الحلقه التاسعه والعشرين :
فجريت قفلت الباب فى وشه .وانا باصرخ .
وقلت :انت عرفت من اين ؟
فضحك وقال : ربنا يخلى التلفزيون فاضحكم على اعلى مستوى .
فاتغظت منه ورحت غيرت وغطيت نفسى بالمفرش .
وطبعا هو ما فوتش الموقف .
وجه بعد شويه وقعد يضحك عليا ..
وخلص اليوم وتانى يوم بعد ما رجع من التدريب .
كان بيكلم التليفون ومتنرفز وبيزعق وبيقول :خلاص يا خالد انا قلت مش هاسافر .
ولا هامضى عقود وده اخر كلام عندى ..
وسكت شويه وبعدها قال : بص انا فى وصلت البيت دلوقت .بكره نتكلم .يلا سلام .
وقفل التلفون .وتنهد .
وقال : السلام عليكم .
وبصلى شويه ومشى دخل يغير .
وانا جهزت الغدا وقلت فى نفسى بعد الغدا نتكلم واشوف ماله .
ورحت اجيبه لقيته نام على السرير .
فقلت : وليد الاكل جاهز .
فقال :مش هاكل .
فقلت طيب ممكن نتكلم .
فقال :عايز انام .
فقعدت جنبه وقلت بدلع : حتى لو قلتلك عشان خاطر رونى حبيبتك .
فابتسم وقال : عايزه ايه .
فقلت :مالك وايه موضوع السفر الكنت بتكلم خالد عليه .
فقال :موضوع وخلص خلاص مالوش لزمه .
فقلت طيب عادى لو حكيتلى عليه .
فقال :جايلى عقد اسافر بره ورفضته .
فقلت : ورفضته ليه .هو ايه مش عاجبك ولا ايه المشكله ؟
فقال : بالعكس هو حلو قوى ومرتب كبير وهيدونى شقه ومدته 3سنين وفيه ميزات جميله ماكنتش اتوقعها .
فقلت :طيب انت مش عايز تسافر ليه .
فبصلى شويه وقال :يعنى عايزانى ابعد عنك 3سنين وممكن يتجدد العقد 3 سنين تانى .
فضحكت وقلت :وايه الهيبعدك عنى هو مش هينفع اسافر معاك ؟.
فبصلى وهو مش مصدق وقال : وانتى هترضى تسافرى معايا وتسيبى اهلك .
فقلت طيب ماانا مسافره فعلا اهو معاك ومش بشوفهم .
فقال :بس تفرق هنا ممكن فى اى يوم نسافر لهم.
لكن هناك مش قبل 3 سنين عشان تشوفيهم .
فبصيت للارض وقلت : بص انا عارفه انهم هيوحشونى وهيفوتنى مناسبات كتير واعياد وحاجات حلوه بس انت جوزى ومكانى جنبك فى اى مكان .
فقال : وانا مش عايزك تيجى غصب عنك .
فابتسمت وقلت :ومين ده الغصبنى .
اصلا احنا رجاله اوى ومحدش يقدر يعملها يا باشا .
فقال :رونى مش وقت هزار وبعدين اهلك مش هيزعلوا .
فقلت :هما هيزعلوا على فراقى .
بس مش هيعترضوا لانهم عارفين ان مكانى معاك فى اى مكان انت فيه .
وقمت وقلت : قدامك خمس دقايق هسخن الاكل تانى تكون كلمت خالد وقلتله انك موافق .
فقال : طيب انتى مش هتندمى .
فقلت : انا اندم لو كنت بعدتنى عنك بس طالما هابقى معاك هابقى فى منتهى السعاده .
وبعدين مافيش حاجه ببلاش .
فابتسم وقال :عايزه ايه ؟.
فضحكت وقلت :عايزه تفسحنى فسحه حلوه قبل ما نسافر .
وبعد اذنك اروح اسلم على اهلى حتى لو يوم واحد .
فباس دماغى وقال : طبعا يا حبيبتى هاخدك ونروح نسلم عليهم .
واتصل بخالد وفرحه .
وخالد قاله :وهو قال يعنى انا لو اعرف ان مراتك هتعمل الكلنا عجزنا عنه كنا كلمنا هيا من زمان .
وضحكوا سوا وقفل واتغدينا ونمنا .
وبعد 3 ايام كان فيه ماتش وفازوا فيه وتانى يوم كانوا هيعملوا حفله .
ونزلت انا ومرات خالد نشترى لبس جديد .
بس لما رجع وليد لقانى عماله اعيط فاتخض .
وقال :مالك ايه الحصل ؟
وانا ببصله ومش قادره اتكلم .
فقال :انتى مش نزلتى مع مرات خالد تشتروا لبس ؟
فهزيت راسى باه .
فقال : هو فى حاجه حصلت .
فازداد عياطى .
فقال :طيب انا هاتصل بخالد افهم منه كده مش هينفع .
فصرخت وقلت : لا اوعى تصل بيهم الناس دول مش لاز م نعرفهم تانى .
انا ماكنتش اتوقع ان فى ناس كده انت ازاى ما اكتشفتش ده من الاول ؟
فقال : اهدى كده واحكيلى ايه الحصل ؟
وشربنى ميه .
فقلت : واحنا فى المول وقفت مرات خالد قدام محل لهدوم العرايس وعايزه تشترى منه .
فقلتلها ليه تشترى هدوم وتدفعى فلوس فى حاجه هتتحط منظر فى الدولاب وخلاص مالوش لازم .
فبصتلى وقالت : انا من الاول شاكه فيكى .
انتى ووليد عايشين زى الاخوات مع بعض .؟
فقلت :وفيها ايه ما كل الناس زى الاخوات مع بعض .
فبصتلى جامد وقالت : انتى لسه بنت ؟
فقلت : ليه هو انا قلبت ولد ؟
فاشترينا الاحنا عايزينه وجات معايا البيت وخلتنى اوريها هدوم العرايس العندى .
وقالت : على حاجات لازم تحصل بينا فظيعه .
(وهنا رونى انهارت فى العياط اكتر ).
وكملت وقالت : مش ممكن يا وليد تتخيل ان فى ناس ممكن تعمل كده .
دول مش بشر .
تخيل قالتلى انه لو معملتش كده ممكن تسيبنى او حتى تتجوز عليا
. ومش ممكن يبقى عندى ولاد الا لو عملت كده .
مش ممكن يا وليد ايه الناس دى .
فقال وليد : بس هيا ما كدبتش عليكى فى القالته .
وهنا انا كنت فى حالت زهول تام .
وما نطقتش خالص غير ببصله وبس .
فكمل وقال :هو ده الدرس التانى الكنت عايز اعلمهولك .
ومن غير ما احس لقيت نفسى بعدت عنه وسبت السرير ووقفت بعيد وانا ببصله ومش مصدقه نفسى .
فقال : رونى انامن اول يوم جوازنا وعرفت انك مش فاهمه الموضوع ده فحبيت اصبر عليكى الاول لما تاخدى عليا وبعدين افهمك .
بس طبعا كنت اتمنى انى انا العرفك بالراحه مش حد تانى.
فقلت وعنيا كلها دموع :انت يا وليد .
انت عايز تعمل زيهم .
فقام مسك ايدى وقعدنى على السرير .
وقال :بصى يا حبيبتى ربنا مش بيخلق فينا حاجه وحشه .
وربنا هو الخلق لينا الموضوع ده عشان نستمتع بيه وفى نفس الوقت نجيب ولادنا .
فبصلتله وانا مش مصدقه .
فقال : رونى انا عمرى ما كدبت عليكى وكل الناس بتتجوز عشان لما تعمل كده يبقى حلال .مش حرام .
وخدى بالك ان ده كمان حقى .
فقلت : نعم حقك .يعنى انا لازم اعمل كده .
فابتسم وقال : طبعا يا حبيبتى .
فقعدت اعيط من تانى .
فطبطب عليا وقال : بصى يا رونى انا ما غصبتكيش من الاول ومش هغصبك دلوقت .
فرفعت وشى بالراحه .
وقلت طيب انا لو مش هاعمل كده انت هتتجوز عليا او تسيبنى .
فابتسم وقال : لا عشان قلبى ده ( وهو بيشاور على قلبه )
عمره ما دق ولا هينفع يدق الا ليكى .
بس انا بقولك ان ده شئ هيفرحنى وهيسعدنى ويريحنى . انا هسيبك تفكرى وتاخدى وقتك لغايه لما تقتنعى .
وانا متاكد انك هتقبلى وهتكمليلى فرحتى وسعادتى ومش هتحرمينى من حقى .
وطبطب عليا وقام ومشى .
وانا كانى وقعت فى بير ومش لاقيه حد ينجدنى .
لغايه لما نمت .
وصحيت لقيتنى نايمه فى حضنه .
كنت لاول مره خايفه منه بالشكل ده بس هو طمنى وقالى انه مش هيغصبنى ومش عايز تفكيرى ياثر على حياتنا ويبعدنا عن بعض .
واصر انى اروح الحفله معاه وكنت اغلب الوقت سرحانه وهو معايا اغلب الوقت ماسبنيش .
وبعد 3 ايام مضى عقد السفر للنادى الجديد وكان لازم نسافر بعد اسبوع .وبعدها بيومين كان خلص باقى اوراقنا وقالى انه عاملى مفاجئه وسافرنا للصعيد بالعربيه .
وكانت مفاجئه ان الشارع كله زينه والبيت ولقيت الكل مستنينى . اتارى وليد متفق معاهم وانا الوحيد الما اعرفش .
وفعلا وفى بوعده وكانت ليله ولا الف ليله .
كان متفق مع مهندس ديكور ظبط الشارع والبيت بالزينه والديكورات
وكان عامل عزومه كبيره لكل قرايبى وخلاهم يصوروا اليوم ده كله عشان اخد الفديوا معايا وانا مسافره يبقى ذكرى ليا فى الغربه .
وجابلى طقم دهب لازوردى هديه رجوعى لبيت بابا لاول مره .
وكان جايب اكتر من فرقه وعملوا فقرات جميله فى الشارع وكان يوم اقل ما يقال عنه انه رائع .
ونمنا لاول مره فى اوضتى وهو قالى : كان نفسى اشوف اوضتك وادخلها من ساعت ما خطبتك بس اعمل ايه فى الكسوف الكان مانع عنى الميه والنور .
وقعدنا نتكلم شويه ونمنا وتانى يوم سافرنا عشان الفسحه الوعدنى بيها قبل ما نسافر .
وكانت للغردقه .
وكانت بلد جميله والميه تحفه .
وروحنا الشاليه الكان حاجز فيه وكان عباره عن اوضتين وصاله وفى اخر كل شاليه حمام سباحه مغلق للعائلات .
وكان هو حاجزه مخصوص عشان البسين المغلق.
لما قلت انه كان نفسى اتعلم سباحه وانا صغيره .
وهو جابلى شنطه من العربيه غير الكنت مجهزاها انا. وقالى انه اشترالى اللبس الفيها جديد عشان المصيف وغير وسبقنى على البسين .
وانا فضيت الشنطه كلها عشان الاقى لبس يتلبس .
كله لقيته حاجات شكلها للاطفال .
زى لبس العرايس يمكن يكون اكبر منها .
واكتر حاجه محتشمه كان زى فستان بحمالتين وضيق على الصدر وقصير للركبه .
فاتغظت منه .
بس لبسته وحطيت طرحه على كتفى وطرحه لفيتها على وسطى . لان ما جبش شنطه هدوم تانى .
وخرجت ريحاله بس سمعت جرس الباب فاستغربت انه خرج اصل كنت فاكراه راح على البسين .
فوقفت ورا الباب وفتحت وقلت اتفضل يا باشا يعنى ما قلتش انك خارج .
واتفاجئ ان الدخل كان ....
![](https://img.wattpad.com/cover/152669764-288-k649896.jpg)
أنت تقرأ
احببته وكرهت سجاني
Teen Fictionهنا في هذا البيت وهذه الشقة وهذه الغرفة تسكن روني بطلة هذا القصة ذات 20 عاما ذات نسبة من الجمال الكل يحبها لأنها لديهامن البراءة ما يكفيها ليتفت الناس للاستماع لها وقلبها لا يحمل سوى الحب فقط لكل الناس التي تعرفم ام لا وفي الجهة المقابلة يوجد ول...