أحببت مراهقه (مكتمله)

الحلقه _29

سماره..باوعت على اميره اشو ضلت تضحك كلتلها اكلج روحي جيكي وضعج يم الدكتور وحللي شوفي خاف طلعين حامل

..ياا صدك تحجين خيه انه ناقصني جهال اشو ٣ الحمدلله هم عاوز يجيني واحد يشيب كلبي بعد

..ياا خيه من دهر فرج اشكري ربج غيرج ما عنده هاي النعمه وبعدين بوموسى يحب الجهال ولله لو طلعتي صدك حامل يشيلج بصلاوات وكولي اميره كالت ..هاا يعني اروح احلل

..اي خيه

..بس بو موسى ما يرضا اطلع بوحدي وانه ماريد اكسر كلمته

..عجل انه اروح وياج هاا شدكولين

..ولله اكون ممنونه

..انه راح البس عباتي ونتي هم روخي حضري نفسج وتعالي

..خوش خمس دقايق واجهز

..سماره..راحن ركض يبدلن ويطلعن اني ضحكت وتمنيت انو تطلع حامل علمود يعدل رجلها وياها لان خطيه ما تستاهل يعاملها مو زين هيا كلش حبابه

رحت طفيت العين وغطيت الأكل ضليت واكفه انتضر يخلصن صدك شويه واجني

..اميره..سموره خيه محتاجه شي

..لا ماريد بس سلامتكم

..حبيبه رحم الله والديج ودحكي ان اجه بو نمر وسئل علينه كليله راحن بشغله ويجن وكليله بجيتها الاميره ترحون البيتها خوش واحنه راح نروح هسه

..اي اذا اجه قبلكم اكله الله وياكم ونشالله الأخبار حلوه ضحكن وراحن شويه واجتي الحجيه كالت راحن كتلها اي

..انشالله خير

..نشالله ضليت اباوع عليها شفتها راحت للطباخ اجيك على الغده بس جانت ضايجه وعصبيه مكدرت اشوفها هيج هيا جانت مطيتني ظهرها اني رحت وحضنتها وكتله يمه سامحيني لا تزعلين مني الله يخليج ولله ماكدر اشوفج زعلانه مني حبابه ولله اخر مره اتوبه ندارت عليه وكالت سماره زيحي عني مالي خلكج عجل انتي اجفصين ابطن الواحد وتردين نسامحج موو

..سماره..يمه ولله مو بقصدي حبابه لا تكسرين بخاطري

..اسامحج بس بشرط

..سماره..شتردين يصير ولله انتي بس كولي

..الحجيه..اكسبي رجلج واملي عينه وخليني اطمئن عليكم هاذا شرطي ان رضيتي بي انه ارضا عليج وأن ما رضيتي بعد هاذا الشي راجعلج

..سماره..ضلبت صافنه عليها وكتله يمه اطلبي مني غير شي لا تكمشيني من ايدي التوجعني

..سماره هاذا العندي وترى لا هوه شي صعب ولا مستحيل بس انتي مكبرته

..سماره..يمه بس ماكدر اكسبه هوه عنده خلود وخايفه هوه الي يصدني بوكته اني راح اتأذه