Baazi Ishq Di [𝕮𝖔𝖒𝖕𝖑𝖊𝖙𝖊𝖉]

Chapter 5| Ek kal raakh hua, Ek kal maloom nahi

Woh ek jadeed tarz ka khoobsurat kamra tha. Saaf, hawaadaar, halki roshni se saja woh Ruhaan ka kamra tha.

"Ru? "

"Hm? "
Ruhaan apne bistar pe laita tha aur Aarish sath rakhey couch pe.

"Aj zada nai ho gya ?"

"Kia?"

"Woh baba aur taai mom k sath jo .... "
Woh ahista se bola tha. Jaanta tha k Ruhaan unkey zikar par kese bharak uthta hai.

"Chal kuch hua toh. Wrna kitne saalo se to lgta tha humarey maa baap hain hi nai!"
Woh neend mein nai tha. lihaaf mein mun lapaitey uski awaaz sanjeeda aur baitassur thi.

"Acha choro yeh btao hum kal nikal Rahey hain na! "
Aarish apne Bhaii k sath baitukki baatein krna miss kar raha tha.

"Hm!"

"Kb?" Aarish ab uchal kar baith gya.

"10 bje.! "
Woh halka sa barbaraya.

"Yass Yass! Wese mein soch ra tha agr baba ko... "
Aarish ne muhtaat se andaaz mein jumla mukammal krna chaha tha mgr hasb e mamool Ruhaan ne samajh kr rok dia.

"Mujhe neend arhi hai Aarish tu bhi so ja!" Ab woh karwat le kr waqqi sonaa chah raha tha.

"Ek to jet lag ki wja se neend nahi arhi opr se apki girlfriends bhi sonay nai de rahi? "
Aarish shraarat kai mood mein tha. Kanankhiyo se andaza laga raha tha k shayd iss baat pe Ruhaan mun se lihaaf hataye ga pr afsoos kay janaab ka andaza ghalat sabit hua.

"Kon Hai? "
Ruhaan ne sabar ka muzahira krtey huey pucha.

Ruhaan Aarish ki shraarato se chir jaye yeh na kabhi hua tha, na hoskta tha. Woh bas Shaista aur Zafar ka zikar karna pasand nai krta tha par iskey lye bhi usne Aarish ko aj tak jhirka nai tha.
Woh bas baat badal diya krta tha. Umar mein faraq chahey aik saal ka tha mgr Ruhaan Aarish se chotey ki trha hi laad krta tha ya kaha jaye k Ruhaan ki baijaa shay ne hi Aarish ko biggaar kay rakha hua tha.

"Yeh pucho kitni hain?"
Aarish note pad ki screen scroll kr raha tha.

"Mujh se meri 20 handle nai hoti aur aap ne apni what's app sim bhi mere note se link kr di hai. Total 32 larkiyoo ki ghanti bajti hai Ru! Mein masoom si jaan kis kis ko reply karun !"
Aarish Sohaib Khan muskurahat sajaye barrey aashiqana andaaz mein bola tha.