#النصيب
النصيب❥
البارت العاشر💛
جلست بصدمه وتحس المكان يدور فيها: ما اصدق عاد قلب اخي معلق بواحده تركت يده قبل ثلاث سنين ..
مسحت وجهه بتوتر: لا ي ايمن لا .. يمكن نسي ما يحذفه ؟ اصلا ليش نقل صوتها للكبيوتر !!
سمعت صوت السياره عرفت انه جاء غلقت بسرعه وخرجت الصاله وهو دخل وشافها وتفجاء وضحك: اعوذ بالله ايش تعملي هنا
دنيا بتوتر: نسيت تلفوني جيت اخذه وان البيت مرفوس رفس جلست ارتبه
ايمن ضحك: تسلمي لي
دنيا شافت له بجديه: لا تسلمي ولا اسلم ؟ انا تعبت منك تزوج وشوف لك واحده تهتم بك
ضحك: من صدق تعبتي ؟ طيب انا ما طلبت منك تجي
دنيا ابتسمت: ههههه تعبت اشتيك تتزوج!! اشتي اصير عمه
ايمن جلس: شكله في راسك واحده.. هاتي اشوف من هي ..
دنيا : هههههه لا مافيش بس لو تحب ب اختار لك
سكت شوي ورجع شاف لها: والله ماقد لي نفس اتزوج انا مرتاح كذا لاحق ع الهرم ي دنيا
وقف بيمشي وهي مسكت يده ب اسلوب رجاء: ايمن.. لو سمحت انت اخي الوحيد خلني افرح بك !!
شاف لها بدهشه اول مره تصر عليه كذا : دنيا
دنيا: ايمن لو سمحت ما برتاح الا لو تزوج واستقريت .. وتنسى الماضي كله
ايمن بلع ريقه بصعوبه: عن اي ماضي تتكلمي ي دنيا ؟؟
دنيا: الماضي الزفت اللي انتهي
ايمن: انا نسيته .. فلا تذكريني انتي
دنيا: طيب تزوج ؟
ايمن: طيب اوعدك افكر ب الموضوع واشوف البنت المناسبه واكلمك
مشي وهي تصيح بعده: اوووهوو عاد بيفكر
وهو يضحك :...
.........
مسكت بيد هبه ب الغصب ودخلت فجاءه :سلام؟
سمر رفعت لها عيونها: اهلين
رنا جلست : كيفك استاذه سمر
سمر تركت الاوراق من يدها والكبيوتر وشافت لهم: تمام الحمد لله تفضلو عندكم شي ؟
رنا ضحكت: لابس قلت بشوف مديره المعهد
سمر ضحكت: هههه بس مافيش شي ثاني
رنا: هههه لا
سمر : هههههه
رنا: بسالك بس ؟ انتي ايش يقرب لك الدكتور ايمن ؟
سمر بتعجب : ايمن ما يقرب لي درست عنده سنتين وتخرجت ومسكت المعهد ؟ بس ليش
رنا: اهاا لا بس سوال اصلا هو صاحب اخي
سمر برفعه حاجب: صدق ! لو يعرف بيميزك هههه ايمن وفي ل اصحابه
رنا ب ابتسامه: ايوه قد عرف ورحب بي
سمر وقفت : المهم لو احتجتي شي انا هنا بساعدك ب اي وقت الان انا مشغوله معي اجتماع مع المدرسين والعاملين هنا
رنا وقفت مع هبه : تسلمي شكرا لانك عطيتينا من وقتك
سمر خرجت وهم طلعو بعدها : تتصوري هل هي تحبه
هبه: مدري
رنا: طيب هل هو يحبها
هبه: كمان مدري
رنا: طيب كيف اعرف
هبه: مدرررري
رنا : الله ياخدك كل شي مدري ايش استفيد منك
هبه: ههههههههه
...........
لبس الجاكت حقه وهو يشوف لها: البسي بسرعه بنطلع المول نشتي اغراض البيت
هيام : طيب
دخلت تلبس وهو منتظرها تحت
.......
بعد ساعتين ..
ايمن اتفق مع عبد الخالق وطلعو سوء
نص ساعه اشترو اغراض ورجع جلس هو وياه على احد الكراسي داخل المول يشربو قهوه
بعد دقائق التفتت بصدفه يشوف الى الكايشير ووقفت نظره عينه على ذيك النظره كانت هي من ثلاث سنين هذي اول مره يشوفها كانت هي تذكرها من اول نظره ما استغرق حتى ثواني كانت هي كانت هيام .. وقف يشوف لها بدون ما ترمش عينه ولا التفتت يمين او يسار والقهوه مازالت في يده .. كان يشوف لها وهي هناك كانها منتظره حد كانت تتلفتت يمين ويسار لما وقعت عينها عليه !!! ماعاد تحركت وهي تشوف له هذا ايمن !! ما قتلها اكثر هي نظراته لها بيشوف لي ؟؟
وهي تشوف له بسرحان كان هو جاي من بعيد التفتت يشوف الى فين بتشوف ولمح ايمن وهو يشوف لها
واقترب بنرفزه ومسك بيدها وايمن يشوف بلع ريقه بصعوبه : كملتي حساب يالله بنطلع
التفتت ل زياد بتوتر واخذها بيدها وبيمشي
وايمن يشوف بعدها وهي تحاول تلتفت له كانت بتصدم ب الباب وهو نقز والقهوه وقعت عليه
عبد الخالق اللي كان منتبهه قال: مالك ايش في ؟
ايمن التفتت لها وقد طلعت ورجع شاف له بقهر: ولاشي !
عبد الخالق: كانت هذيك هيام صح
ايمن استغرب ما توقع ان عبد الخالق شافها ؟ وقتها استوعب انه بذيك الحظه ماعاد شاف شي غير هيام ؟ ايش حصل فيك ي ايمن رجع يسال نفسه ؟ نظره ترجعك ثلاث سنين وراء؟ ايمن قلبك الميت ما تحييه نظره ؟؟
عبد الخالق: كانت هيام صح
ايمن بنرفزه : هيام والا مش هيام ايش علي ؟
عبد الخالق: اكلتها بعيونك وتقول ايش علي
ايمن: البنت تزوجت خلاص وانا نسيتها ؟
عبد الخالق: وليش ماعاد قدرت تتنفس لما زوجها مسك يدها ؟؟؟
ايمن وقف بعصبيه: عبد الخالق مالك انت مجنون ؟؟ اذا تفكر ان عادنا احب هيام انت غلطان ؟؟ انا بس اتذكر جروحي منها وكيف قهرتني ام هي ماعاد تهمني الله يتولاها الله يدمر حياتها مثل ما دمرت حياتي 💔
عبد الخالق وقفت بدهشه: ايمن مالك اهداء شوي ؟ لو نسيتها ليش متنرفز الان ؟
ايمن: متنرفز منكم ليش ماحد يصدق اني نسيت هيام ومسحتها ؟؟ وكرهتها حتى ولا عاد لها قيمه عندي ؟
عبد الله الخالق ملاحظ انفعاله الشديد : طيب خلاص مصدقين انك نسيتها الان اهداء خلاص مابش شي يستاهل
ايمن اخذ الاغراض حقه: خلاص انا بروح اشوفك بكره
عبد الخالق: الله معك
خرج ايمن وهو جلس يكمل القهوه وهو يشوف بعده :.....
.........
طول ما هم ب السياره وهو يحاول يتذكر ايمن ويقول في نفسه: انا متاكد هذا الشخص قد شفته بس فين فين ؟؟؟
هيام بتكلم نفسها: ي ترى كيف حالك ي ايمن ؟ هل قد حبيت غيري ؟ هل قد تزوجت او عادك
اووووف وانا ليش افكر به
التفتت ل زياد : هذا جنبي خلاص ايمن ماعاد يعني لي شي
ورجعت تتذكر وهي تتكلم مع سمر بعد زواجها ب اسبوع :
سمر: هيام لو تشوفي ايمن فعل حادث بيوم عرسك ودخل المشفى**
هيام بقلق: والان كيف هو
سمر: الان تمام بدا يتحسن .. بس ي هيام**
قاطعتها: سمر ممكن طلب ؟؟ اسم ايمن ماعاد تذكريه لي ابدا! انا خلاص تزوجت واستقريت وماعاد اشتي اذكره ابدا ! ماكان بيننا نصيب وانتهى الامر ،. ارجوك لا عاد تذكري اسمه امامي خير او شر
سمر ابتسمت بحزن: حاضر ي هيام تم
........
دخل هو البيت وغلقه بقوه ورجم الاغراض من يده وجلس وهو يتذكر كيف مسك يدها: اوووووف اطلع من راسي ... ايمن ي مجنون قبضه يده تفعل بك هكذا ؟ هو زوجها خلاص !!
ايش حصل لي مش قد كنت نسيت ! ايش اللي بيحرق داخلي !!!؟؟
بصدق ي ايمن وانت متى نسيت؟؟؟
الا نسيت نسيت !!
جلس ب الصاله وهو يحس بضيق ورجع دخل الحمام فتح الماء وبيغسل وجهه: اوووووف اوووووف انسي كانه ماشفت شي
تذكر كيف شافت له ونظرتها له اللي كانت تقتله
شكلها وملامحها .. بعد ثلاث سنين وقفت هيام امام عينه كانت واقع مش خيال!!!
فتح الماء ودخل راسه كله فيه وهو مغمض عيونه : ياااارب انسى هذا الموقف يااارب اتعداها حرام اتعذب وهي مرتاحه عذبها يارب لا تخليتها تتهني معه !!! 💔
.........
وصل البيت وهو مازال يفكر من هذا الذي كانت هيام تشوف له بهذه الطريقه وهو يشوف لها ويقول في نفسه انا اكيد قد شفته
ورجع رفع حواجبه عندما تذكر:
... : مبروك
....: ماتعرفني ههههه ادري
.. واعرف زوجتك هيام
...: انت محظوظ بها ياليت تقدر النعمه!!
.....: كان جارنا
!!!!!؟؟؟؟؟
YOU ARE READING
النصيب❥
Romanceالعادات والتقاليد .. والزواج التقليد .. وانعدام ومحاربه زواج الحب في مجتمعنا العربي .. ابرز مواضيع الروايه ⇉
