أحببت مراهقه (مكتمله)

الحلقه ـ5

.
.
..اذكرت لمن دكـ عليه ومجاوبت كرهت نفسي صرت الوم نفسي لان مجاوبته حرت شسوي
.
.
..حسيت صار هدوء البيت فاا ردت اطلع علمود اشرب مي دخلت للمطبخ طلعت مي شربت ورجعته خلصت ردت اصعد سمعت صوت بغرفت امي مال بجي تردادت بين الردت اصعد وبين التراجعت جنت محتاج انام بحظنها توجهت الغرفتها وفتحت الباب مديت راسي كلتلها عادي ادخل حجيه هيا ركضت فتحت الباب وحظنتني

..يمه بونمر اخيكـ راح يمه عافنه وراح يمه ولدي تركني وصارت حسره بكلبي شوفته

..حظنتها بكل قوتي كلتلها موهيج يايمه ولله دموعكم تحركني حركـ لا تسوين هيج..كضبتني من ايدي ورفعتها وباستها وكالت يمه مو بيدي كلبي ديحركني على اخوكـ

..وحيات عيناج حجيه لدفعهم الثمن غالي انطيني صبر بس ولله لندمه

..لا يمه لا دكول هيج انه صح محروكـ كلبي على اخوكـ بس الله كاتب الكل واحد يومه وهاذا جان يوم اخوكـ يعني ربكـ هيج راد شلون تعترض على حكمت الله صار الي يريد يصير ان اذيته مراح تستفاد ولا راح يرجعلي ابني انه طول عمري جنت اضنكـ العاقل وماتصرف بطيش لا تخليني اخذ غير نضره عليك

..اخخخخ يابه ماتردين اتقرب من ذباح ابنج يمه صدكـ هيج تردين؟ 

..اي يمه هاذا الي اريده ماريد اخسر بعد شخص منكم يمه مالي كلب تعبت يايمه

..بسته من راسها وكلتلها رتاحي حجيه رتاحي تعبتي اليوم وانشالله ماخيب ضنج عفتها وطلعت توجهت للغرفه دخت حجي امي فر راسي فر يعني شلون راح تصفه اني منين اتلكاها يعني ربي شوكت ارتاح كمت للحمام سبحت وخلصت رحت للجرابيه لفيت راسي ونمت من التعب ماحسيت بس على صوت الصياح مال نسوان فزيت باوعت الساعه بـ8 كمت من الفراش مديت راسي من الشباك عالم ملتمه وهوسه ضليت ادردم لان ماكعدوني رحت سبحت وبدلت وطلعت شفت اميره يم الدرج عطت بيها انتو صدكـ تحجون ليش محد كعدني شيكولن الشيخ بيته عالم وعايفهم ونايم
..ياخوي ولله مادري بعدكـ نايم ماشوفني واكع الشغل كله فوكـ راسي لا نسوان اخوتكـ ولا خواتكـ دحكن علي

..عفتها ومشيت محجيت شي واني جاي اطلع شفت نمر كاعد يلعب ويا جهال بين التعاب والقهر كله لمن شفته راح رحت عليه شلته وكمت افتر بي واشمه وابوس بي وهوه بس يضحكـ رجعت للمطبخ شفت امه واكفه باوعت ع اميره وكلتله نمر اذا خطه خطوه خارج البيت احرك الدنيه عليكم صار معلوم بين مجاي اطلع شفت نور ورغد خواتي فاتن للمطبخ كلتلهن هلا ولله اشو لا سلام ولا كلام

.. هلا بو نمر خويه شلونك

..كلتلهن ولله وضعي يخبل مشوفون مالحكـ كول شويه ومتفاجئ بشغله

..الله يعينك ياخوي

..بس بلا زحمه عليجن ايدجن وياا اميره شويه لاتعتكفن بمكان واحد بلا زحمه عليجن

..يا يخوي صدكـ جذب وين معتكفات ولله صار من الصبح نركض ركض اميره ماتستحين شاكيه منه لبو نمر

..ولله ماجذبت اني انتن معتكفات بلصاله وانه جاي اركض ركض

..يااا ولج ليش جذبين ولله انتي متستحين هاي هم حجايه تحجيها

..زكحت بيهن قسما عظما صوتجن يعله وانه واكف بعد احركجن حرك ونفس ماسمع كل وحده اسوي العليها وتولي عفتهن ومشيت

..رغد : ياا هاذا شبي اخوجن ونتي عيني اميره لا كل شغله ورايحه شاكيه يمه تعرفي هوه اعصاب لو لازم شعليها

نور : هه مو بله كل شغله صارت تركض تخليها بحلكه

..لعد اذا اني هيج انضبن لا اروح اكوله على حجيجن عفتهن ورحت كعدت يم العالم واني ادردم ولله يالله هاي فوكـ مامن الصبح اركض وخدم الرايح والجاي وطلع ادور مشاكل

..بيت سماره..

..كعدت الصبح لكيت عمتي نايمه يمي دفنت نفسي بحظنها وكمت احوص هيا حست رفعت راسها تبسمت بوجهي

..شبيج ولج تحوصين طيرتي النوم من عيني

..رفعت راسي وكمت اضحك كلتلها جوعانه كومي خلي نتريك عمه حبابه

..يمه  حبيبه جنج على ريوك هسه اكوم اسويلج ريوك مصاير

..هههههه شلون صباح يخبل هاذا رحت بستها وهيا هم باستني وراحت غسلت وجها وكعدت جهالها وراحت للمطبخ اني كمت اتمطه بلفراش اجتي مدت راسها

.. ولج سميران دكعديني وانتي ضليت بفراشج

..كمت اضحك كلتلها لا ولله كعدت

..ديله كــومي علمود نتريكـ قبل متكعد هاي البومه وتنغص عليج لكمتج

..اي ولله عمه مافد يوم اكلت اذا ما نغصتها عليه اطلع الكل سم وزقنبوت عليه

..هاج باعي لعد ستعجلي شويه

..كمت غسلت وجهي لمن مديت ايدي كامت توجعني بسرعه جريتها ذكرت البارحه لمن طب الكزاز بيدي وذكرت المشكله الصارت جريت حسره ورفعت راسي وكلت ربي انته حلها من يمك سديت المي ورحت للمطبخ شتميت الريحه مال بيض وطماطه والجاي والخبز الحار اوففففف صحت يايابه هاي شنووو رحت ركضت جريت خبزه وغمستها بطماطه ولبيض عمتي باعتلي

..ولج سميران انطي صبر راح نصب

..شسوي عمه غير الريحه اطخ براس وكمت اكل

..هههههه بلعافيه يمه

..حظنتها الله يخليج الي يا احلى عمه بدنيه وبستها

..ربي يسعدج يا يمه ولله ماكو واحد كاسر خاطري وقاهرني غير وضعج هاذا يمه والله جاي ادعيلج ترتاحين بحياتج

..ضحكت ضحكه جذابيه وكلتلها نشالله نشالله عمه خلينه نتريكـ ماريد احد يكسر فرحتي اليوم بس هاذا اليوم خلي اكون مرتاحه ورحت حظرت الميز صبينه الجاي وكعدنه دناكول سمعنه صوت على الدرج نزلت مرت احمد كا العاده ذبت بسمار وراحت

..ولله يالله شلون عالم ماتستحي بكل دم بارد كاعد تاكول ومرتاحه هه وناس ماتنام اليل

.

..
.
..
.
.

.تفاعلو علمود انزل البارت الجديد 😗