#النظرة_الاولى
#طيبة_الربيعي
___\البارت الحادي عشر\___
رد: وتالي يا بنت الحلال شلوووون الة توگعيني بمصيبة
جيلان: على كيفك اخي سلم بالأول، اني اخت شاهيناز مو هية
ذو الفقار: السلام عليكم خيتي اعتذر
جيلان: ماكو داعي اني الاعتذر دازعجك بس حالة اختي متسر لا صديق ولا عدو واعرف السوتة غلط بغلط
بقة ساكت'طيبة_الربيعي'
جيلان: مخابرتك اعاتبك واگولك غلطت من صديتهة بالعكس ثبتت انك فعلاً رجل محترم وحيدر من اختارك صديق مخاب ضنة وعرف شلون يختار، بس السوتة شاهيناز بدافع الحب لا اكثر
ذو الفقار: خيتي حبيش شبسرعة حبتني وين تعرفني حتة تحبني گولي غيرهة
جيلان: اني سألتهة نفس السؤال ووحدهة تسأل نفسهة السؤال نفسة
ذو الفقار: وهاي شلون بالله
جيلان: هية من شافتك اجتي حچتلي وگالت ماعرف ليش مداانساه وليش هيچ اتأثر من اشوف هذا الولد، صدگ شاهي مو من هذا النوع ابد اني وحدي مصدومة بيهة اول مرة تحچيلي وتگولي اني حبيت، حاولت اقنعهة هذا مو حب وهية كذلك حاولت تقنع نفسهة، بس وصل بيهة الحال لا تاكل ولا تشرب وهسه زوجي ديحاول يوكلهة وبالغصب، وديناهة للطبيب گال بيهة فقر دم وربوهة راجع للأسوء، ماعرف شأگولك والله بس من شفت اختي منهارة وبهل حالة مگدرت اسكت ومااخابرك واعرف هل شي غلط
ذو الفقار: خيتي والمطلوب مني شنو
جيلان: ماعرف خابرهة احچي وياهة قنعهة هذا مو حب بس لتجرحهة بالكلام الله يخليك
ذو الفقار: انتي جاي اطلبين مني المستحيل، لو عرف حيدر بالدار بينة راح اطلع خاين العشرة ومو خوش صاحب بنظرة، لاتحطوني بهيچ موقف وياه
جيلان: حقك بكل كلمة گلتهة، بس لو انتة بمكاني وتشوف اخوك لو اختك بهذا الحال شتسوي
سكت'طيبة_الربيعي'
جيلان: بعد براحتك اذا متريد ماضغط عليك بس فكر بالموضوع وخلي ابالك انتة اول شخص يأثر علة اختي لهل درجة، مع السلامة
ذو الفقار: في امان الله
سديتة وگعدت خليت ايدي جوة حنچي وحايرة.. شراح يخلصهة هذا يحچي شروگي يعني من اهل الجنوب والاعرفة عاداتهم ترفض البنت الي تبادر بالحب.. هم الهم حق بس مو حرام اذا البنت حبت وحچت الي بگلبهة..
رجعت للغرفة شفتهة تناشغ وسروان يحچي وياهة يهدي بيهة ويقنعهة
سروان: يلة شاهي حبيبتي عيوني انتي يلة
شاهيناز: ماريد اريد ارجع لبيتنة
رحت گعدت بصفهة: هذا بيتج شاهي ليش تحچين هيچ
شاهيناز: اريد ارجع جيلان اريد امي
وتبچي.. متت قهر باوعت لسروان حاير
سروان: باچر اجيبلچياهة هنا وشوفيهة، شاهي لتسوين هيچ ابوية انتي فكري بأبوچ اذا شافچ منهارة هيچ شيصير بي والله ينقهر
BẠN ĐANG ĐỌC
النظرة الأولى
Lãng mạnحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
