#فراغ_ملأه_بحبه
النسخة العامية
كتابة رؤى صباح مهدي
الفصل –10
ورة ما راحت نسمة طبعا هي راحت لام ماجد حتى توصللها اخبار نهلة. لان هي وكل اللي يشتغلون يم ام ماجد ملزمين يعرفوها بكل شي يصير بالبيت والا العقاب عسير. راحت لام ماجد دكت عليها باب غرفتها الفخيمة وورة ما سمحت الها ام ماجد تفوت دخلت وبدت تغرد :
"هاي البنية عنيدة كلش. تعبت منها ... يعني شنو اكللها متقبل تسوي.. وثولة كلشي متعرف وضعيفة مابيها لحمة كل الثواب تبين عليها مهطلة وعظماياتها طالعات"
باوعت عليها ام ماجد وجاوبت:
"بيها اهم شي ... تعرفين سيادته يحب البنات الصغار مثلها ... يريدها عذراء وهذا الأهم. بالنسبة لعنادها خليني اروح اشوف ليشد تعاند ماريد ااذيها لان ماريد يبين طبعات على جسمها باجر بس خليني احجي وياها بلكت تتعظ"
كامت ام ماجد ووراها نسمة تمشي مثل الخادم والمخدوم ووصلوا لغرفة نهلة اللي جانت كاعدة على سريرها مثل ما عافتها نسمة. فتحت ام ماجد الباب وفاتت وانتبهت نهلة لام ماجد وتلقائيا تكعورت على روحها ودموعها نزلت. ام ماجد كالت لنهلة:
"شنو القصة؟ ليش متسمعين كلام؟"
جاوبت نهلة:
"لا والله مو هيج السالفة بس هي رادتني اركص واني ما اعرف"
عوجت ام ماجد حلكها ورفعت حواجبها وجاوبت:
"لتدوخيني ... شتكلج نسمة تنفذي بالحرف الواحد.. يلة شوفيني شلون تركصين.. "
وانطت اوامرها لنسمة تشغل اغنية وفعلا نسمة شغلت اغنية ريفية وانجبرت نهلة تكوم .. ظلت لازمة ايديها ومنكمشة على روحها لحد ما ام ماجد صاحت بيها:
"يلة "
وحاولت نهلة تهز وية الاغنية وطلعت منها حركات زينة بس ام ماجد باوعت على نسمة وكالت:
"علميها بعد حركات "
وطلعت وهيج ظلت نسمة تعلم بنهلة كم حركة وراها اختارت الها ثوبين تلبسهن واحد أساسي وواحد خاف الثوب الأول يصير بي شي. بعدين كلتلها:
"باجر راح يجينا للحفلة شخص مهم كلش. شخص ام ماجد تحسبلة مو الف حساب لا.. مليون حساب.. وانت مسئولة عن هذا الشخص ... لازم يطلع من هذا البيت مرتاح وابتسامة عريضة على وجهه. لان اذا صار العكس ام ماجد راح تكطعج وتشمر كل وصلة منج بمكان وراح تروح على امج وابوج وجدو اللي بالريف.. ها وهذا الولد اللي ديسال عليج نسيت اسمه شنو جان.."
انتفضت نهلة من سمعت بعدنان. سالت راسا:
"يسال علية؟ "
جاوبتها نسمة:
YOU ARE READING
فراغ ملاه بحبه لهجة عراقية وتتوفر فصحى على منتدى روايتي قلوب احلام
Romanceنهلة فتاة جامحة وعدنان شاب غيور.. من تريد نهلة تنحرف شلون راح يتصرف عدنان وية جنون المراهقة وهل يقدر يرجعها للطريق لو لا. هذه القصة باللهجة العراقية
