عنوان القصه #المگدية_والضابط
للكاتبه كوثر السماوي
البارت الاول
يمه ازوج وخل اشوف جهالك يابعد روحي صار عمرك 30 سنة شوف اخوتك اصغر منك اثنينهم وازوجو علي عندة ثنين وسرمد حامل مريتة
يمه اصدقائك كلهم ازوجو ولد عمك بس انت
الصارو وراك وكدامك ازوجو بس انت ضليت.....
يوم افهميني ما اريد ازوج مو هسة اني من اقرر اگولج روحي خطبيلي لخاطر روح ابوي لا تحجين بهذا الموضوع راح اروح لدوام محتاجة شي يمه ....
لا يمه سلامتك بس فكر بلموضوع اريد اشوف جهالك قبل ما اموت وباس ابنيي بأيدي وطلع الحمد الله مامقصر وياي وراضيني بس بسالفة الزواج قافل مدري ليش مايقبل اكيد ابني معگود شو خل اخابر ام عباس
الووو شونج ام عباس موجودة اليوم بلبيت
اي جا خوش راح اجيج ...
حسام..اسم الله عليج يمه يومي قبل يومج انطيني ايدج ابوسها
بست ايد امي وطلعت وهسة اعرفكم بنفسي
اسمي حسام ضابط و عمري 30 سنة طولي 180 معضل بشرتي حنطية شالع گلب امي تريدني ازوج واني ما اريد اريد عن حب وبنية مواصفات خاصة واقتنع يالله ازوجها وكذالك خايف اجرب الحب مرة ثانية وانصدم اووووف صدمة حياتي. بحبي الاول
طلعت لدوامي مثل كل يوم رحت لسيارتي
لگيت ع الماسحة ورقة مكتوب بيها(هاي ايامك الاخيرة دير بالك ع نفسك) اخذت الورقة ورحت لنو محد يموت قبل يومة واذا الله راد هل الشي الحمد الله بس بقيت افكر منو هذا وليش هل التهديد شنو سويت اعيد ذكرياتي يمكن اني مأذي شخص وناسي لا ما اعتقد مامسوي شي
امشي بلطريق ورايح للمركز واكو تقاطع للسيارات وگفت انتظر الاشارة اكو مگدية دائما الصبح اشوفها بهذا التقاطع تگدي واني انطيها المقسوم اذا اجتني
اليوم خطية راحت لسيارة كدامي واگفة مدت ايدها تطلب جان واحد بلسيارة وياه بنية ما اعرف زوجته اخته حبيبته الله اعلم
بس جان يتعارك وياها وهي المگدية بهل الاثناء اجته وطلبت منه هو الولد تفل عليها وضربها بوكس بصدرها الا ان وگعت بلكاع واتأذت خطية
ب ايدها لنو اكو زجاج بلكاع شفت الموقف گدامي ما اتحملت نزلت اله وسحبته من الجامة ودك ع راسة واجو شباب هم وياي يعيطون ع الولد وبعدوني عنة هو ماحجة شي لنو شافني عسكري
اشتعلت الاشارة السيارات اكو من راح واكو من طبگ صفحة عرضو المساعده ع المگدية ياخذوهاا للمستشفى واني هم كذالك طبگت وياهم
رحت للمگدية كسرت خاطري اكو رجال كبير بلعمر وكذالك كم شاب ومريه عدها كلنكس وتنظف جرحها كتلها اخذت للمستشفى اذا الجرح عميق مقبلت
گلت خل انطيها فد مبلغ تمشيها نفسها بي كم يوم لنو اتاذب واهم ترتاح من التعب والوگفة وكذالك صدقة لروحي ما اعرف منين اجتني هل المشكلة والتهديد
طلعت فلوس 100 الف وكتلها هذا الج وبعد كم يوم لاتجين لهنا ارتاحي
وهماتين الشباب انطوها والرجال الكبير وزوجتة رحت للدوام وبقه يمها الرجال الكبير وزوجتة
لعنت السياسين لنو خلو الشعب هيج بهاي الحالة لو موفرين الفرص العمل والعيشة الكريمة للمواطن جان ما صار بهل البنية شي جان عاشت عيشة كريمة هي صح مبوشاية بس شكلها جسمها. وصوتها بعدها بنية
وصلت للدوام حجيت لصديقي الموقف
هم فار دمه واتمنينة الولد الي ضربتة يشتكي علية جان سجنتة واگلب الدنيا ع راسة صح موتتة تموت براسة وبوجها بس گلبي مابرد ابد اريد ابرد گلبي لك زباله تطلع حركتك بهل المسكينة هي شنو ذنبها اشو الي بصفك هي الي اتعاركت وياك
انتهى ...
هلاو حبايب قصة كولش حلوة بس تحتاج تفاعل شوية حتى اكملها 💜
