هلووو مثل ما وعدتك وهذا بارتين لعيونكم
المكدية والضابط
جزءالثاني
بارت٦&٧
ام حسام...طركاعة عليج ابد ماتتأثرين وتسمعين منا وتطلعين منا وهسة گاعدة تتريگين
گالتلي انتي مثل امي و على راسي اخليج حقج م تحجين ردتي وحدة احسن مني لحسام بس شسوي قسمة وصارت مانغير شي
والفروض انتي توگفين وياي مو ضدي لازم اثنينة نتعاون ونساعد حسام...
من گالتلي نساعد حسام عرفت بيها درت عن حاله حسام
گتلها شبي حسام ونتساعد
گالتلي ماما اعرف كلشي حسام كلما يعصب ياخذ الحبوب عرفتها هل الحبوب...
گالتلي ماما ارتاحيت من گالتلي ماما اول چنه تكولي ماما وبنفس الوقت كسرت خاطري كلامي وياها جان حيل قاسي وتسكت عكس جناتي البقية يراددن ويمدن السان هن عايشات ببيوت وامهن وابوجهن فوگ راسهن وربوهن وجانن وياي يتعاركن ومايحترمني
ومريم عايشة بلا ام واب وطول النهار بلشوارع حيل محترمة ومؤدبة وتطيع كلامي رحت لغرفتي وافكر بمريم بنية مؤدبة وخلوقة وشاغولجية گضت شغل البيت بساعتين ولا حجت شي فكرت اغير معاملتي الها لنو هي يتيمه ومحترمة وزين قبلت ب ابني مريم نفسيا وكم مرة خطبت اله ورفضو
اندگت الجرس ورحت للباب اجت اختي ام عدي
مريم ...اجت خالته. حسام تبارك النه وياها بتها بس ما اعرف ما ارتاحيت الها ابدحسيتها حاقدة علية ليش ما اعرف وتباوعلي من فوگ لجوة
اجة حسام وحضرت الغدة وجان طبخي
گعدنة اتغدينة كولنة وحسام حيل مدح ب طبخي لنو اني احب الطبخ وجان طيب وام حسام هم صدمتني ومدحت بطبخي
گلت اي هاي لنو گدام الخطار مدحتني يلا الحمد الله تمدح بيه وبعدين من يرحون تعيط وتحجي هم راضية
ام عدي .... سرى ماما روحي ساعدي مريم وغسلن المراعين
راحت سرى واني ميته قهر ليش تقشمرني ام حسام وتكولي ما اخذ سرى ل حسام لنو حسام بي حاله نفسية وعايش ع الحبوب
مو هاي المگدية اخذتة وعايشة وياه ومابيهم شي
ولزمت ام حسام وغسلتها غسل ليش فضلت الغريبة ع بنتي
مريم ....اغسل المواعين وحسام صعد لغرفتة ينام واجتي سرى تساعدني اني مقبلت لنو فشلة خطار
يووووه بدة تشمر مسامير وشون عايشة قبل واحجيلي قصة تعارفكم وشون حبيتو بعض
وبلنهايه ختمتها گالت راح تصير مگدية وتتعرف ع شخص مثل حسام ويحبون بعض ويزوجون وراها گالت اريد حسام بشغلة وصعدت لغرفة حسام اني استحيت اروح وراهم فشلة گلت خاف تكول فضوب وهو ابن خالتها يمكن شغلة خاصة عفتهم براحتهم
وصار العصر وراحن
ام حسام ....هاي اختي وهيج حجت وگالت وعايرتني شون بلغريبه هم كذالك
اجتي مريم يمي طلعت حرگتي بيها وعايرتها هي بقت ساكتة وصعدت لغرفتها
حسام...نمت واحس نفسي مخنوگ وكوابيس واحلام حيل مزعجة گعدت من نومي اشوي واجت مريم ما اطيق شوفتها ما اعرف گتلها اطلعي برة لاتدخلين الغرفة
