Baazi Ishq Di [𝕮𝖔𝖒𝖕𝖑𝖊𝖙𝖊𝖉]

YOU ARE READING

Spiritual

Yeh nikkah deal hai yaad rahey! Iss baazi mein koi ek bhi haar gya toh? Game over ! ══════•❁❀❁•══════ Tumhey kia ho gya hai Safoorah? Koi meri Rooh le gya hai! ══════•❁❀❁•══════ Tum zindagi ko itna seriously kyoun leti ho? Tum nahi letey? Nahi...

#america #artist #bussinessmen #deal #desi #faith #gilgit #grayshade #hunza #intense #landlords #lawyer #love #newhaven #nikkah #pakistani #persian #punjab #romance #romanurdu #self-discovery #self-growth #spiritual #twist #yale

Chapter 19| Dhalti Shaamein

Start from the beginning

by ItsButterstar_

______________

"Hum kahan ja rahey hain?" Safoorah ne bazaahir Aarish se pucha tha lekin nazrein Ruhaan par thei. Woh driving seat par apni maharat se Audi bhaga raha tha.

"Mujhe kia pata? Aaj janaab ka mood hai race karne ka. Bas humey kisi jungle mein na chorr ana Ru!"
Aarish saath baitha chips ka dusra packet khol raha tha.

Ruhaan ne back mirror se Safoorah par ek nazar daali thi jo ussey mehsoos hui thi lekin woh saamney daikhna nai chahti thi. Woh sheeshay se bahir daikhti muskura rahi thi.

"Fia? Ru humey lake le ja rahey hain. Wahan ek buht khoobsurat open restaurant bhi hai. Unho ne kal mujhe btaya tha!"

Zaira ne sargoshi ki aur Safoorah ki aankhain baahir agyi thi.

"Yeh usney tujhe btaya?" Safoorah ka mun khula tha.

"Haan! Woh kal aap opr Melissa kay sath khail rahi thi jb mein neechey ground mein walk kar rahi thi to Ru ne pucha kay hum ne ek jgah dikha kar pucha kay yeh daikh li. Me ne kaha nai to phir unho ne decide kia kay kal woh humey yhaan le jayein gai!" Zaira excited si bta rahi thi.

"Nai matlb mein kia uss waqt baihosh tha?" Aarish kay mun se chips girra tha.

"Mujhe kia pata?" Zaira hansi thi aur Safoorah hairat se Ruhaan ko daikh rahi thi.

Ruhaan kay chehrey par aaj phir halki muskurahat thi.

"Mujh se to aap ajkal baat nai kartey aur Zaira se kal kitni dair baat ki aapne?" Aarish mun phula raha tha.

"Poora aadha ghnta!" Zaira hansi thi.

"Woh islye kyoun kay woh tujh se ziada samjhdaar hai!" Ruhaan ne Aarish ko daikha tha.

"Han bhai! Koi nai. Mere lye meri Farri! Meri crime partner buht hai. Aap dono bna lo apni party. We've no issue!" Aarish Chips khaata maghroor sa bola tha.

Ruhaan muskura raha tha aur Zaira Aarish kay chirney par hans rahi thi.

"Zarri kia kehti ho phir?"

Ruhaan ne back mirror se peechey daikha tha aur Zaira hairaan to hui thi par muskura ziada rahi thi.

"Done Ru!" Zaira ne hawa mein high five kia tha.

"Issey kese pata mein tujhe Zarri kehti hun?" Safoorah ne halki sargoshi ki thi.

"Mein ne guess kia!" Ruhaan ne back mirror se ussey daikh kay jawaab dia aur pehli baar dono ki nazrein mili thi.
Safoorah ne nazrein hata lein.

Oops! This image does not follow our content guidelines. To continue publishing, please remove it or upload a different image.