المگدية والضابط
للكاتبة كوثر السماوي
البارت الثاني عشر
حسام ... وصلت للشقة هي خافت ما قبلت تصعد گتلها تصعدين لو اجرج من شعرج
صعدت وياي وتبجي وخايفة وتگولي والله ردت اگولك بس خفت تتركني
سديت الباب وجريتها من شعرها واخذتها للغرفة ومديت ايدي عليها وضربتها
گتلها احجي
حجتلي من اول يوم شافتني
الا ان اكتشفتها انو هي المگدية
انقهرت حبيتها من صدك ليش هيج جذب علية
وبعد حجتلي عن قصتها كلها وعن زوجه اخوها
شنو شغلها
ضحكت ع حظي هم هي اكيد نفس زوجه اخوها
شون ارتبط بهيج عائلة المگدية والي تشتغل بمعمل كبه وزوجة الاخ موزينة جهالي شنو راح يكون مصيرهم اخوالهم ناس سگط يمكن مريم هم موزينة مثل زوجة اخوها وتمثل عليها
گتلها انتي هم نفسها مو زينة وتبيعين شرف براسي
كولي اشكد تردين ونگضي هاي الليلة سوة
مدت ايدها علية وضربتني
مريم ... گالي انتي موزينة وتبيعين شرف براسي اتخبلت ضربتة
وگتله اعترف اني مگدية واعترف ماعندي كرامة امد ايدي لليروح واليجي يتصدق علية واعترف انو زوجة اخوي موزينة
بس ما اسمحلك تطعن بشرفي وتكول انو اني مو زينة شنو ذنبي
اعيش هل العيشة شنو ذنبي اعيش يتيمة وماعندي احد يصرف علية شنو ذنبي وعيت للدنيا لگيت نفسي اشتغل مگدية
البنات الي بعمري عايشات احسن عيشة واني مشلوعة گلب ليش ها ليش
وبقيت اضرب بي واكولة يلا اتاكد مني انو اني شريفة لو لا اقضي هل الليلة وياي اني من اليوم مو شريفة من اليوم ما اصير بعد مگدية
حسام .... انقهرت عليها صح قسيت وياها بس مطلوبة هل القساوة فعلا هي شنو ذنبها ما الها ذنب
حياتها مو هي اختارتها لو اني مكانها وعايش نفس عيشتها هم طلعت مگدي
نظيفة هي وشريفة
لو مو شريفة جان ماتبقة بلتقاطع من الصبح. للظهر ع وكفة وحدة وتعب هذا اليهينها وهذا الي ينطيها وهذا الي يضربها
رادت تروح
گتلها اني اوصلج
وصلتها لبيتها
وانقهرت عليها اختها منتظرتها بلباب
زهراء ... صارت ساعة 1 ومريم ما اجت طلعت انتظرها برة خايفة عليها لا سوالها شي
فتحت الباب وجان تجي وتنزل من السيارة دخلت للبيت وبقت تبجي ضاربها الحقير
ردت اروح ل سوزان مقبلت مريم
مريم... يكولي حقيرة معقولة هذا جان يحبني ما اصدگ
بقيت ايام بلبيت ما اطلع كرهت كلشي گاضيتها بس نوم ليش هيج حظنة
والجهاز غلقتة لنو استحي شكول للدكتورة وهي ماقصرت وياي
اجت عائشة واني نبهت ع زهراء ماتكول شي ل عائشة
هل المرة عائشة اجت حيل فرحانة واول مرة تجي جسمها مابي اثر ضرب ولبس جديد وزوجها مشتريلها ذهب صار بل شهرين ماجايتنة ومن اجت حيل متغيرة
عائشة .... جنت اني السبب اي حياتي الزوجية جنت اني مدمرتها طويلة السان
صح اني حلوة بس هاملة نفسي والرجال يريد النظيفة والي تحترمة وتگوم بواجبه
سمعت حجاية سوزان ورجعت
اجه زوجي لگاني بلبيت اتفاجئ مو زعلانة ليش رجعت
صار بينة نقاش وگتله شنو ناقصني وتريد تزوج علية
گالي انتي اتغيرتي صح اني عصبي والساني مو بيدي بس بسببج انتي هاملة نفسج وهاملتني و ع اقل شي تتعاركين
جربي تغيرين وشوفي اني شون اتغير وياج احبج واموت عليج واتحملتيني يوم العدي والماعدي دبرين نفسج
وفعلا فكرت لگيت نفسي غلطانة واتغيرت وبمرور الاشهر هم زوجي اتغير وياي الحمد الله عرفت انو حياة الزوجية تعتمد ع الزوجة
اكل مرتب كلام معسول تبديلة حلو مكياج عطور ابتسامة ع الوجه شكد جان قاسي وياي بس من هيج سويت اتغير جذريا وصار انسان ماكو منة والحمد الله حياتي اتغيرت وعوضني......
انتهى ✋
انتظروا بالليل انشر بارت وباجر بارتين وتنتهي
