Baazi Ishq Di [𝕮𝖔𝖒𝖕𝖑𝖊𝖙𝖊𝖉]

Chapter 35| Baa yakjaa mann o tu

Ishq ko pehchaanney kay lye kuch waqt Aatish mein jalna parta hai.

Pathar bhi heerey bnney kay lye taraashey jaatey hain.

Muhabbat ki Baazi jeetney kay lye insaan ko anna ki Baaziya haarni hoti hain.

_________________

Safoorah shayad gehri neend mein thi jb bchpn se le kar ab tak guzra har waqiya uski aankho kay saamney khwaab ki trha guzar raha tha.

Uski ammi ki cancer se maut, faheem ka zaira ko maarna, Ruhaan se deal , yales ka waqt, Ruhaan ki jhulasti gaari ki aag se uskay maathay par waqqi paseena aney laga tha. Aurangzeb ka paralysis attack, faheem ka jail, Arsh se mangni, Ruhaan ka wapis milna, Selena ka Ruhaan kay qareeb jana, hr cheez ek se dusrey takra rahi thi, maano jese kisi film ka taiz raftaar flashback chal raha ho aur aakhri manzaar uski saansein kheench le gya tha. uss par piston tanni thi jo faheem kay haath mein thi. Trigger dab gya aur bandook ki chinghaarti hui awaaz sey Safoorah taqreen walihaana uthi thi. Uska jism chehra sard raat mein bhi paseeney se bheeg gya tha. Ruhaan study ki mayz par kuch kaam raha tha jb ussey apne peechey ahat mehsoos hui toh foraan muurra aur ghabra gya.

"Safooraahhh kiaaaa huaa hai?"

wo taizi se uskay saamney a baitha aur uskay chehrey ka paseena ponchtey bokhlaayi hui safoorah se puch raha tha.

Ruhaan fiqrmnd hua tha.

"Safoorah?" woh uskay baal chehrey se hatt'ta ussey pursukoon krne ki koshish kr raha tha par woh abhi tak khwaab kay zair e asarr thi aur taiz saans le rahi thi.

Ussey forran nausea mehsoos honay laga tha. Wo bathroom ki janib bhaagi thi.

"tum theik ho?" Safoorah geela mun toliye se ponchti bathroom kay darwaazey se nadhaal si bahir nikli thi jb Ruhaan ne ussey pakr kar bed par bithaaya.

Ussey phir vomit ayi thi aur Ruhaan ab waqqi pareshaan honay laga tha.

"Safoorah! Iss trha tum buht weak ho jaou gi! Kal hum doctor kay paas chalein gai!"

Safoorah nadhaal si Ruhaan ka kandhey par sarr rakh kar baith gyi thi.

"Mein theik hun!" woh narmi se uska haath pakartey boli thi.

"Nahi tum nahi lg rahi. Kal hum doctor kay pas jaayei gai!" usne Safoorah ko dono baazuo se qareeb samaita tha par wo kisi gehri soch mein thi. Yeh sab wapis iss trha se khwaab.. kiya mtlb hai ??

________________________________

"Hello babaa khairayat hai sb?" Raat kay ek bjey Zaira ki aankh phone call se khuli thi.

"Filhaal tey khairr ay baad ich ni rehni. Mein kiya tussi duva ne tamashay mukaaney nai tey mein ajava mukkaan!"

Faheem ki awaaz thi. Woh yhaan agya hai? abhi?

"Kyounnn phone kia hai?" Zaira ki awaaz kanpi thi.

"Jummey tk jey tussi dovey abba nu le kay Pakistan na aye tey faerr mein uthhey ava ga. Ticket kata litti ay. Tey jey mein aagya tey faer ghaseet kay le kay java ga."

Zaira dopatta lapaitt'ti seeriya utarti neechey garden mein ayi thi. Uska saans ghutney laga tha. Ussey waqqi laga Faheem agya hai.

"Phone na chukkna, rishtey pakkey ho rahey ney. O beghairat kurri tennu tere piyo da lihaaz vii nai, jey mein unnu maar ditta ya faer teri ikk hi pyaar pehn nu ya fae tere aashiq nu... chuchhh chuchh!"

Peechey se kisi ne phone kheench kar speaker par kr dia tha.

"Ay jo tere abbey nu viyaah de phone arhey tennu ki lagda mennu samjh ni aundi, yaad rakhi ik gal teri pehn nu tey mein barbaad karran gi hi naal o naal tere aashiq nu jaan to maar dena mein. Faer ghaseet kay nikkah parhvaava ga tera apne naal jivey uss din store vich khaseetiya si!"