه وانصدمت انك انت
كانت تتكلم وهي متوتره وايديها ترجف :لو عرف اخي بيقتلني
ايمن ضحك: هو انتي ؟؟ شكلك كان مختلف
رنا: كيف يعني؟
ايمن بيتكلم وهو يوقع ع اخر ورقه: شكلك الان اجمل !!
اول ما قال كذا قلبها نبض بدون شعور وظلت تشوف له وهو يرجع الاوراق لسكرتاريا
وقال لها :سمر جاءت
السكرتاريا: ايوه هي داخل
دخل وهي اقتربت تشوف له  وكان يتكلم سمر ويضحك وهي تشوف من عند الباب: معقوله يكون بيحب سمر ؟؟ فاعل لها قيمه كبيره ب المعهد وكانها المعلوم الوحيد !!
كيف افعل عشان اعرف اذا هو يحبها او لا ؟وكيف اخليه يحبني ؟؟
.......
دخلت البيت  مع ابنها الصغير
شافت البيت مكركب : يووووه كيف خالك ايمن يرجم كل شي في مكان وعاده يقول مايشتي زوجهه تهتم فيه !
بدات ترتب البيت
شوي التفتت ما حصلت ابنها ورجعت تنادي : حمممزززه .. حمممزه
مسكت ايديها: شكله دخل غرفه خاله ؟
دخلت الغرفه وفعلا هو فيها وكان فاتح الكبيوتر
اول ما شافته صيحت: يووووه ي مجنون كيف فتحته لو يعرف ايمن بيجنن
راحت اخذته وبتغلقه
شافته فاتح ملف وكان مكتوب نقاط نقاط
تبسما بهدوء: بشوف ذوق ايمن ب الاغاني
فتحت الملف وانصدمت :...!!!!
انصدمت لثواني وبدهشه: هذا صوت هيااااام..

كان الصوت عباره عن تسجيل هيام للموال اللي ارسلته له قبل ثلاث سنين
اليوم من الصبح قاعد وأفكر بيك
انا ابتليت بعشق وادعي الله هم يبليك
اعترف كله كذب لو قلت أنا ناسيك
تعبان واحنا سوى ولو نفترق تعبان
اليوم من الصبح قاعد وكلي جروح
‏مليون فكرة تجي ومليون فكرة تروح
مو قلبي وحده انجرح كلي أحس مجروح
أختنق واتنفسك وترجع ترد الروح
ما متت بعدك أنا بس عايش ومذبوح

وهي تسمع جلست بصدمه ع الكرسي: ايش بيفعل صوت هيام ب الكبيوتر تبع اخي وملفاته الخاصه !!!! معقوله يكون ايمن للان ما نسي هياااام ؟؟؟؟!!!!!! معقوله ماقدر يمسح تسجيل صوتي ارسلته له قبل سنين لااااا يكون مازل يحبها !!!!