المگدية والضابط
للكاتبة كوثر السماوي
البارت الثالث
ام حسام..طلع ابني ولبست ملابسي واخذت جارتي حمدية ورحت ل ام عباس اخذ ل ابني خيرة
وصلنة للبيت وسلمنة وااخذت ل ابني خيرة
ام عباس..اي يافتاح يارزاق هاي الاتصالات الحلوة الي بيها فلوس ام حسام طاگة خل اقفص عليها بكم الف امشي روحي بيهن كم يوم الا ان تجي وحدة ثانيه واهم اقفص عليها
اندك الباب وفتحتة
ام حسام... ها ام عباس خيه شونج شخبارج
تعاي نقذيني ابني مايقبل يزوج وصار عمرة 30 سنة
ام عباس... اوووو انه اختج الا اخلي خلال ثلاثة اشهر ويكول يمه زوجيني
ام حسام.. اذا ازوج بهاي السنة الج بشارة تسر گلبج...
بس جيبيلي فانيلتة كون بعدها مامغسولة وجيبيلي صورة ابنج
وعصفور عراقي بيضة دجاجة سودة حرة بچر وتعاي باجر
العصفور علية اني ادبرة
وانتي حمدية عليج الدجاجة هسة انطيج فلوس تدبريلي
رجعت للبيت واخذت سلتي وشكلت خيط بعودة وخليت اكل جوة السلة ومنتظرة العصفور وجان يجي واصيدة بعد انتظار نص ساعة اروحلة والكيله انثى مو ذكر
خابرت ام عباس گالت مايصير الا ذكر
وبلساعتين منتظرة اصيد وبشلاع الگلب صدت العصفور
مريم ..حضرت احسن غدة سمك مشوي وزلايط وفاكهه اجو حمودي گال ولج اشم ريحة سمك اني ضحكت
گال لا اني متوهم لنو احنة ماناكل سمك
سئلتة ع دوامة و ع واجباتة وكتله بدل وتعال للمطبخ سئلني ع ايدي شبيها گتلة من نظفت السمك اتعورت
بدل واجه للمطبخ انصدم شنو من سفرة محضرتها اله
بس مع ذالك ما اكل ماقبل گال رجعي بس انكيني تفاحة اصبز نفسي بيها الا ان تجي زهراء ناكل سوة مو جوعان اني فرحت مت شفت حنيته صح جوعان وطفل هو مايستحمل بس ما قبل ياكل گتله بكيفك
اگلنة تفاحة وبقيت اقري بي الا ان اندگت الباب واجت زهراء ماخلاها حمودي تدخل للمطبخ گال الها روحي بدلي وابقي بلغرفة الا ان نصيحج
فعلا حضرنة الغدة وراح گال الها سدي عيونج سدت عيونها وفتحتها استغربت فرحت من السفرة بس عيونها بيها الف سوال ليش هل الصرف مو نريد نلم ارواحنة بس ما حچت شي گدام محمد خاف تضل بنفسة
اتغدينة وخلصنة غسلت الماعين وزهراء ومحمد نامو
اليوم خميس متعودين تجي النة عائشة تبات يمنة المغرب اندگت الباب اجت عائشة وجها مورم اني وزهراء عرفنها شبيها سئلها محمد
گالتله وكعت بلحمام وعبرت ع محمد گتلة اخذ الجهال وگعدو بلباب
اخذ الجهال وطلع سولفتلنه انو رجلها يريد يزوج عليها
كتلها بليل نروح ل ايمن بلكي يسوي شي
ولو نعرفة جبان مايسوي شي
جهزت العشة بليل رحنة ل ايمن
جان بلبيت هو گلناله گال تجي سوزان واشوفها شنو ردها
انتظرنة سوزان ل 12
سوزان ... عمري 29 سنة امي مطلقة وازوجت ازوجت واحد حقير
و عمري 16 سنة زوج امي اعتدة علية وگال ل امي انو هي تتحرش بيه
امي گعدت علية كتلتني گتل وطردتني ل ابوي بابا عرف بلموضوع ما حاسب الحقير لا راد يگتلني واني مابيدي شي
انهزمت نص الليل وعثرت عليه وحدة بت ليل شافتني اركض بلشارع وهي توها طالعة من بيت اخذتني وياها وقنعتني الا ان رحت بهذا الطريق بس مو كل يوم وي واحد لا اختلف ابقة وياهم اشهر الا ان يمل مني ويتركني مرة گاعدين بيت مأجرينة اني وهاي البنية الي شغلتني وياها والجوارين هجمو علينة وطردونة
بقينة نتنقل جمعت فلوس واشتريت المشتمل الي كاعدات بي اخوات ايمن
وراها اشتريت البيت بربع السعر من صاحبه وبقيت وياه سنة وعافني اتعرفت ع ايمن يشتغل عامل ورممت البيت شفتها اثول ومكطوع من شجرة عندة خالات ثنين وعم واحد وبكربلاء عايش مايعرفهم لا بلفي ولا بلشمس استغليت هل الفرصة محد يسئل وراهم قشمرتة بلحب وكلام المعسول والفلوس وازوجني هسة يموت علية
بيوم رجعت من سهرتي
لگيت اخوات ايمن منتظراتني
اهووو شنو من طلابة اكيد عايشه رجلها نفس كل مرة كاتلها
وفعلا طلع صدك وهل المرة زاد الطين بله يريد يزوج وراح ابتلي اني اذا ازوج هي وجهالها علية وفوك راسي
گتلها اخذيلج يومين ورجعي لبيتج وكولي لزوجج موافقة يزوج وعرفيها منين هاي وخابريني واني اصرف
ركزت ع البنات واحلى من الثانية بس اوف وحدة عرجة وحدة مزوجة
بس مريم احلاهن اويلي لو تطاوعيني يامريم
صحت لمريم ورحت لغرفتي راويتها الذهب والملابس والفلوس العندي بلكي تقنع واخذها وياي
بت الفگر ماقبلت ولا اقتنعت واخذت اخواتها وراحت
يتبع...
