خلودد..بو نمر ليش مو كفني على الباب خلي افوت للغرفه وافهمك شريد
..عمر..كلت بكلبي هاي شلون شغله كتلها ادخلي
..سماره..لمن كال ادخلي احس دمي نشف كلت بكلبي هسه شلون شعدها جايه بغرفته ستغفرلله
خلودد..هاي منوو النايم هنا محمد؟؟
..عمر..لا شعده محمد ينام يمي بالغرفه هاي سماره
..خلود..هاااا وشعدها هاي الكح__ بغرفتك شسوي هاااا جاوبني عمر
..عمر..نصي صوتج لا ابتلي بيج هسه شنو شعدها يمي مرتي واني حر انيمها يمي لا انتي شعليج
..خلود..هيج صارت عمر تكسر خاطري علمود هاي بنت الشوارع ما ترجيتها منك
..سماره ..مستحملت حجيها رفعت البطانيه عن وجهي وكتلهم اعتذر اسفه ازعجتكم اني راح انزل
..عمر..صفنت على سماره وصحت بيها اخطي خطوه ثانيه ولله اندمج هوه لت بكيفج ولا بكيفها سمعتن نداريت على خلود وكتلها احجي خلود جاي اسمعج
..سماره..ضليت ثابته بمكاني حتى مانداريت عليهم
..خلود..حبيبي مو كافي زعل يعني حلوه الموقف الصرنه بي اليوم الخاطر نمر خلي ننسه الي صار ونرجع لبعض اني ماعندي اغلى منك ومن نمر ولله كل يوم كلبي يحترك على فراكم
..سماره..نهبدت على راسي وجاني شعور اني راح اخسر عمر وبعد مراح يكون الي خفت من جوابه وماردت اسمع شراح يكول خفت حيل نداريت عليه كتله اخذو راحتكم بالحجي خليني اني اطلع شنو وجودي هسه اني
..عمر..جنت اعرف خلود راح يكون كلامها بخصوص موضوعنا بس اتقصدت اسمع سماره ماعرف بس ردت احرك كلبها وابينلها انو اني مامتهملها قبل ما اجاوب يماره باوعت على خلود وجريت ايدها وبستها وكتلها ولا اني عندي اغلى منج ومن نمر واشرت السماره وكتله روحي صح ما اكو فايده بوجودج هنا سدي الباب وراج بلا زحمه
..سماره..اباوع عليهم ثنينهم عبالك يردون ينتقمون مني حسيت روحي نهنت وكسرني بهاذا كلامه رجعت خطوتين ضحكت بوجهه وكتله صح اني وجودي مو مهم بنسبه الك نداريت وطلعت بسرعه من الغرفه نتجيت على الحايط كمت اخذ نفس سريع احس عبالك واحد وكامشني من ركبتي وجاي يخنكني ضليت اقرا ايات وانزل على كيفي من الدرج رحت الغرفت الحجيه شفتها كاعد تقرا قران باوعت عليها هيا ستغربت ركضت الحضنها وكتلها مخنوكه حيل الله يخليج اقري على راسي اريد اتنفس مجاي اكدر اخذ نفس عبالك واحد خانكني
...اسم الله عليج يمه شبيج حبيبه شصاير وياج
..لا تسئليني الله يخليج بس اقري على راسي كامت تمسح بشعري وتقرا ايات واني كمت ابجي بحضنها واكول بكلبي ربي يعني لشوكت راح اضل هيج لمن عتقدت انو عمر راح يغير حياتي وراح اعيش ويا بسعاده ينهدم كلشي ليشش اني شنو السويته بحياتي وجاي اتعاقب هيج عقاب اذا جنت غلطانه غلط جبير اخذ امانتك خليني حسيت ايدها ثكلت باوعت عليها شفتها غفت نقهرت عليها كمت ونيمتها عدل طلعت فراش وبطانيه الي ورحت نمت بالمطبخ مددت وضليت اباوع على المطبخ جريت حسره وكلت هاي هيا لازم استوعب بعد مكاني هنا وجودي اخدمهم لازم انسه عمر وماافكر بي هوه عنده بيت وعائله مراح يعوف كلشي ويجيني اصلا اني منو علمود يعوف كلشي عمودي هوه اني اخويه شمرني وبعد ماسئل عليه اريد الغريب يعوف كلش عمودي هه ولله اني بطرانه خلي انام احسن
YOU ARE READING
أحببت مراهقه (مكتمله)
General Fictionومن الظلم ان أبدو لك قويا فتعتقد انني أستحق الألم
