أحببت مراهقه (مكتمله)

الحلقه_19

صفنت كلت اني معليه بيها راح اكعد بالغرفه ولمن تجي اميره لو الحجيه صيحني انزل هاي المتوحشه مراح تعوفني رحت كعدت يم نمر سمعت صارت هوسه جوه وضحك نمر نزعج رفع راسه شافني يمه ضحك اجه ونام بحضني الشعور الحسيته بوكتها مينوصف ابدد بس الي اكدر اكوله انو هاذا شعور اجمل شعور ممكن احس بي بيوم كلش فرحت جريته بحضني وبسته من راسه ونمنه اني ويا ضليت صافنه بوجها وضحك شويه وندكت الباب كلبي نغزني كمت من يم نمر وفتحت الباب

اميره..هااا خيه وين صرتي صار ساعتين ادور عليج

..هنا نايمه يم نمر ماردت انزل لان اخاف صير مشكله

..زين ما سويتي فعلاً هذني ناويات على شر

..هذني؟اني شفت خلود اجتي بس على منو قصدج بعد

..لا حبيبه مو بس خليدان وجتي نويره ورغدا وحنون ولا سئلين منهو حنون راح تعرفيها بنفسج

..عكدت حاجبي وكلت بكلبي الله يستر

..المهم خيه خلي ننزل وكعدي نمر علمود تتريكين انتي ويا ونبلش بالشغل ها وماوصيج شكد ما يحجن لا جاوبين لان راح يطلعنج فرد نوب ولمن راح تنزلين راح تتلكاج حبوبه لا تتكاونين وياها شكد ما تحجي عبري

..كتلها خوش مراح احجي بس ترى خفت منهن الهاي درجه يكرهني

..ولله اجذب عليج لو اكلج لا وزيدج من شعر بيت ترى هنا ما مقهورات على موت خويه مصطفى لاا هنا مقهورات لان بو نمر اخذج وهنا جانن مخططات يرجعن خليدان اله

..سكتت محجيت شي هيا باستني من راسي وكالت ستحملي خيه ونزلت اني دخت كلت هاي شلون راح تصفه وياهم جنت مصعده وياي هدوم كلت اسبح بغرفت عمر وفعلاً اخذت هدومي وطبيت سبحت وخلصت رحت مشطت وتوجهت على نمر علمود اكعده ضليت اتحارش بي ودغدغه وهوه صحصح وكام يضحك بعدين كتله يله نكوم نغسل وننزل كومته للحمام غسلتله وجها وطلعتله هدوم ومشطتله سويتله تسريحه طلع يخبل وكدته ونزلت بس ضليت كامشه كلبي خايفه منهم اول ما نزلنه تلكتنه الحجيه نمر لمن شافها ركض عليها وحضنها ضلت تبوس بي وتلاعبه

..اوفيششش ربي شني هاي شطالع ليوم كيكه اروح فدوه لهل وجه

..اني اباوع عليهم وضحك باوعتلي لحجيه وجتي يمي وكالت الله نطانه اذنين وحده ندمل منها الحجي وحده نطلعه وانه اريدج هيج تسوين خوش يمه

..هزيت راسي بمعنى اي اخذت نور وراحت للصاله اني هم دخلت وراها كلت خلي اسلم باوعت الصاله مليانه زلم ونسوان كومه ضليت صافنه على منو اسلم بيمن ابدي رحت وكفت يم الحجيه هيا باوعتلي كالت كولي سلام عليكم وطلعي لا ضلين يمه شيخلصنه من بو نمر
اني هم ماكلت لا كلت السلام عليكم بعضهم رد السلام وبعضهم ضل يخزر وبعض يباوعن بطريقه مو حلوه اني مهتميت رحت على المطبخ سمعتهم يكولون للحجيه هيا هاي الفصليه تنهدت وكلت بكلبي ربي صبرني المطبخ صاير عباره عن حبايب خليدان على كولت اميره كلهن صايرات خدم عدها وهيا كافه رداناتها ووتأمر لمن دخلت خزرتني وصاحت رغد