#النظرة_الاولى
#طيبة_الربيعي
___\البارت الثاني والعشرون🔥🔥\___
صباح الخير❣️🌝
تأخرت باخر بارتين لان ماريد استعجل مثل كل مرة
اريد انطي للنهاية حقهة
قرائة ممتعة يا راقين
شكراً على كلامكم الجميل مثلكم😘
_________________
شاهيناز: شنوو ليش هيچ سوت مو هية العافتك
ذو الفقار: ختولي انعل ابوهة لابو، تندمت وعبالهة من يضغطون علية ارجعهة
شاهيناز: وهسه شنو حترجعهة
ذو الفقار: شبيچ انتي شأرجعهة انة ماصدگ طلعت الحچاية منهة، اخوتهة ال**** اليوم جونة يصيحون ويتوعدون. خوش رد عليهم ابوي ماخلاني احچي گاللهم بتكم هية الرادت تفسخ الخطوبة واحنة احترمنة رأيهة ولبينة طلبهة وعسى مايزوج اربعة بعد مالهة شغل لا تتبلة علة ولد العالم
شاهيناز: يا الله هاي شبيهة شنو لزگة
ذو الفقار: والله لو ما والدهة صاحب ابوي من زمان اروح اترس حياطينهم طلق
شاهيناز بخوف: لا ذو الفقار لتنزل لمستواهم عوفهم الكلاب تنبح والقافلة تسير
ذو الفقار: الله كريم'طيبة_الربيعي'
شاهيناز: ميخالف حبيبي مدام عمو الله يحفظة موجود ورد عليهم ليضل بالك
ذو الفقار: مالي غرض بيهم خل يجاوزون لو يتعدون حدودهم انة اعرف شسوي اگص روسهم واحد واحد ومالي غرض لا بعشيرة ولا قانون
يبوو من يعصب لسانة يتبرة منة وعندة استعداد يسوي كلشي حتة يبرد گلبة.. بس من يهدأ لا
شاهيناز: يلة حبيبي الله كريم كلشي الة حل، شوكت تجيني مشتاقتلك
ذو الفقار: باچر انشاءالله، اخذ الاذن من ابوچ اذا يرضة اخذچ لبغداد
شاهيناز: ليش
ذو الفقار: نختار اثاث البيت غير
ابتسمت: ماشي فلفولايتي
ذو الفقار: ههه
شاهيناز: اگولك
ذو الفقار: بس لحظة
شاهيناز: ماشي
سمعتة يصيح علة اختة گاللهة حضريلي النرگيلة وجيبيلياهة للحديقة
ذو الفقار: ها احچي
شاهيناز: جاي علة بالي نروح لمصر
ذو الفقار: ليش
شاهيناز: اريد اشوف الاهرامات بنفسي، الله عليك خلي نروح
ذو الفقار: شعدنة بمصر بابا شتستفادين من تشوفيهن
شاهيناز: علة فكرة انتي مخرب للمتعة
ذو الفقار: ههههه غير صريح وياچ چا اچذب عليچ واجاملچ
شاهيناز: خلي شهر العسل هناك
ذو الفقار: الله كريم
شاهيناز: اريد اروح
ذو الفقار: الله كريم گتلچ خل يصير العرس وتمرئ علة خير ادعي ماتطلعلنة سالفة صفح
شاهيناز: انشاءالله متطلع
ذو الفقار: خل نقرب موعد الزواج شنو اربع خمسة اشهر ابوچ يگلي لخاطر تتعرفون علة بعض اكثر، مايدري اعرفچ وتعرفيني من زمان
شاهيناز: ميخالف شنسوي لعد
ذو الفقار: باچر احاچي شهر كافي اصلاً، ماريد تطلعلي سالفة صفح وتهدم كلشي'طيبة_الربيعي'
شاهيناز: لا ماكو شي انشاءالله، احچي وياه وشوف اني ماعندي مانع
ذو الفقار: الله كريم
YOU ARE READING
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
