النصيب❥

4

النصيب❥

البارت الثالث ..

تركت التلفون من يدها وهي تحس نفسها مثل اللي انضرب كان جسمها مرهق وتعبان ..
عندما دق الباب حق غرفتها ولا ردت ولا جاوبت
اخذت التلفون وغلقته وجلست
كانت امها شافتها ما فتحت اخذت المفتاح الثاني وفتحت الغرفه ودخلت وهيام رده وجهه :..
جلست جنبها : هيام .. انا ما بيدي حيله ي بنتي ؟ ابوك حلف ما اقدر اعمل شي
رده بحزن : يمه ما اريد اتزوج !
ام هيام : هيام ابوك عزم الضيوف وخلاص
الخميس عرسك ما نقدر نفعل شي ... ابوك بيقتلك ي هيام اقصري الشر لعله خير
شافت لها بعصبيه: يمممه انتي ماتفكري انا كيف بتزوج زياد انا اكره ليش محد يفهمني ؟
ام هيام بحزن: انا فاهمه  وعارفه ما بداخلك لكن حكم القوي على الضعيف
سكتت:...
ام هيام: يالله تعالي اكلي لك شي امس ما اكلتي
رده وجهه: ماشتيش لو سمحتي خليني لحالي ؟
شافت لها بحزن ووقفت وطلعت :...
.......
اول ما قام ونزل يفطر
ابوه شاف له ب ابتسامه: عمك اتصل اليوم ؟ قال لو تشتي يفعلو العرس هذا الخميس
زياد بدهشه: عرس من ؟
ام زياد بنفس الابتسامه : عرسك انت وهيام
زياد بدهشه: من صدق ومسرع قررتو كذا فجاءه
اخته هدى: ليش ما قد تشتيش
ابو زياد: قل بيجنن متى يتزوج قالت ما يشتيش
زياد ضحك: ههههه لا بس تفجاءت وانت ايش قلت لعمي ؟
ابو زياد: قلت له هذه الساعه المباركه قد الولد جنننا
ضحك:....
هدى قاطعه ابتسامته: انا نفسي اعرف ليش مصر على هيام هكذا وانت عارف انها الف مره رافضتك ي اخي ما تشتيك
قلب عليها وجهه بعصبيه: محد طلب رايك اكلي وانتي ساكته
رده وجهه وعصب هو وطلع
ابوها شاف لها: وضروري تسمعينا فلسفتك
قومي من امام وجههي يالله
بشرى تركت الاكل من يدها بنرفزه وقامت :..

خرج هو ويوسف دق له : كيفك ي عريس
زياد كان طلع السجار وبيسجر: تمام ايش القرار المفجاء هذا عادها كانت ماتشتيش
يوسف وهو يضحك: دعسنا رقبتها ي زياد
زياد ابتسم: كفو ي يوسف ادعس رقبتها واكسرها لا تفرض رايها عليك بنت
يوسف: لا تقلق ولاشي انا محد يمشي كلامه علي
زياد شاف صاحبه من بعيد وابتسم:يالله يا يوسف بقفل الان صابر جاء
يوسف: الله معك
زياد قفل عندما وصل صاحبه وسلم عليه وبتعجب: صدق قالو عرسك هذا الخميس كذا فجاءه
زياده بدهشه: مسرع انتشر الخبر شكلكم عرفتم قبلي
صابر ضحك: هههههه لا بس استغربت والله
زياد : مدري شكله رجع لها عقلها
جلس وصابر جلس جنبه واخذ السجاره من يده وبدا يسجر : نسيت نايله ؟
زياد بعصبيه: ايش جاب طاري نايله ذلحين ؟
صابر : صاحبي وادري بك تفكر بها
زياد: عليها لعنتي وغصبي
صابر : كرهتها ي زياد ؟
زياد:كرهتها وكرهت البنات بعدها والله فعلت لي عقده ماعاد احب احد
صابر: بيني وبينك هي تستاهل الكرهه
زياده : ثلاث سنين حب وتقول لي اسفه جاء نصيبي عليها العنه
صابر : وهذي بنتك عمك ليش تزوجتها اذا عادك ذاكر نايله هكذا
زياد: تزوجتها ل اسباب كثيره اول شي لجمالها هي جميله واثنين عناد هكذا لانه رافضتني وثلاث احب اطلع حرتي من نايله فيها
صابر ضحك : ي شيخ مالها ذنب
زياد: كل النسوان بعيني مذنبات كلهن نفس الصنف
صابر :....
........
كان هو مرهق نام بوقت متاخر من الليل ..
اول ماصحي فتح الواتساب شاف تسجيل صوتي من هيام
اول ما فتحه وسمع صوتها حس بشعور غريب داخله جلس ورد ظهره ع الجدار وسمع الصوت مره ومرتين وثلاث واربع والمره الخامسه ؟؟؟
تجمعت الدموع بعيونه هو خلاص قاوم كثير وتعب ! تعب انهد حيله ...
كان متالم ما تصور نهايه قصه حبه كذا
كان يفكر ب الف طريقه تجيب له هيام اللي صارت صعبه المنال الان ؟
رد لها : هيام انتي تحبيني ؟
كانت طلعت امها وهي غلقه الغرفه بعدها
ومنتظره رده فتحت وشافته رد :..
رده عليه : وكيف ما احبكك ؟؟؟
ايمن: هيام انا ما اقدر اتخيل تكوني مع واحد غيري تطعني الغير طعن .. هيام ماعندي غير حل واحد !!
بتعجب قالت: ايش
ايمن : نهرب مع بعض !!
انصدمت عندما قراءت: ايمن انت مجنون😳😳😳 مستحيل
ايمن بعصبيه: ماعندنا غير ذا الحل ؟ ابوك بيزوجكك هذا الخميس .. خلينا نهرب والله ما اذذيك بعقد عليك ونتزوج ولا عاد نرجع هنا
هيام انا بضحي بدراستي وبيتي وكل شي بتركه واسافر معك
هيام : لا مستحيل ..
ايمن: هيام فكري اذا ما هربتي معي بتتزوجي ابن عمك !! الا اذا انتي راضيه .. هيام انا قد بضحي بكل شي في سبيل حبكك
هيام: ايمن انا احبك صح بس انا كنت اشتيك ب الحلال ويسلمني ابي لك..  ما اقدر افعل اللي تطلبه مني !!
ايمن: بعطيك فرصه تفكري للمغرب
وغلق هو جواله بعصبيه :....
.........
طول اليوم كانت مغلقه الغرفه ولا راضيه تطلع او تاكل وابوها متغاضي عن الموضوع ..
امها مو قادره تفعل شي ..

المساء كان جوالها يدق فتحت وكان ايمن : هيام شوفيني من الشباك انا واقف امام بيتكم
استغربت وفتحت الشباك شوي ولمحته وهو لمح ظلها: هيام تشوفيني
هيام بعصبيه: ايمن انت مجنون ؟؟ لو يعرف يوسف اخي بيقتلك
ايمن بنرفزه: يوسف اخوك ذا بيقتلني ذا انا ادعسه دعس
هيام: يوسف مجنون هو اللي اصر اتزوج زياد
ايمن قاطعها: هيام اطلعي يالله انا جهزت كل شي يالله بنهرب سوء ونتزوج ؟
هزت راسها ب النفس: لا يا ايمن لا مستحيل
ايمن بعصبيه: هيام تفهمي ي غبيه انا ما اقدر اتخيلك مع غيري ناويه تقهريني
هيام: شكله نصيبي !
ايمن بنفس العصييه: لا نصيبك ولاشي اطلعي يالله اوعدك محد بياذيك بعيش انا وانتي وبس
هيام : ايمن مستحيل
فك قبضه يده اللي كانت متشنجه وبهدو : كذبتي علي !! عمرك ما حبيتيني !!
هيام والدموع بعيونها : ودعاً ي حلمي الجميل !
غلق هو الخط في وجهها ودخل السياره وكان مقهور :...
........
وقت قربو العشاء
ابو هيام شاف ل امها: فين بنتك ؟؟
ام هيام ب ارتباك: بغرفتها ؟
ابو هيام: سيري هاتيها تتعشي معنا ل اروح اجيبها مسحوبه !!
ام هيام قامت
وراحت لها فتحت ودخلت: هيام ابوك قال اخرجي اتغدي ؟؟
هيام: ما اريد؟؟
ام هيام:هيام اقصري الشر ابوك بيقتلك !!و اذا اكلتي محد بيتضرر غيرك
هيام: يممممه ما اريد اطلعي
طلعت وهو خارج وشاف لها بصياح: وين هي
اجي اسحبك انتي وبنتك ؟
هيام سمعت يصيح فوق امها وخرجت :...
شاف لها: ليش ما تجي تتعشي ؟؟
انتي عارفه الضيوف بيجو من بكره اقاربنا
تشتي تفضحينا امامهم ؟؟؟
اقترب منها بعصبيه: اجتنبي الشر ي هيام احسن لك !!

كانت تشوف له وهي ساكته :..
ويوسف يشوف مبتسم :..
واكرم ساكت:..
.......
كانت الساعه 9 ونص بعد العشاء
خرج من بيت صاحبه
تحرك شوي وكان الشارع ظلام ماحس الا به مسكه ورده ع الجدار : الان انت بس تستقوي على اختك ي حيوان ؟؟ الان بشوف كيف بتقدر لي لما ادعسك الان دعس واسويك مع الجدار !!
يوسف بخوف : ايييش فيك من انت بعد يدك
ايمن بعصبيه: ماعرفت صوتي ي حق النسوان ؟؟ ي حق الشوارع ؟؟ ما انت الا ملاحقه بعد البنات قبح الله صورتك !!
يوسف بتوتر : ايمن ؟؟
عاد بيتكلم ما حس الا ب الضربه في وجهه لوما خرج الدم :....