أحببت مراهقه (مكتمله)

الحلقه _22

عمر..لمن كال هيج كريم نداريت على الحجيه وكتلها راح اخلي نمر بغرفتي خطيه نام

..على راحتك يمه

..شلت نمر وكمت بس احس نار تطلع من عيوني ويا كل خطوه اسئل نفسي ليش شنو السبب شسولها وصلت الباب الغرفه سمعت صوت بجيها حترك كلبي اكثر فتحت الباب بسرعه واشرت الاميره علمود تطلع

..سماره..باوعت عمر وشايل نمر بيده فرحت حيل باوعت عليه هوه صاير عصبي ستغربت صفنت على اميره باستني ومسحت دموعي وطلعت هوه تقرب عليه ونيمه نمر على الجربايه كعد مقابيلي وضل يباوعلي بغضب خفت منه

..شسوه سليم

..لمن كال هيج خوف على قهر وكمت ابجي واناشغ بالبجي

..تأكدت صاير شي بينهم احس مابقه بيه عقل وكفت وجريتها من ايدها وكتلها احجي ولله اذا ماحجيتي انعل والديج انتي ويااا سماره احجيي

..ماصار شي عوفني عمر الله يخليك عوفني لا تصير انته وزمن عليه عفيه ولله مناقصه ضليت اتوسل بي حسيته هده شمرني على الجربايه

..سماره لا تخبليني وجهه مشخط وانتي كاعد تبجبن لج بس كوليلي ولله ماسويلج شي وروح ابويه بس احجي

..كلت بكلبي هاي شلون شغله اذا اكله يتخبل وخاف يضربني كتله بصوت ناصي زين اذا اكولك متسويلي شي وعد

..تنهدت كتلج وروح ابويه ماسويلج شي

..سماره.. بديت احجيله الصار وياي وكل كلمه اكولها وياها الف دمعه فهمته الصار وكتله عمر تعبت حيللل ماكدر بعد ولله عيشتكم صعبه طلكني الله يخليك عوفني اعيش حياتي ماكدر وياكم

..عمر ..ضليت اسمعلها احس داخلي صار نار ختمتها بكلمة طلكني عكدت حاجبي وكتلها ليش تحسسيني جنتي عايشه احسن عيشه قبل ما اخذج لوما اخوج جان تعامله وياج محلو ويأذيج صح لو اني غلطان

..اي صح بس على الاقل جان عندي امل هناك انو يجي يوم وعيش حياتي مثل ما اني اريد بس هنا اني بسجن راح اضل طول عمري بي ليش متحاول تصير بمكاني لو الحضه بس قدر ضروفي الله يخليك كتلك عيشتكم صعبه ماريد اعيش هيج عيشه

..سماره سدي الموضوع ماريد اسمع بعد حرف زايد عفتها وطلعت تنهدت وكلت بكلبي ربي انته حلها رجعت فكرت بالي صار بينها وبين سليم فكرت راسي ولله لندمك يا خسيس لك تندك بحرمتي اوكف اليوم لطلع حليب امك من خشمك نزلت تلكتني اميره تسئل على سماره وشصاير وياها اشرتلها بعدين هيا هم سكتت وماحجت بعد دخلت للديوان باوعت عليه وكتله سليم تعال باله شوفلي السياره شبيها شلعت كلبي دائماً تعطل انته تفهم بسيارات موو

..اي بو نمر تأمر هسه اشوفلك شبيها

..كتله رحم الله والديك متقصر وبتسمتله كلت بكلبي دوكفلي شوف شراح اسوي بيك طلعنه خارج البيت وفتحتله السياره كتله ولو راح اتعبك