نعمة: هههه يااا جاي تسبح خيه تسبح مو يمج
اندارتلنه وحجت: يلله بنيات همن اديجن نزهب غدانه
طلعنه انه وتينة ..وتينة احس الدخان ضل يطلع من اذاناتهه
دخلنه للمطبخ وحجت: بووويااااي لو بيدي امدهه بالگاع واسويهه وصلة مسح
ذهب: ههههههههههه
تينة: يا مال الحمس عليمن تتمضحكين
ذهب: ولله ما جذبت المرة صدگ شكلنه ليگول خدم هههههه
تينة: اتخسي جا لو ما العيب اجلب بشعفتهه عله هالحجاية
ذهب: خايبة شوفينه وشوفيهه جا احنه امهات تلاثين وهي ام الثمنطعش
تينة: جا تگليلي ولج لبالج ما شفت خليني بضيمي واليرحم والديج
نعمة; تعاي خية تعاي
دخلت نعمة وهيه وراهه تطگطگ بكعبهه
رشا: هاي شنو انتو تشتغلون معدكم خدامة
نعمة: يااا خية شنسوي بالخدامة واحنه شني شغلنه..الشيخ مايحب ياكل من غريب يسودن.. هنا البت عدنه تتعلم كلشي تسوي وهي ام عشر سنين ومن تجي البيت رجلهه تعرف كلشي
سكتت وماردت عله نعمة
دخلت ام عباس للمطبخ وشافتهه گاعدة ع الطاولة
ام عباس: ياااع غدي ياهي هاي
نعمة: هاي رشا ضيفة الشيخ وحيدر
دخلت تتمشه للمطبخ وتحجي: ولله خوش جا اضنهم اتعلمو يومية ملفيلنه شكل للبيت
كملنه الغدة واجو الشيخ وحيدر للبيت وهاي طلعت من المطبخ گابلتهم وگعدت ودگ سوالف وضحك وياهم
وتينة تريد تموت من القهر
وام عباس اضنهه نستني والتهت بالضيفة الجديدة كاعدتلهه عله ركبه ونص
مدينة السفرة والتمينه كلنه گال الشيخ باسم الله وبدينه ناكل وهاي تباوع وكاشه من الاكل كلشي ماتاكل
نعمة: جا خيه اشوفنج ماتاكلين خيرج
عقجت وجهه وحجت: اكلكم دسم ممتعوده اكل هيج
ام عباس: حگج يبت بغداد متعلمة ع اليابس
رفع راسه الشيخ خزر ام عباس وحجه: اكلي بويه اكلنه بي كل العافية
ام ناظم: جا يمة شني اچلكم هناك اشوفن وجهج مصفط مابي لحيمة
مدت ايدهه تاكل گوه
كلت شويه ووخرت والشيخ گال الحمدلله وگام وبعده مايباوع بوجهي
وهاي بس صافنة عله حيدر وتينه تريد تموت
رشا: حيدوري اريد اشوف القرية
رفع راسه حيدر متفاجئ وهاي تتمويع
YOU ARE READING
(ذهب)
Romanceمن أين أبدأ لكَ حكايتي؟ أمن ظلم عائلتي........ أم من شكلي الذي أصبح لعنتي...... سلاسلٌ من ذهب تطوق عنقي ..لتشكل حبل مشنقتي فهل بإمكانك سيدي إنقاذي أم ستركل الطاولة من تحت قدمي لينتهي أمري.......
البارت السابع عشر
Start from the beginning
