سماره..احساس بداخلي مينوصف فرحه وحزن ومشاعر مامنتضمه كل الي اعرفه انو اني جنت كلش سعيده احساس الأمومه أعضم احساس ممكن اتحسه وحده وأجمل احساس نداريت على عمتي وعيوني مليانه دموع وكتلها بصوت مخنوك راح اصير أم شمرت روحي بحضنها وكمت ابجي بس جانت دموع فرح
..مبروك يمه انشالله دكومين بسلامه ويعوضج هل طفل على كل لحضه مريتي بيها
..مسحت دموعي وكتلها نشالله اتفقت ويا الدكتوره انو اراجع يمها بعد وطلعت اني وعمتي جنت طايره من الفرح وكل ماأفوت يم محل مال هدوم أطفال اوعد نفسي أنو اجهز الطفل من المحلات الي أفوت من يمهم رجعت اني وعمتي للبيت تلكانه مرتضى
..ها يمه خير كالو البنات طلعتو للعياده صاير شي
..سماره..باوعت على عمتي شفت مرتضى يباوع عليه وعيونه بيها خوف عليه اني اعرف انو هوه ماكطع الأمل مني وبعده يحاول وياي بس ماكدر لان كلشي بيها مسجل بأسم عمر حتى لو فترقنه بس بعدني اني الهاي الحضه احبه ترخصت من عمتي وكتلها راح أدخل للبيت
..اي يمه لا ضلين واكفه مو زين عليج
..مرتضى ..بس اريد افهم ليش موزين عليها يمه شبيها سماره
..شبيك يمه مابيها شي مو زسن اصلاً هيا كلش زينه وراح يجينه طفل حلو مثلها نشالله
..مرتضى..هاااا شكاعد تحجين انتي
..سماره..دخلت للبيت سمعت مرتضى شلون نصدم لمن سمع الخبر كلت بكلبي اي همزين علمود يكطع أمل مني اخذت العبايه ودخلت للغرفه ضليت اقرا اسمعه شلون يصيح ويكول شلون تقربلها وفشر على عمر اني لمن سمعته هيج كال تخبلت شمرت الكتب وطلعت عليه
..هاا شرفت المدام يا هلا
..سماره..توجهت عليه وكتله اذا اسمعك تتجاوز على عمر مره ثانيه اندمك ولله اني مغلطانه بشي رجلي هوه مسويت شي حرام واذا معاجبك الوضع اطلع من بيتك واكسر الشر
..مرتضى ..باعي لج ترحين توكعين هل أبن الحرام لا ولله اكتلج وكتله سمعتي
..هههههههه اي شكو بيها اني ما عولي اخلص من حكم احمد وكعت بعيال كرهوني بعيشتي وهسه وكعت بيك موو هم تريد تتحكم بيه بس لا ولله محزرت رجعت للغرفه لميت غراضي وعمتي تتوسل بيه ابقه بس ماكو عاندت اخذت الجنطه وطلعت أجرت تكسي ورحت البيت اهلي جان المفتاح يم عمتي واني اخذته منها فتحت الباب ودخلت نكرب كلبي بيت ابويه فارغ لا أب ولا أم ولا أخ ولا اي احد خليت غراضي بالصاله وسديت الباب شفت البيت وصخ حييييل كفيت ارداني وبديت اشتغل وكل زاويه ذكرني بأهلي وتخليني ابجي وانقهر خلصت شغلي حسيت حالي عطشت رحت للمطبخ شفت الثلاجه اكل بداخلها وخربان لعبت نفسي سديتها ورحت ستفرغت تعبت حيل هنوب جعت شويه وسمعت الباب تندك عرفت عمتي أجتي مردت افتح بس كلت لا عيب رحت فتحت الباب وطلعت صدك عمتي دخلتها للبيت
