#النظرة_الاولى
#طيبة_الربيعي
___\البارت الثالث والعشرون والأخير🔥\___
وننتقل اعزائي الى البارت الأخير من الجزء الأول للنظرة الأولى
_________________
شاهيناز: الو
ذو الفقار: الو، وين صرتي
شاهيناز: مچنت يم موبيلي خالتة عالشحن بالغرفة
ذو الفقار: شبيچ تحچين من ورة خشمچ
شاهيناز: مابية شي
ذو الفقار: صاير شي
شاهيناز: لا بس مريم ضايجة علة حيدر وحتة اكل مدتاكل منعرف شلون نتصرف وياهة
ذو الفقار: عرفت مسافر
شاهيناز: اي وميرد عليهة، حيدر يموت علة مريم ممصدگة بهل سرعة گلبة مات منهة
ذو الفقار: الله يصلح بينهم، لتضوجين مدام يحبهة تمر فترة وترجع الماي لمجاريهة
شاهيناز: انشاءالله الله يسمع منك
مرن خمس ايام تقريباً حاولنة بأشد الطرق وية مريم وماما شدت وياهة متريدهة هيچ ضعيفة بس ماكو فايدة.. جيلان اخذتهة يمهة علمود يهدأ الوضع بينهة وبين ماما لان صارت متحچي وية ماما مترد عليهة وبس تريد تحبس نفسهة.. بابا حس عليهة گال شبيهة ماما گوة قنعتة انو تعاركت ويانة يعني خوات تعاركنة عادي..
قبل العرس بتلث ايام خابرني ذو الفقار وگال راح اخابر ابوچ علمود اخذچ تشوفين البيت لأن كمل.. بابا وافق فأجة علية واخذني لبغداد.. بس بالأول مرحنة للبيت
شاهيناز: لعد وين نروح
ذو الفقار: بشغلة نسيتهة
شاهيناز: عفية گولي
ابتسم: هسه تعرفين'طيبة_الربيعي'
اخذنة للسوگ لمحل مال ذهب.. تفاجئت لان اني اشتريت ذهب وكلشي جاهز بس البدلات مال حنة والعرس اجرتهن يجن بوكرا.. حچة وية الولد الظاهر صاحبة لان ميانة.. گلة طلعلي الحجولة.. عرفت الحجل الي گلي اجيبة بس نسينة اني وحدي نسيت..
ابتسمت هو باوعلي مبتسم.. الولد طلع الحجولة وخلاهن گبالنة
ذو الفقار: انة هذا عجبني انتي شوفي ياهو اليعجبج
باوعت عليهن يخبلن.. ملابسة حجل بعمري وحياتي.. عجبني واحد نازك وكلش خفيف.. اشرتلة عليه
شاهيناز: هذا
بس مالتة الي اختارة احلة.. دفع الفلوس واخذناهن وطلعنة.. لازم ايدي واني الدنيا مواسعتني احس الجاذبية مدتگدر تجبر گلبي بمحلة
شاهيناز: شكراً حبيبي
ابتسم: العفو يابة
اخذنة عشة لان شوية ويصير المغرب وبيبيتة متدري گال مسويلهة مفاجئة.. وصلنة خطية من شافتني فرحت واتلگتني بمية هلة تسميني الحسنة.. ههههههه اموت عليهة عبالك بيبي والله نفس الاطباع ونفس الطيبة بس بيبي شوية لسان هههههه.. فدوة اروحلهة
YOU ARE READING
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
