النظرة الأولى

16

#النظرة_الاولى
#طيبة_الربيعي
___\البارت السادس عشر\___

صباح الخيرات عليكم جميعاً🌅❣️
_____________________

بقيت گاعدة مگدرت انام وكلسع اچيك موبيلي عسى ولعل رسالة منة تبرد گلبي.. بس ماكو.. الكل نايمين والبيت سنطة.. لوجه الفجر غفيت غصب عني من التعب والارهاق بسبب البچي البچيتة حتة راسي گام علية..

صحيت الظهر گبل فتحت الموبيل ماكو اي شي.. شلون يا ربي شسوي هسه.. باوعت بسمة ومريم نايمات يمي يعني ماگدر اخابر.. وخارج الغرفة اكيد كلهم گاعدين لان داسمع اصواتهم.. گمت شلت شعري واخذت فوني وطلعت.. غسلت وصبحت عليهم

ام شاهيناز: يلة تعاي تريگي'طيبة_الربيعي'

گعدت يم ماما عالسفرة ماعندي شهية للاكل بس هيچ گعدت

ام شاهيناز: شبيچ ماما وجهچ اصفر

مسحت وجهي بيدهة

شاهيناز: تعبانة من البارحة
ام شاهيناز: اي والله تعب هلكنة هلك والبيت يرادلة تنضيف اليوم ساعدو البنات لتخلوهن وحدهم
هزيت براسي: انشاءالله

اكلت لگمتين وگمت.. رحت لبنت خالو گتلهة اريد اي غرفة بس احچي بالفون هوسة هنا.. گالت روحي لغرفتنة.. شكرتهة وصعدت.. ماكو احد بيهة.. سديت الباب واتصلت عليه.. دگ يعني شاف رسائلي.. بس مديجاوب

دزيتلة

(ليش تحب تأذيني تعرف كلش زين مو متقصدة واني لو ماسمع كلامك مااخذ رأيك باللبس، والله لو ما استحيت من جيلان مانطي والبسة، بس نفس الشي شبي البنفسجي غير افتهم ليش تخليني اتگلب عالنار، جاوب الله يخليك)

ماكو انتظرت للعصر وماكو.. نفسيتي ادمرت اتصل وميرد.. ايست وشمرت الموبيل ميحبني ليش اوهم نفسي.. مراح يحبني اصلاً..

افكاري صارت متناقضة ساعة اگول لو مگام يحبني ميغار ويعصب والساعة لتتبعهة ابچي واگول ميحبني ويريدهة حجة حتة يتركني..

بعد مدزيت.. حالتي سائت همزين الربو مالتي ديخف عالعلاج بس حالتي النفسية الي صار يلزمهة علاج بس وين الگاه..'طيبة_الربيعي'

دوائي عند ذلك الذي اصابني بالداء
فلا هو يشفق ولا دائي يتقبل دَواءً من احداً سِواه

العطلة بعدلهة اسبوع وتنتهي ولازم نرجع علمود بسمة عندهة دوام.. حضرنة غراضنة وباچر نرجع.. مدزيتلة اعرف مراح يرد.. محچيت لجيلان مابية حيل لوم.. رجعنة لاربيل ورجعت لشغلي بس مو مثل قبل احس بخمول ومالي نفس اتقبل كلام احد..