كمت گوه امشي عله تك رجل وصلت يم باب غرفة الحجية
ونزلت هيه
ام عباس : هاا هااا آمر شيخ آمر
تگرب عليهه وگضبهه من شيلتهه
هيه گصيرة واصلة الزندة وهوه مدنج وعاتهه من شيلتهه وهيه رافعة اديهه گبال وجهه تحمي روحهه
ام عباس: اخ اخ شيخ جا شجاك عليه اخ
هاشم: جا انتي ما اتوبين من مصايبج شكبرج تصيرين بعد
ام عباس: جا شسويت انه هالتشوفني معلگة فوگ وكافيه خيري شري
هاشم بصوت جفلهه: لا تجذبين.. شفتج بعيوني من شفتيني طفرتي
ام عباس: شيخ دخيلك انه بحماك
هاشم: تلمين جوالاتج واطلعين اريدن التفت ما اشوفنج لا والكفل زينب ما يصير خير افتهمتي
ام عباس: لا شيخ الا هاي السالفة فدوة اروحلك
هاشم: خايبة امشي من جدامي لا احطنج دم برگبتي امشييييي
صعدت فوگ تبجي وتمسح بدموعهه بشيلتهه
وگعد هوه ع الكرويته مدنج
جر نفس ورجع شعره بيده وانتجه ليوره
ام ناظم: جا يمة ليش طردتهه انته تدري مالهه غيرنه ومحد يحملهه من نسوان اخوتهه
هاشم: يمة انه هاي المره بعد ما احمل دگايگهه العمي جا ما كافي صارلي 15 سنة متحملهه و اگولن ميخالف لخاطر بناتها وكلما اريدن اطردهه تعرضلي عيون اخوي
ام ناظم: ميخالف يبعد امك اكسر واجبر
هاشم: خليهه تطلع هسه ميخالف خل تلچم شويه
همه يحجون ونزلت ام عباس عباتهه عله راسهه وتسحل بجنطتهه وبناتهه وراهه
شافهن الشيخ وگام: وين وين.. وين موليات انتن
ام عباس: جا شني غير يرحن وياي
هاشم: وياهو گلهن يرحن
ام عباس: جا يضلن هنا.. ما اطلع اذا مو بناتي وياي
خزرهه اندار علينه وصاح: نعمة
نعمة: ها خوية ها
هاشم: اطيني سويجي
راحت نعمة تركض جابت السويج وحطته بيدي
التفت لام عباس وحجه: امشي طلعي گدامي.. وانتن ردن المجانجن
وصاح بصوت جفلهن: امششششن
راحن يركضن صعدن فوك وطلعت ام عباس وطلع هوه وراهه ورگع الباب
تينه
واگفة بالمطبخ اغسل اماعين وبالي مو وياي
بعدهه ابالي المرة الخابرت عله حيدر الظهر
جا ياهي هاي وليش تگله حيدوري
شعده وياهه
شهگت وطگيت صدري حيل: صخام الصخمج تينة جا عود صدگ ويطلع يريدهه اموتن بالعباس
أنت تقرأ
(ذهب)
Romanceمن أين أبدأ لكَ حكايتي؟ أمن ظلم عائلتي........ أم من شكلي الذي أصبح لعنتي...... سلاسلٌ من ذهب تطوق عنقي ..لتشكل حبل مشنقتي فهل بإمكانك سيدي إنقاذي أم ستركل الطاولة من تحت قدمي لينتهي أمري.......
