شفتهه تكربت يمي وانه مادري شراح تسوي وكبل لا ابتعد ماحسيت غير تكربت وباستني من خدي
دفعته حيل مني وانطگت بالباب وانه احس اعصاب بعد مابقت عدي منهه
حيدر: شنو هذا السويتي شلون تجرئين هيج تسوين
رشا: احبك شسوي يعني
حيدر: ست رشا اتمنه تعرفين حدود العلاقة البيني وبينج مو معناتهه اذا فتحتلج بيتي ودخلتج بين عائلتي ان تصرفين بكيفج
البيت الي كاعدة بي اله حرمة ولازم تحترمينهه من رخصتجانداريت وگضبت بيدي حيل: لا حيدر فدوه ارحمني ولله بعد ماتحمل احبك ولله
سديت عله سنوني حيل حته لا يطلع صوتي وحجيت: گتلج كافي لا تطلعيني من طوري
رشا: عادي انه قابله تريد تضربني ميخالف بس لا تحرمني منك
حيدر: استغفر الله العلي العظيم لج بابا انتي شنو ماتفهمين انه رجال مزوج
رشا: وما تحب زوجتك ولا تريدهه عبالك مدا اشوفك لو ما مبين عليكم
حيدر: هذا شي ما يخصج
رشا: لا يخصني لان انه حبيتك وزوجتك مو من مستواك شوف نفسك وشوفهه
حيدر من بين سنونه: رشا ترى الحد الآن صابر عليج
رشا: اي عوفهه شچلبت بيهه هالمعيدية
جنت متمسك بأعصابي وماريد اغلط وياهه بس من گالت هيج استفزتني وفقدت اخر ذرة عقل باقيتلي
شلت ايدي وصفعتهه راشدي عله وجهه وبعدهه جريتهه من ملابسهه حيل وزنگتهه
حيدر: اليدخل ضيف عله بيت يحترم اصحابة وانتي الظاهر اهلج ما علموج الاصول المعيدية التحجين عليهه مايوم رخصت روحهه كدامي وانه رجلهه وانتي شوفي شدا تسوين بنفسج… من باجر ترجعين منين ما اجيتي والا قسماً بذات بالله مايصير خير يارشا
دفعتهه حيل وعفتهه ودخلت وصلت للدرج اريد اصعد وسمعت صوت بالمطبخ
التفتت وشفت تينه طلعت مدنگة راسهه وما تباوعلي
تينة: الله يساعدك
حجت وياي وهيه مدنگة وتعدني تريد تصعد فوگ
حسيت صوتهه مو طبيعي
لزمتهه من ايدهه وحجيت: شبيج
تينة: مابيه شي
حيدر: رفعي راسج اشوفج
تينة: مابية شي ولل…..
حيدر: لا تحلفين… رفعي راسج گتلج
رفعت راسهه بيدي واشوفن عيونهه حمر
بس تينه مو هي تينه
نازعه الاسود ووجهه متغير
ملامح الطفولة الجانت تحسسني بالذنب كلما اشوفهه مختفية
YOU ARE READING
(ذهب)
Romanceمن أين أبدأ لكَ حكايتي؟ أمن ظلم عائلتي........ أم من شكلي الذي أصبح لعنتي...... سلاسلٌ من ذهب تطوق عنقي ..لتشكل حبل مشنقتي فهل بإمكانك سيدي إنقاذي أم ستركل الطاولة من تحت قدمي لينتهي أمري.......