هلوو مادام باجر عندي عطلة نزلت بارت وان شاء الله باجر هم انشر ❤
المگدية والضابط
للكاتبة كوثر السماوي
البارت العاشر
حسام...انتظرتها لخاطر اشوفها تدخل البيت واطمئن عليها
راحت للباب تحاول تفتحة وجان اشوفها تنهزم وتختل ورة الشجرة عرفت انو احد من اهلها راح يطلع رحت بلسيارة
وابوها طلع الزبل واني ضل بالي عليها خاف يشوفها
رحت للبيت وصلت ردت اتصل بطلت وافكر بيها شون يلا بعد ساعة واتصل عليها
مريم...يمه الله سترني ماشافني اخذت تكسي ورجعت للبيت
وجان تتلگاني زهورة وتلعب بيه فلم ليش اتاخرت نص ساعة
حجيت الها شصار
حمودي نايم لگيته
بعد ساعة اتصل عليه حسام نفس البارحة حجيت وياه ساعة 1 گعدت زهراء وگالت نامي باجر عندج شغل بس تحجي بصوت ناصي
گتله اريد انام باجر عندي دوام نمت
حسام ....گعدتني الحجية وسوتلي ريوك
گالتلي خيرك يمه هل اليومين احوالك متغيرة وبس تضحك
گتلها يمه ابشري الي تردينة راح يصير
اكو بنية اتعرفت عليها صار يومين عجبتني خل تمر الايام واگولج اريدها يو لا
ام حسام...كلوووووويش هذا شغل ام عباس توب..
ها يمه شنو شغل ام عباس...
لا يمه هاي صديقتي شگيت الها وگتلها مايزوج
وشالع گلبي ابني حسام ودعتلك والله استجاب دعائها
مريم ...رحت لبيت الدكتورة لنو كان يوم سبت ترتيب وشغل وخلصت شغلي ع وقت صاحتلي نمارق وبقينة نحجي وعرفت قصتي اني واخواتي انقهرت حيل علينة
بس شنو كل اشوي حسام يتصل اخر شي خليتة صامت لنو استحيت من الدكتورة ونمارق
رجعت للبيت اتعشينة
ويتصل حسام
رحت للغرفة احجي وياه
فتحت خط وينفجر بوجهي انتي شبيج شصاير وياج ليش ماتردين
يمه عصبي عصبي حيل
گتله جنت ادرس
گلي ميحقلج الغياب منا ورايح وتردين علية وطمنيني عنج
حسيت بل اهتمام والامان وياه اعشق هيج شخصية عصبي يهتم بيه من الصبح الا ان جاوبتة بل 20 مكالمة
بهل الوقت اجت سوزان النة حمودي فتح الها الباب
زهورة اجت تركض تنبهني
گطعت الاتصال وضميت الموبايل دخلت سوزان الي وگالت ل زهراء عوفينة بوحدنة
مثل كل مرة تقنع بيه اني رفضت
عصبت وطلعت من البيت وگالت لزهراء اقنعي اختج خل توافق يو اطردجن من البيت
اجت زهراء الي
زهراء ... متت قهر ع مريومة ليش تريد تجر مريم لطريقها مستحيل اخلي مريم تسمع كلامها
رحت لمريم
گلتلي كلمه لاتحجين اعرف شنو تردين تگولين
ما تجرني لطريقها بعدين اذكرنة عائشة هذا الاسبوع ما اجت
فتحت الخط واتصلت ع عائشة
گالت ماكو شي بس سويت نفس ماگالت سوزان وهل الايام زوجي ساكت عني مايحجي شي
بهل الاثناء اتصل علية حسام
خلصت اتصال من عائشة اتصل رديت علية
اتخبل شنو انتظار عباله احجي وي واحد گتلة وي اختي ماصدك
حسام... غلقتة بوجهي انتظرت ربع ساعة تتصل اعتقدت اهلها دخلو عليها للغرفة وبعدها اتصلت مغلق اتصل مغلق
اتصلت لگيته انتظار اتخبلت
ما اعرف ليش شكيت بيها
گتلها ويامن تحجين گالت وي اختي
ماصدگتها شيطان ركب راسي وصرت شكاك
گتلها هسة اريد اشوفج مقبلت گتلها اما ننهي الي بينه او هسة اشوفج گلتلي اوك واعدتها بمكان هادئ اشوي مابي ناس ورحت
انتظرها
مريم .. اگلج زهورة خل اروح اشوفة فدوة اتوسلت بزهورة گوة اقتنعت رحت للمكان الي واعدني بي
جان الجو بارد حيل شفتها گاعد بلسيارة صعدت بلسيارة واخذني لمكان حيل هادئ وناس مابي
گالي انطيني موبايلج اريد اشوف ويامن تحجي خل اشوف سجل المكالمات بوقت الي اتصلت عليج ولگيتج انتظار
هاي شبيك هاي انت مخبل ليش
گلي اريد اعرف ويامن تحجي اتخبلت يشك بيه
ليش
اوك هاك شوف كاتبه ع رقم عائشة علوش
گلي منو هذا علوش
گتلة اختي
اختج تسميها علوش ودهل ع الوقت ومدة المكالمات جانت دقيقتين 24 ثانية
هسة تتصلين
اتصلت وفتحت سبيكر
درت علية عائشة وگلتلي ها خيرج گتلها ماكو شي بس بلغلط اتصلت عليج يلا باي خفت لاتحجي شي زايد ويعرف حسام
حسام... اتخبلت وحدة بهل الجمال وبهذا العمر ماعدها صداقات وعلاقات بلشباب متت غيرة صح صار كم يوم عرفتها بس احسها مالتي الي وبس
اتاكدت انو اختها بعد ما اعرف اصرف ردت عتذر منها
وشفت دموعها تجري ثنين ثنين ما تحملت دموعها اعتذرت منها وحضنتها اي حضنتها وبستها
(((والفتنة فى وطنى ليست حرب
ليست رصاصات تخترق القلب
ليست قنبلة تدمر أجزاء الأرض
فاافتنى رصاصة شفتيكِ
فهى أقوى من تلك الحرب)))
ما اعرف ليش هيج سويت شصار وياي
بس ضعفت گدامها وماردتها تبجي
من حضنتها.
سكتت وهم هي حضنتني
گلتلي هاي سويتها وشكيت بيه بعد لاتعيدها الله يخليك اذا اكو شي اني اكولك...
يتبع..❤
