دخل حيدر والتفت ليوره ودخلت ورا مرة مفرعة لابسة بنطرون كابوي وبدي حصر وجسمهه مقسم تقسم وتعلج وتباوعلنه من فوك ليجوه
بقينه كلنه صافنين وفاكين حلوگنه عليهه
تطلع بالثلاثينات عمرهه بس معتنية بروحهه كلش وطلعنه احنه عجايز يمهه
التفت عليهه حيدر وحجه: هذا شيخ هاشم شيخنا واخوي الجبير وهاي ست رشا الحجيتلك عنهه
مدت ايدهه تريد تصافح الشيخ وهوه حط ايده عله صدره وحجه: يا اهلا وسهلا حياج الله
نزلت ايدهه وضلت تخوزر بهاشم ماعاجبهه تصرفه
اندارلنه وحجه: يلله بويه گومن بالواجب.. نعمة ماوصيج بعد
نعمة: شالقضية خويه ضيفتكم نحطهه عله روسنه تفضلي تفضلي خيه هلا بيج
راحت نعمة عليهه باوستهه ودخلتهه وهيه عاقجة وجهه ماعاجبهه العجب
وتينة تاكل بروحهه من يمهه
جانت الحجية كاعدة بغرفتهه دخلتهه نعمة ودخلنه انه وتينه وراهه
نعمة: هاي الحجية وشيخة البيت ام ناظم
رفعت راسهه الحجية وشافتهه: هلا يمة هلا تعاي احبنج
راحتلهه وباستهه الحجية
نعمة: تفضلي خية تفضلي
باوعت بالگاع ودارت وجهه ماتريد تگعد بالگاع
عوجت حلگهه نعمة واندارتلنه: خايبة تينة جيبي كرسي يمة للضيفة
راحت تينة من وره خشمهه شويه واجت رگعت الكرسي بالكاع حيل وحجت: هاااج
گعدت وحطت رجل عله رجل واشرت علينه: هذول البنات يشتغلون عدكم
باوعنه انه وتينه وحدة بوجه الثانية وحجت نعمة: يااا هاي ذهب مرت شيخ هاشم والثانية تينة مرت حيدر
اشرت عله تينة بأصبعهه متفاجئة: هاي مرت حيدر
تينة: اي جا شمالهه هاي
رشا: لا بس حيدر مگلي مزوج
تينة: لا خيه مزوج مزوج ارتاحي
احنه نحجي والحجية كاضبه سبحتهه بيدهه وصافنة ع المرة وتباوعلهه من فوگ ليجوه
ام ناظم: يمة انتي شگد عمرج
رشا: تلاثين سنة خالة
ام ناظم: غدي… ومامعرسة
رشا: مطلقه
ام ناظم: ياااع… عدج فروخ
رشا: شنووو
نعمة: جهال خية زعاطيط
رشا: اهااا عندي ولد واحد وعايش عند ابو
دارت وجهه الحجية وحجت: جا حگة الزلمة ياخذ بزره هوه انتي شكول تربية
رشا: نعم
أنت تقرأ
(ذهب)
Romanceمن أين أبدأ لكَ حكايتي؟ أمن ظلم عائلتي........ أم من شكلي الذي أصبح لعنتي...... سلاسلٌ من ذهب تطوق عنقي ..لتشكل حبل مشنقتي فهل بإمكانك سيدي إنقاذي أم ستركل الطاولة من تحت قدمي لينتهي أمري.......
