كلش اعتذر تأخرت الًيَوُمًِ بسبب ظرف وهاي بارتين تعويض ع التأخير
المكدية والضابط
جزء الثاني
بارت٨&٩
ام حسام...يمه مريم حمودي جيبي خل يعيش ويانه مدام زهراء ازوجت والله سترها
فرحت مريم ومعاملتها الي غير شكل
وصار محمد يروح لدوامة وياخذة وياه حسام ويرجعة حسام
ومريم دخلت بشهر الخامس وعرفت جنس الجنين طلعت بنيه الف الحمد الله والشكر الك يارب ماصدكت حسام يقتنع ويزوج واشوف ضناه
وبديت اجهز بلملابس ل مريم ول لطفلة
وحسام يوم عن يوم يتغير ومشاكلة كثرت وي مريم ضرب وغلط ومعيار شكيت بلموضوع ورحت ل ام عباس
وگالت ام سرى هيج وهيج طلبت وطلبت عمل تفرقة وتعرفيني اني اموت ع الفلوس ماگدرت ارفضلها طلب ....
گتلها شدكولج ام سرى لاتنفذية واني ادفعلج الضعف
وفعلا واخذت كل كم يوم تتصل بيه وتگول ام سرى اجت ودفعتلي
رحت الها والتفقت وياها من تچيج ام سرى اتصلي علية
ومر اسبوعين واجت ام سرى وخابرتني ام عباس
گالت الي اجتني
ورحت الها واتعاركت
وهددت الاثنين
ام سرى اذا سوت شي بعد اروح ل زوجها وا انسابتها لنو هي عدها 3بنات مزوجان غير سرى
وام عباس اذا سوت شي تشتكي عليها
رحتت للبيت واحس روحي راح تطلع تهبانة حيل وراسي احسة يريد ينفجر
صحت ل مريم تقيس ضغطي
مريم....اجت عمتي حيل حيل تعبانة ردت اتصل بحسام ماقبلت
وراها صاحتلي وصتني واعترفت الية بهواي شغلات هي مسويتها وطلبت وطلبت تشوف نسوان ولدها
اني خفت حيل واتصلت ع حسام حسام خابر ل اخوانه واجو نقلناها للمستشفى وبعد ساعتين ماتت
مرت الايام ودخلت بشهر الثامن ومشاكلي وي حسام متخلص ومحمد هم حسام صار يمد ايدة ع محمد اني زعلت واخذت محمد وتركت البيت بليل اجه حسام متخبل واخذنة غصب اخواتي وازواجهو حاولن يدخلون حسام ماقبل بس زهراء اخذت محمد يبقة وياها
وبعد يومين اجن اخواتي زارني بلبيت ويطمئنن علية يردن
وحسام بهل اليومين وضعة احسن وهادى اشوي
زهورة حسيتها ضايجة سئلتها شبيج
گالت صاحب المطعم اليوم عرض المطعم للبيع ومستعجل ويريد يهاجر وسعرة رخيص اكيد الي يشترية راح يغير
سئلت ع السعر كلش رخيص
وگتلها فلوسنة الي جنعناها قبل تكفي ل نص المبلغ
والذهب مالتي وياهن ونشتري المطعم
سمعني حسام مقبل ابيع الذهب گال هو يكمل الفلوس ويشتري
وفعلا الي مجمعيهن قبل وي فلوس حسام ماكفن وبعت نص الذهب مالتي واشترينه المطعم الحمد الله
وسوينه ديكورات وتغير. غيرنة وصار مدير المطعم زوج زهورة
وهو اصلا المطعم شغلة ماشي لنو مرتب وبعد التريم زبائنة كثرت ايامي الاخيرة واسبوع و اولد
او اقل اكثر ما اعرف بعد بتسهيل الله
بيومها حسام اتاخر عن دوامة اتصلت ع حسام مايرد
صار ساعة 5 هم اتصلت مغلق
حرت شسوي ماعندي ولا رقم من ارقام اصدقائة
رحت ل موبايل امة الله يرحمها وطلعتة وشحنتة لخاطر اطلع رقم صديقة سامر
وفعلا لگيت رقم صديقة سامر
بس بنفس الوقت خفت اتصل ع سامر
حسام ميقبل هو من نوع الشكاك ويغار و منتظرني ع غلطة لخاطر يتعارك وياي
نعلت الشيطان وگلت خل اتصل ب اخوة علي ويشوف الوضعية اتصلت بعلي ما رد علية
مرة ثانية هم كذالك
حسيت صاير وي حسام شي
ماكو غير نيبال هي تعرف او يمكن علي نايم او ناشي موبايلة الف حسبة وحسبة تجي ع بالي
اتصلت بنيبال ماردت
اني من لوحدها عيوني تصب دموع بقت
ياويلي شصاير
اشوي واجتني رساله من نيبال
حبي مريومة اني اشوي واجيج
وبعد نص ساعة اجت نيبال
بس وجها اصفر گتلها خير شصاير وي حسام
گالت شنو دريتي منو گالج ...
لج شنو احجي ما ادري بشي ابوس ايدج احجي شصاير وي حسام
نيبال بقت تبچي وتگول ان شا الله ماكو شي اطمئني ...
اني بوقتها اجتني الالم ما اعرف الم ولادة الم رهبة دخيلك يالله گعدت بلگاع وگتلها احجي شصاير راح تموتيني بقيت اصرخ لنو ما اتحمل بعد الالم هي اتصلت بعلي واتصلت ب اختي عائشة ....
واخذتني بسيارتها وكل هذا الوقت من اسئلها ع حسام تراوغ وماتكول شبي حسام اسلوبها موتني ....يتبع
بارت٩
نيبال ...يالله هسة شكول الها غير تموت وهي عدها حاله ولتدة
اتصلت بعلي اگولك هاي تلح شكول الها ع حسام
گالي علي والله حيرة يالله شصير. هسة لخوي بين الحياة يو لمريم وصار عدها حالة ولادة من عرفت حسام بي شي شحال اذا عرفت الصدك شيصير يمكن تموت
اگولج كوليها حسام سوة حادث واندعم ورجلة انكسرت وهو وعلي بلطريق جايين. ..
گلت لمريم هيج بس ماصدكت الدكتورة فحصت مريم وگالتلي الطفل ميت
لا دكتورة دخيلج اتاكدي
الدكتورة كالتلي ميت من فترة الطفل ليش امة ماتحس بي حركة ماكو ولازم نسويلها عملية انتي شصير منها وقعي ع مسؤليتج لخاطر ننقذ الام اذا تبقة هيج تموت وهي بعدها صغيرة واول طفل الها ...
دخيلك يالله اتصلت بعلي مرة ثانية
علي...اتصلت علية نيبال وگالتلي كذا السالفة ولازم نسرليها عملية ومطلوب توقيع اني انصدمت انهد حيلي ع حسام وطفل حسام بنفس الوقت عقلي وگفت بهل اللحظة شسوي شكول وشصرف صحت سرمد تعال احجي وي نيبال انهد حيلي ولك طفل حسام ميت بطن مريم
حجة وياها سرمد
گال الها لا تسوين شي وتصرفين لمن يجون اهلها وهم بكيفهم شيسون يسون
عائشة....اجة اتصال قبل ساعة من علي ل زوجي
انصعقت بلخبر وانصدمت ما اعرف بعد شحجي وشكول صافنة وابجي ع مريم هيج حظها معتر وفگر. ماشافت الراحة بحياتها ابد
والله بعد هم ساعة اجة اتصال گالو مريم بلمستشفى عدها ولاده
اني اتخبلت بعد اكثر قبل يومين اني وياها عند الدكتورة گالتالها ولادتج بعد وقت الها والبنية مابيها شي وحملج طبيعي جدا
رحت للمستشفى گالتلي نيبال الطفل ميت ومريم ماتعرف شي عن حسام
ولازم توقعون لخاطر العملية
مريم.... اعرف اكو شي بس تعبت من كد السوال وما اعرف شنو الحقيقة نيبال تقشمرني وتكولي مسوي حادث واشوي وجاين هو وعلي
وعائشة اجت للمستشفى وما دخلتلي خاف اسئلها شصاير وگالولي لازم عملية اسوي
ضربوتي مخدر وبعد ما اعرف شصار بيه
بعد 3ساعات كعدت
وما احس بشي
بقيت ع هذا الوضع نوم وما احس شي ل ثاني يوم
الصبح فزيت من نومتي وصحيت باوعت نيبال ماموجودة وزهراء يمي وعائشة نازلة للدكتورة تريد تطمئن علية
زهورة وين بنتي ماحجت شي بقت تبجي
گتلها زهورة انتي ماتچذبين بنيتي وينها
گالتلي الله ماقاسملج الطفلة ماتت انتي واگعة عليها او احد ضاربج والضربة موتتها
ليش الطفلة بيته بطنج قبل ساعات وانتي ماتحسين بيها ولا بحركتها.....
هنا متت قهر ودك بواجي ع بنتي خلوني اشوفها ع الاقل تشبهني لا شكلها شون صاير خلوني احظنها ابوسها اشمها الله يخليكم
بجيت وادگ والطم الا ان فقدت وما اعرف شصار بيه گعدت بعدها بقيت ادعي ع حسام الله ياخذ عمرة الله لايوفقة هو بسببة ماتت بنيتي والله الا انتقم من حسام واگتله مثل ما گتل بنتي
زهرأء سئلتني مايصير تدعين حرام عليج وتبجي زهراء
گتلها هو الي گتل بنتي ضربني الصبح بطني وگعني من الدرج وگتل بنتي والله الا اشتكي عليك يا حسام شفت منك الويل. وضرب واهانة وغلط وشتيمة وهسة موتت بنتي الله لا يوفقك الله ياخذ عمرك عمرك
زهراء .....مقهورة ع مريم. من عرف بتها ماتت
