ميلاد جديد ...
اكتمل الاسبوع و الجميع يجلس في قاعة بازخة و الانوار تهلهل و الأهالي تزرغط و الزينة مرفوعة في كل مكان و الموسيقي الناعمة تلف الأجواء و جمال القاعة في كلاسيكيتها .كما يحبها مالك ... و الطراز اليوناني كما تحبه مروة ...
فالزفاف كان مختلفا .. و الاختلاف كان ملفت للغاية ...
و في مركز التجميل ..
اطلقت زرغوطة منها و هي تهتف بسعادة وهي تضع اخر دبوس في طرحة العروس ...
_ نور : ما شاء الله .. زي القمر يا مروة
_ مروة : بجد يا نور .. انا حاسة أن في حاجة ناقصة
_ نور : حاجة ناقصة !! .. دا أنتي مفيش منك انهردا
_ مروة : ربنا يخليكي ليا يا حبيبتي و ميحرمنيش منك انتي اختي بجد مش صاحبتي يا نور
فرت من نور دمعة غادرة و هي تحتضن مروة صديقتها بحنو ...
_ نور : يعني ايه .. يعني مش هرخم عليكي تاني و لا هتزعقيلي و لا هنتخانق علي أتفه الأسباب و نرجع نتصالح بساندوتش شاورما من الساعي
ضحكت مروة علي صديقتها التي في خضم حزنها تمزح ....
_ مروة : لا يا ستي انا في الخدمة علي طول و معاكي يا بت احنا اخوات
_ نور : مبروك يا حبيبتي ... ربنا يكتب لك السعادة في كل خطوة يا رب
في تلك اللحظة دخلت الفتاة في مركز التجميل ...
_ العريس وصل
*******************
_ عاصم : يا عم يخربيت كدا بجد ... للمرة المية يا مالك .. شكلك حلو و الله شعرك منتظم و البدلة شيك جدا . اه يا عم دقنك مش خشنة خلاص
_ مالك : جرا ايه يا عاصم .. انت اتخنقت مني يا صاحبي و لا ايه احنا لحقنا
_ عاصم : يا عم اتنيل ... دا انت حرقت دم اهلنا بقصتك انت ومروة و جايين بعد قصة حب خمستاشر سنة جاي يقولي حاسس اني متوتر
_ مالك : انا بتكلم معاك ايه اصلا .. انت شكلك راجل حقودي و بتحقد عليا انا و حببتشي
_ عاصم : انت و مين يا اخويا !!
_ مالك : حببتشي
_ عاصم : اه تمام اوي ... هي مبتردش ليه دي كمان
_ مالك : نور مش كدا
_ عاصم : اه يا اخويا هيكون مين غيرها
_ مالك بخبث : يسلام ز انت مالك عاوزها ترد كدا ليه و مهتم تركب معانا و لا لا
_ عاصم : هاه .. لا ابدا بس مينفعش يعني هي متعرفش حد غيرنا يعني و و ... لازم تركب معانا
_ مالك : اه منا فاهم
و رفع عيناه نحو الدرج حيث نزلت سندريلته الصغيرة ... بفستانها الأبيض الفاتن الذي اغرق الارض بطبقاته الدانتيل الناعم و ذلك التاج الرائع الذي رفع شعرها البني الداكن بروعة ... كانت ايه في الجمال ...
وقف أمامها صامتا و لم يتحرك فقط كانت عيناه تتكلم .. اما هي فاخمر وجهها و اخفضت بصرها من نظراته المتأملة ....
YOU ARE READING
على أوتار العشق ( الجزء الأول : مكتملة )
Romanceالمقدمة : بلغني أيها الملك السعيد ذو الرأي الرشيد بأن هناك سفينة تبحر دون مقصد في دروب الحياة ... زادها الخيال وونيسها الذكرى ... و في ليلة فضية ... ليله تربع فيها ضوء القمر علي عرش الظلام ... و تزينت سماء الدنيا بلمعان النجوم ... غطست دون وعي في ب...
