(ذهب)

البارت الثاني عشر

ذهب

عافتني الحجية وطلعت گعدت بالهول يم النسوان وضليت گاعدة ابحدي بالغرفة

بس مليت وطكت روحي من الكعدة ابحدي وانه اسمع الهوسة برة

جنت حاطة ايدي عله خدي وصافنة ابحدي ودخلت عليه خديجة

خديجة: ها حبيبة شمالج صافنة

ذهب: فدوة اروحلج خل اطلع يمكم ولله ضجت من الگعدة هنا

خديجة: جا ستري عله روحج يذهب وضلي هنا ان طلعتي ما يعوفنج بحالج لا ام عباس ولا خواتهه

ذهب: ولله العظيم مالي شغل بيهن ولا اتدنه الوحدة منهن

خديجة: ولله شگلج يذهبه.. امري لالله گومي بس بدلي ثوبج ولبسي اسود عبن كلهه لابسة اسود

ذهب: بس ماعندي اسود

خديجة: اوگفي خل اشوفن تينة تلابسج

طلعت ورجعت وره شويه جايبتلي دشداشة من تينة

انطتنياهه وطلعت وكفت يم الباب

بدلت ولبستهه وصارت عليه مخصرة وجسمي بارز بيهه عبن انه اضخم واسمن من تينة صح تينة طويله بس اضعف مني

صحت الخديجة ودخلت ضحكت وصلت على محمد من شافتني

خديجة: وينك خوية هاشم جا تستاهل هيج درة بالعباس

طلعت امشي وياهه وانه اعرج من رجلي

دخلت للهول وكلهه ضلت صافنه بوجهي جا عبالك جاية من غير كوكب

جانت الحجية گاعدة ع الكرويته
رحت وكعدت بالكاع يمهه

وبعدهن النسوان صافنات بوجهي ويتبسبسن

دنجت عليه الحجية وحجت; المن طلعتي

ذهب: مليت من كعدة الحجرة

ام ناظم: جا خايبة هسه هاشم يگلب البيت عله روسنه عبن موصيج ماطلعين

باوعتلهه ودنجت ما رديت جا هوه سجن خو ما سجن

اذن الظهر وكلهه طشت تصلي

گمت انه ودخلت بالمطبخ لگيت نعمة وخديجة وبناتهه وتينة يشتغلن واكيد ام عباس وخواتهه وبناتهه خابصات الجو ويعيطن اكثر ما يشتغلن

رفعت راسهه نعمة وشافتني: ياا ذهب شجابج هنا يمة

ذهب: جا مليت من الگعدة ابحدي

نعمة: خايبة رجلج مو زين ادوسين عليهه

ذهب: لا مابيه شي زينة اليوم

خديجة: اوووف منج يم راس يابس جا تردين انتي

ذهب: ههههههههه

رفعت راسهه اخت ام عباس وحجت: جا بمچان ما واگفة چنج شمعة فگر مدي ايدج سويلج شغله ويانه