#النظرة_الاولى
#طيبة_الربيعي
___\البارت الخامس\___
ضحكت: هيچ يعجبني اضوجچ
محچت شي دنگت تاكل وساكتة
حطيت ايدي جوة حنچي وانتجيت عالكرسي اباوعلهة حتة بأكلهة هادئة
حيدر: وتالي؟
رفعت راسهة بتساؤل: ها
حيدر: داگلچ وتالي
مريم: وتالي شنو
حيدر: اكلي اكلي
مريم: لعد كافي تقاطعني
حيدر: مال اعوفچ واطلع اخليچ انتي ادفعين
مريم: عادي عندي فلوس
حيدر: هاا
مريم: روح يلة
گمت: خوش
ماسويهة بس ردت اتأكد اريد اكسر خشمهة اليابس.. مشيت خطوتين تلاثة صاحت وراية بصوت مخنوگ
مريم: حيييدر'طيبة_الربيعي'
درت عليهة الضحكة حاصرتني: ها
مريم: تعاال وين عايفني
حيدر: مو عندچ فلوس؟
مريم: شگد حقير
حيدر: دروحي لعد
مشيت اريد اروح شو هاي مصاحت وراية.. وصلت للباب التفتت وباوعتلهة لگيت الدمعة بعينهة غطت وجههة بسرعة يمكن بچت.. خرب حظي هاي هلگد حساسة!!!!
رجعتلهة عالسريع دنگت عليهة وخرت ايدهة
حيدر: ولچ اشاقيچ خرب حظي ماااروح صدگ تبچين
وجههة صاير طماطة: طلعتة سم علية يلة روح هسه اخابر بابا
حيدر: اشاقة يمعودة شنو فلمچ بس تعوين
العالم انتبهت
رجعت لمكاني: اسف طلعتي مو مال شقة بسرعة تصدگين شبيچ
گامت: اخر مرة اطلع وياك يلة رجعني شلعت گلبي
حيدر: ولچ هو اني الگلبي مشلوع، انتظري هنا هسه جاي
بسرعة صاحت: وين عاايفني
حيدر: رحمة لاهلچ كافي وين اعوفچ، هياتني بس ادددفع
مريم: يلة بسرعة
رحت دفعت واخذتلهة وللبنات لفات خاف يزعلن.. وادري بشاهي راح اطنگر وتعلسني اليوم..'طيبة_الربيعي'
رجعتلهة شلون واگفة چنهة عارضة ازياء ااااخ شلون جسم.. كون الززززمة.. ههههه.. رجعنة للبيت طفيت السيارة
حيدر: العفو
باوعتلي صفح فتحت الباب ونزلت.. نزلت وراهة طبينة لگيت شاهي منتظرة بالحوش.. يا ستار استر
شاهيناز: وين چنتو حضرتكم! خليتوني امتمت گدامهم!!!
مريم باوعتلي: چان اخذتهة هية للمطعم، ليش تاخذني اني
ودارت وجههة وفاتت.. هناا الحچي.. عرفت هاي تغار من شاهي شنو القصة هسه ياريت غريبة وتغار منهة غير اختهة
حيدر: يمعودة شلعت گلبي
شاهيناز: انچب تف عليك
جريت گصيبتهة: لچ عليمن هاي الوصخة
شاهيناز: اااي وخر والله لأگول العمو واخلي يكتلك بالصوندة
ضحكت: دكلي تبن خابصتنة بعمچ چنة طير مهلس، مابي حيل يشيل نفسة
دفعتني: بسيطة الة اگلة
YOU ARE READING
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
