النظرة الأولى

بارت 20 (الجزء الثاني)

#النظرة_الاولى2
#طيبة_الربيعي
**الجزء الثاني .. البارت العشرون🔥🔥🔥**

هلووو مشتاقتلكم متابعيني الكرام😘😘
واعذروني عالتقصير عطلتي اليوم يلة بدت
قرائة ممتعة😍
>>>>>>>>>>>>>>
جزء ثاني (20)

رفعت الكبوس من وجهي واباوع منا ومنا اشوف الرياجيل ملتمين مداگدر اشوف احد من ولدنة.. متت خوف ياربي كلشي ولا احد يموت بهذا اليوم الي المفروض اجمل يوم بحياتي..'طيبة_الربيعي'

اجة مؤيد ابن عمهم

بسمة بخوف: شصار عفية منو تصوب
مؤيد: راح اوصلچ انة للفندق بس اصبري اجيب وحدة من البنات وياچ

وتركني وراح.. چان مخبوص يمكن حتى سؤالي مسمعة.. اجة وياه شاهيناز صعدت بصفي وهو صعد يسوق

چانت مرعوبة اكثر مني

بسمة: شكووو موو تصوووب
شاهيناز: ماادري مادري، مشفت مخلوني اشوف
بسمة بخوف: خاف رزاق
شاهيناز: فاال الله ولا فالچ لتفاولين عليه
بسمة: لعد منووو
شاهيناز: مندري ادعي من الله مو واحد من ولدنة ولا تكون الضربة مميتة، مؤيد متعرف منو تصوب
مؤيد: لا خوية انة ذو الفقار ماطاني مجال اشوف ولا احچي گلي اخذ العروس وودي وياهة وحدة من البنات تبقة وياهة بالفندق
شاهيناز: الله يستر الله يجيرنة من الموت بهيچ يوم

وبقت تهدي بية واني مسكارتي سالت ابچي خايفة لا رزاق.. گلبي صار نار عليه لان هو طلع وية اخوتة وجماعتة هم يضرب طلق..'طيبة_الربيعي'

لو مو هو چان اجاني هو اخذني.. ياربي معجزة يطلع مو هو.. اموت والنبي..

السيارات ورانة وصلنة للفندق نزلتني شاهيناز وادور اجني ماما ومريم وعمتة لرزاق وهم ميتة خوف على ولد اخوهة..

محد يعرف منو على حظي الأغبر.. والزلم اغلبهم اختفو ماهمة وابوية من ضمنهم..

دخلنة للهوتيل ودوني لغرفتي ووياية البنات وامي وعمتة.. جيلان اجتي بعدين هية وجهالهة وية سروان..

گعدت عالسرير افرك بيدية خايفة من هل يوم المشؤوم هذا.. انتسرت الغرفة دخلو بعد نسوان.. زوجات اخوتة وامة وماعرف منو بعد..

واحد يحچي بحلگ الثاني وكلشي مفتهمت حرام.. امة وجههة ميتفسر الخوف واضح وضوح الشمس عليهة.. وتصيح خابرلي اي واحد ولچن شوفلي ولدي شبيييهم

امل: مايجاوبون يمة اتصل بيهم محد يرد
ام امل: شوفي خالچ خاابري بسرعة
امل: هم مايجاوب
ميساء: شلون يوم مشؤوم، فگرر