النصيب❥

17

#النصيب

النصيب❥

البارت 16💛

'

أصعب آجآبه . . قـلتھآ فـي حيآتي
مآعـآد لـي خآطـر وآنآ خآطـري فيه
🍂🍂🍂🍂
وقف بعصبيه: ما بطلقها ما بطلقها ذي زوجتي ليش بتاخذوها مني ؟؟؟
ابو زياد: زوجتك كانت زوجتك الان لا مابش شي ب القوه ؟ طلقها وبنزوجكك الدنيا كلها بنات
زياد:مش قلت يبه الدنيا مليان بنات بس في هيام واحده ؟ ليش بتاخذو مني الان هيام الواحده ؟
ابو زياد : زياد اقنننع البنت لو ترجع بتقتل نفسها مره ثانيه لو تحبها صدق خليها تعيش !
.......

كانت جالسه بغرفتها تحس بضيق شديد وحزن وتعب وياس مدري ايش اللي جاء في بالها خليها وقفت وفتحت دولابها فتحت الدرج اللي تحب وطلعت كتبها تبع المعهد .. شعور غريب اجتاحها حست بشوق ماتعرف هل هو ل اشخاص ولا لوقت او لفتره عمريه بس اللي حست به كان شعور موجع حست انها فقدت نفسها ثلاث سنين عاشت بواقع ما يناسبها فكيف ممكن تعيش الطيور في البحر ويعيش السمك ب اليابسه؟ ايعقل ذالك ؟

كان هو تعبان جدا ومرهق وجالس بيتكلم مع صاحبه وهو يدخن ويشوف امامه: يشتوني اطلقها غصب كلهم ضاغطين علي قوي حتى اهلي كلهم معها وبصفها انا خلاص قدنا تعبان ومرهق والله ..
معاذ : وانت ليش ما تطلقها وتفتك
زياد: حبيتها ي معاذ غصب عني احس حياتي بدونها ناقصه وفراغ ولاشي حسيت ب الندم والله اشتيها ترجع قد قطعت الالف الوعود ع نفسي اعيشيها اميره بس احسه شي مستحيل ترجع انا عارف انا عذبت هيام معي قوي بدون ذنب لها ولا حيله استغليت ضعفها
معاذ: والله ي زياد من وجهه نظري انك تطلقها احسن افعل شي حلو بحياه هيام خليهم يذكروه لك ع الاقل البنت خلاص مستحيل عاد بترجع لك ف انت افعل شي حلو ب الختام وخليها تروح في حال سبيلها ؟
زياد : اااخخخ ي صاحبي ليش انا مالي باللي احبهم نصيب ! ليش كل ما حبيت واحده تركتني وراحت ! بنت واحده ي معاذ دمرت كل حياتي

.........
كان معزوم عندهم وبيكلم احمد : احمد في حد كلمني يشتي اتوسط له يتزوج اختك ايش رايك ؟
رقيه كانت ب المطبخ وسمعت :..
دنيا: قد بتكمل الجامعه لو تنخطب وبعدين نزوجها قد هو وقتها تستقر
احمد : صح والله قد هو وقتها خليه يجي ونشوفه ونشوف راي البنت
ايمن: هو تمام والله ي احمد واختك مثل اختي لو هو باطل ما ارضي لها
احمد: انا واثق
دنيا : اليوم رحت وشفت خطيبتك
ايمن ضحك: وكيف هي
دنيا: تجنن عرفت تختار
ايمن: وتحبني كمان
دنيا : هههههه واضح وااااااضح ما يحتاج تقووول لو تشوف كيف فرحت بي انا ورقيه من حبها لك
ايمن : بنت ناس
دنيا :الحمدلله اللي عوضك بها
ايمن:...
...........
كان طالع من بيته عندما تقابل به شاف له بطريقه اشمازازيه: خير يا طير ايش قد معنا ؟
زياد : طير من وجههي ي اكرم انا اشتي عمي
اكرم بعصبيه: شوف ي زياد لعدك مفكر ان ابي بيرجع لك هيام انت غلطان والله ماترجع لك ولو يرجعها ابي ل تسير دماء ! هذه اختي الوحيده ي اكرم انا ما اغامر بها لو ترشها ب الماء ارشك بالدم !! تطير لجلها رؤس !
فهمت ي ابن العم !!! ذي المره طلبك عندي لا عاد ل ابي ولا يوسف دخل !
شاف له بصمت ورجع قال: للمره الثانيه انا جيت اشوف عمي
بعده بيده ودخل :...
.........
كانت ب المطبخ عندما نادي لها ابوها دخلت وصدمت بزياد :..
توترت وابوها لاحظ: لا تقلقي بيقول لك كلمتين بس
زياد بهدوء: هيام بقول لك كلمتين بس اسمعين للاخير ،،، شوفي ي بنت عمي لو بترجعي والله ل ترجعي معززه مكرمه ولا عاد يجيش مني شر ول اعوضك عن كل شي حصل ..وانك تشتي الطلاق ي بنت عمي وتشوفي ماعاد به حل غيره انا بعطيه لك
هيام فكت عقده حواجبها ب ابتسامه: ماعاد بيننا شي يعتمر ي زياد الاساس بكله خارب طلقني وعفا الله عما سلف
ابو هيام رد وجهه بحزن ماكان يشتي تطلق ابدا
اكرم ابتسم
ويوسف بيقراء رسايل من رقيه " سمعتهم وانا ب المطبخ اخي واخو زوجه اخي والله ي يوسف قد بجنن اخاف اخي يضغط علي وقد هو ضابح مني ليش مابين اوافق .. قل لي ما افعل انا ما اقدر ارتبط بغيرك بموت ي يوسف"
زياد شاف لها وغمض عيونه بحزن : انتي طالق ي هيام طالق
طلعت وهو ماعاد قدر يجلس رغم محاوله عمه طلع وهو مقهور :....
خرجو وقد جهزت الغداء ب الصاله
يوسف جلس وقد بينفجر وشاف ل ابوه: اشتي اتزوج ؟
ابو هيام رفع له عيونه: طيب تروح امك تخطب لك ونزوجكك**
قاطعه بصياح: اشتي اتزوج البنت اللي اخترتها !!!
ابو هيام بعصبيه: وانا قلت لا والف لا !! بتجيب لنا واحده صاحبتك مانعرف عنها شي وتدخلها بيتنا لا
يوسف بقهر: يبه انا اعرفها واحبها
ابو هيام : يوسف قلت لك لا يعني لا لو انت بتخالف كلامي وتتزوجها اطلع من بيتي وابني لك بيت وشوف لك شغل والله يفتح عليك
يوسف وقف بقهر: وايش الفرق لو تزوجت ع كيفكم ؟؟
اشر لهيام: شوف بنتك مطلقه !
هيام بلعت رقيقها :..
ابو هيام بقهز وعصبيه: اخرج من البيت اخرج لا بارك الله فيك ولا فيها بتموتوني ناقص عمر الله لا وفقكم !
يوسف خرج بعصبيه وابو هيام جلس بقهر ويده ترجف :...
ام هيام : الله يهديه لا تاخذ بكلامه طايش !
ابو هيام: طايش وقد تعدي العشرين ايش من طايش
اكرم ملاحظ ابوه تغير لونه وبدا نفسه يتسارع: اهداء يبه الله يحفظك صحتك اهم لا تزعل نفسك
وهو يتكلم ابوها غمض عيونه ووقع امامهم
هيام قامت بحوف: يبه يبه !! ايش صار ي اكرم
اكرم بقلق : يبه رد علينا يبه تسمعني
قام واخذوه المشفى وصل ودخل العنايه
خرج الدكتور وراح له مع هيام وام هيام كانت جالسه امام غرفه رقوده وهي تبكي وتدعي له

هيام دخلت مع اكرم عند الدكتور
اكرم بقلق: دكتور طمني ابي كيف
الدكتور: لا تقلق هو بيصحى بعد شوي
هيام :الحمد لله طيب ايش صار
الدكتور : بصراحه يعني المشكله اللي حصلت الان مشي المشكله الرئيسيه بس مثل ما يقولو يحصل شي ويكشف شي ثاني ؟
اكرم شاف لهيام وهي كذالك وقال: كيف يعني ؟
الدكتور : نحنا بصراحه وضح لنا شي يعني في مثل ذي الحالات تجراء لهم عمليه وهكذا
بس قبل لازم نعرف كيف نفعل العمليه ومتى وكذالك يلزمنا استشاري يعلق لنا ع حاله ابوكم لانه معقده شوي
هيام: ومن فين بندي استشاري
الدكتور: انا بتصل له الان بيجي يشوف الاوراق والفحوصات وعليها نحدد
اكرم: طيب
الدكتور مسك التلفون وابتسم لهم : ع فكره هو شاطر قوي لا تقلقو
كان هو ب السياره بيسوق راجع البيت عندما رن التلفون شافه وب ابتسامه: ايوه ي فاررق ؟
الدكتور : وينك الان
ايمن: انا راجع البيت ليش ؟
الدكتور: اسمع دور دور السياره ههههه
تعال مشفى الحياه معنا مريض قلب نشتيك تشوف الحاله ؟
ايمن رجع السياره: طيب الان ب اجي .. ايش فيه طيب
الدكتور : كانه تصلب شرايين بس الحاله معقده شوي تعال انت شوف الفحوصات والايكو؟
ايمن: دقائق وانا عندك
غلق والتفتت لهم : شوي وبيجي لا تقلقو ان شاء الله كل شي بيكون تمام
هيام وهي قابضه ايدها بقلق ومش عارفه من الاستشاري اللي بيعلق على حاله ابوها: ان شاء الله
..........