#النظرة_الاولى2
#طيبة_الربيعي
**الجزء الثاني .. البارت الواحد والعشرون**
اي سحگة غلسو
>>>>>>>>>>>>>>
جزء ثاني (21)
بسمة... بعد ما طلعنة الطريق كلة فونة يدگ كلسع واحد متصل بي.. حچة وية الف واحد وكلهم اصدقائة.. واحد يتحمد لأخو بالسلامة وواحد يباركلة وناس جاية عليه لهناك للبيت..
حتى من يحچي شايف نفسة عبالك مدري منو ابن الوزير هم مو هيچ..
وصلنة للبيت داريد انزل گلي
رزاق: گبل ادخلين جوة ماريد اشوفچ معتبة باب المطبخ البيت متروس زلم
باوعتلة معاجبني: اعرف ماكو داعي توصي
رزاق: گولي اي وسكتي لا تماطلين بالحچي
بسمة: شگد مكروه
رزاق بعصبية: لا تعيدين هاي الحچاية احترمي شوية
بسمة: اي شنو اكرهك قابل اكذب عليك'طيبة_الربيعي'
درت وجهي: سوري ماحب اجامل
رزاق: دنعل اليوم الشفتچ بي انة الچ يصير خير
بسمة بصوت ناصي: مكروه
رزاق: وياامن الغييي
بسمة: اييي شبييك
رزاق: نززلي بلة لغوة زاايدة
نزلت وسديت الباب على كيف بس هو يدور مشاكل
رزاق: مرة ثانية سدي عدل لا اطبگة علة صبعچ
بسمة: انتة حاب تضوجني واني مزاجي رايق لتحاول
خليتة يضوج ويحچي بينة وبين نفسة مدري شيحچي علية.. بس اسمعة يگول صلفة انة الچ وانة الچ.. ميتة عليك هسه اني شلزگت..
دخلنة للبيت اسمع اصوات عالية مال رياجيل.. انطاني الجنط وگلي فوتيهن وياچ.. اخذتهن وفتت.. سلمت شافتني شاهيناز استقبلتني وبعدها اجتي بيداء بوستني وبقية البنات.. إلا امل وميساء..
جايتچن بنياتي اصبرلي.. مشوفات اختي الويل ليش مااعرف.. اختي فاهية بس اني غير.. اعلمچن شنو يعني تتقارشن وية بنات اسيل..
بوست الأماية شو هاية لا بوستني ولا شي ولا حتة سلمت.. مبقت يمنة شوية وگامت.. اخذتني شاهيناز للغرفة'طيبة_الربيعي'
شاهيناز: هاا شو جيتوو
بسمة: يمعودة هو خبصني
شاهيناز: يعني شنو
بسمة: شنو يعني شنو
شاهيناز: غير اليوم عرسكم شلون تجون
بسمة: داگولچ هو راد اني شعلية اجبرة نبقة يعني
شاهيناز: لا مو هيچ، المهم هسه الوضع مو شي خلي يروحون الخطار ويصير خير، اكلتي ؟
بسمة: لا والله كلشي مماكلة، ميتة جوع
شاهيناز: شنو حتة اكل موكلچ
بسمة: شنلحگ يمعودة
شاهيناز: بسيطة حبيبتي هسه اجيبلچ لگمة تاكليهة
بسمة: خلي اطلع اساعدچ
شاهيناز: لا خليچ اني عالسريع اسوي واجي
طلعت شاهيناز واني نزعت الحجاب ولبست بجامة.. شلت شعري وطلعت فوني.. اتصلت بماما طمنتهة علية ضاجت شنو رجعنة واليوم عرسي..
ESTÀS LLEGINT
النظرة الأولى
Literatura romànticaحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
