هلوو اعتذر جان موبايلي بالتصليح
النشر حيكون يومي ساعة 10
حوري
المكدية والضابط
الجزء الثاني
بارت ١
حسام ..نزلت مريم من السيارة وردنة ندخل للبيت وصلت للباب وسمعت اطلاق نار كل اعتقادي انو واحد من اصدقائي يرمي فرحانلي
تالي مريم تعصر بيدي عبالي خافت من اطلاق درت وجهي الها وگتلها حبي لاتخافين وجان اشوف توگع ع الارض فستانها الابيض صار احمر
اتخبلت ردت اخذها للمستشفى حتى الحك عليها وماتموت اشو
الكل ينهزم مايقبلون يساعدوني ومريم التقطت انفاسها الاخيرة وماتت قتلها صديقي وما اعرف هو جان متقصدني او متقصد مريم لخاطر يقهرني
مريم ماتت وماتت وياها كل افراحي
معقولة هيج نهايتي وموت مريم وتروح من اديه
دخيلك يا اللهي وافز من نومي اي جنت احلم گعدت مرعوب طلعت من غرفتي ركض اصرخ يمه يمه وينج اشوف امي ومريم فزن من نومهن ع صياحي تلگتني امي
يمه شبيك شصاير شفت مريم اطمئنيت عليها والحمد الله كان حلم هذا مريم لسة ماماتت
گتلها يمه ماكو عرس الغي ما اريد زفة راح اخذ مريم واسافر للبنان هناك
امي فرحت لنو من البداية جانت خجلانة لنو مريم مگدية وتخاف بلعرس تتعير وماتريد احد يعرفها
مريم.. نايمة بغرفة ام حسام وكعدت ع اصراخ حسام فزيت مرعوبة جان يجي حسام ويگول ماكو زفة وحفلة عرس
هااي ليش حبي
گلي لاتناقشين گلت ماكو يعني ماكو وحظري نفسك باجر نسافر ل لبنان
گتلة براحتك الي تشوفة سوي
اني اهم شي ازوج حبيبي مايهمني عرس وهاي السوالف واعرف ام حسام مامتقبلتني ك زوجه ل ابنها لنو اني مكدية وهماتين تريد بنت اختها دلال ل حسام طول الاسبوع الي جنت وياها عايشة قبل زواجي دائما تشمر حجي علية وانو تريد بت اختها وتگول ما اعتقد انو راح تستمر علاقتنة يجي يوم حسام يصحة وهذا الحب ينتهي ويندم لنو اخذني
مرات افكر ما ازوج حسام واگول فعلا كلامها
ومرات اگول حسام لو مايحبني جان ماقبل بيه من البداية
حسام وامة طول النهار يتصلون ويعتذرون من اقاربهم واصدقائهم واحبابهم انو عرس ماكو صار ضرف عدهم وماراح يسون حفلة
منتظرين الجواز مالتي يكمل ونسافر وفعلا بعد يومين كمل الجواز وسافرنة بس الغريب بلموضوع وصلنة للفندق حسام حجر غرفتين منفصلات شنو السالفة ليش هيج سوة شصاير استحيت اناقشة ورحت ل غرفتي نمت
ثاني يوم اجتني بنيه لبنانية گالتلي ممكن تجين وياي
ماقبلت رحت ل غرفة حسام كتله هيج السالفة
گالي روحي مالي خلگج روحي وياها وشتطلب منج تنفذي ما ترفضيلة طلب ..
عزة هاي شنو شصاير منو هاي وليش هيج يتصرف وياي اول ما لغة العرس والثانية كلمن بغرفة والثالثة دزني وي بنية دخيلك يالله وين راح تاخذني
..اسئلها متجاوب
...تگولي مافيني احكي شي بليز بعتزر منك مدام انتي عندي مجرد طرد اوصلو للمكان المطلوب ....
يالله دخيلك شنو يصير وياي حسام اتغير 180 درجة وين دازني وي هاي رحت وياها مجبرة لنو خفت من حسام
نزلت وطلعنة ركبتني سيارة السايق يالله شكلة مو عربي هندي شكلة دخيلك الله شنو حسام باعني لعصابة هندية وراح يبيعوني اشلاء معقولة حسام هيج اتخلة عني سوة المستحيل لخاطري
ولو لنو ماعندي والي وماعندي سند هيج راح يسوي بيه
لا لا مو حسام هيج يسوي لازم اكو شي يمكن بطل ما راح يزوجني وهاي تدزني للمطار ترجعني
لا لا مامعقولة جان گالي اخذي جنطتج وجوازي بلغرفة باقي
اوووف ربع ساعة السيارة تمشي بيه واني متت خوف اطفر من السيارة وانهزم اموت غير اتوسلت بلبنية ماتحجي شي
ماخليت ايه اذا ماقريتها من خوفي
بعدها سلمت امري ل الله وگلت ربي انت تعلم بحيالي مقطوعة من شجوة ومالي والي وسند انت سندي وانت عندك امانة يالله
ورها وگفت السيارة وگالتلي بليز مدام لو سمحتي ممكن تنزلي.
....يتبع
