رجعت اجلف بالماعين وادردم ابحدي عله حظي المصخم
حيدر: السلام عليكم
تينة
رفعت راسي وشفته واكف اباب المطبخ: وعليكم السلام الله يساعدك
حيدر: هلا بيج.. شبي هاشم شو شفته داخل ضايج
تينة
هوه گال هيج وانه الله ذب عليه ضحك
اريدن اسكت روحي ماكو
بس شكل ام عباس وهي ساحلهه الشيخ من شيلتهه ما جاي يروح من بالي
حيدر: اهااا.. جا غير تسكت وتفهمنه شصاير
تينة: هههههههه… ام عباس ههههههه
حيدر: شبيهه.. احجي ولج
تينه: كتلوهه ههههههههههه
حيدر: خبال اي ولله… دحجي خل نفتهم
تينة
بلعت ريگي واهيس گلبي ضل يوجعني من الضحك: الشيخ هاشم كتلهه وطردهه
حيدر: اهاا.. ليش شسوت
تينه: عبن حرگت ذهب بالچاي
حيدر: عود صدگ
عافني وطلع من المطبخ وانه الهسه بيه الضحكة اللهم لا شماته
ذهب
الساعة 12 بليل
نعمة نامت والحجية تشخر من ال9
وضليت گاعدة ابحدي
احسن گلبي ما مرتاح ليش مادري
بالي يم امي
گلبي ما مطمن ابد
شسوو بيهه عمامي من وراي
رجعت البيتنه وشلون مخلصه اياهه الوحدهه
كمت من فراشي وطلعت من الغرفة
البيت صنطه وكلهه نايمة
احسن روحي مختنگه دخلت للمطبخ فتحت الباب الخارجي وطلعت للحديقة
جانت اكو دچات يم الباب گعدت عله اول وحدة
رفعت راسي واباوع ع السما
يارب احفظ امي بحفظك انته القادر عله كلشي لا تخليهم يأذونهه
مرة جبيرة وانته اعلم بحالهه يارب
هاشم: شسوين هنا
التفتت گامزة وواشوفنه واگف وجكارته بيده
گمت گوه امشي من رجلي: ما سوي شي بس ردت اشم هوى شويه
ذب جكارته سحكهه برجله وتگرب عليه: شلون صارت رجلج
ذهب: الحمدلله
هاشم: گعدي
ذهب: هاا
هاشم: مو تردين تشمين هوى ..كعدي
ذهب: اي
رجعت گعدت وعيني عليه
جان هادي كلش وكلشي بي ساكن عبالك مو هوه
رفع راسه للسما وحجه: احتاريت ويه هالمرة مادري شني علاجهه
التفتتله مستغربة: گصدك ام عباس
أنت تقرأ
(ذهب)
Romanceمن أين أبدأ لكَ حكايتي؟ أمن ظلم عائلتي........ أم من شكلي الذي أصبح لعنتي...... سلاسلٌ من ذهب تطوق عنقي ..لتشكل حبل مشنقتي فهل بإمكانك سيدي إنقاذي أم ستركل الطاولة من تحت قدمي لينتهي أمري.......
البارت الحادي عشر
ابدأ من البداية
