Falling for Mr. Bouncer - Published!

Chapter 2

CHAPTER 2

HUMIHINGAL si Gilen nang makarating sa main road. Agad siyang pumara ng taxi at nagpahatid sa inuukupa niyang apartment. Tumingin siya sa labas ng bintana ng taxi. Hindi ito dapat magtuloy-tuloy. Nasisira ang tahimik kong buhay dahil na naman sa taong ‘yon. Kailan ba niya ako tatantanan? Bakit ngayon pa kung kailan masaya na ako at maayos na ang buhay ko?

Kapag nagpatuloy pa ang paghabol ni Jaime sa kanya, siguradong mapapahamak ang mga kaibigan niya. Alam niya ang likaw ng bituka ni Jaime. Natatakot siya para sa mga kaibigan niya na tinanggap at minahal siya.

Mariin niyang ipinikit ang mga mata. Mula nang makaalis siya sa poder ni Jaime, naging maganda na ang buhay niya. Nakilala niya ang dalawa niyang matalik na kaibigan, si Clover at Marj, walang alam ang dalawa sa nakaraan niya. Ayaw niyang malaman nang mga ito kung ano siya noon. Nagbago na siya at iyon ang mahalaga. Naiinggit siya sa mga kaibigan niya dahil may pamilya ang mga ito na matatakbuhan. May pamilya nga siya pero ito pa ang gustong sumira sa buhay niya.

Nang tumigil ang taxi sa harap ng apartment niya, binayaran niya ang driver at lumabas ng taxi. Nagmamadali siyang pumasok sa apartment niya at tinungo ang kinaroroonan ng telepono.

Gilen dialed his number. Itong taong ito lang ang makakatulong sa kanya sa problema niya. After two rings, he picked up.

“Yes, who’s this?” Tanong ng nasa kabilang linya.

“This is Gilen.”

Ilang minuto itong walang imik. “For you to call me after five years of being silent, I assumed you have a problem.”

She bit her lower lip. “Yes. Jaime Ramirez is going after me. Akala ko ba pagkatapos nang ginawa ko, makukulong silang dalawa ng kapatid niya. Pero isa lang ang ikinulong ninyo. Kung alam ko lang na mangyayari ito, sana—”

“Gilen, calm down. I already sent my men to protect you.” Sansala nito sa iba pa niyang sasabihin. “At si Julio Ramirez lang ang naipakulong namin dahil sa kanya nakaturo lahat ng ebidensiya at hindi kay Jaime.”

“Bullcrap!” Hindi niya napigilang sigaw. “Si Jaime ang diniin ko, bakit si Julio ang nakulong? Sabi mo magbagong buhay ako at ipaubaya ko na sayo ang lahat. Ipinaubaya ko ang lahat sayo, pero hindi mo pala nagawa ng tama. Ngayon, ano na ang gagawin ko? Hindi lang ang buhay ko ang nanganganib kung hindi pati ang mga kaibigan ko.”

“I’m sorry. Ginawa namin ang lahat pero mautak talaga si Jaime. I already sent my men to protect you, Gilen—”

“I don’t need your men to protect. You know that I can protect myself. Ang mga kaibigan ko ang protektahan mo.” Ibinaba niya ang telepono at nagmamadaling pumunta sa kuwarto niya.

Nanghihinang umupo siya sa ibabaw ng kama. Ang dami niyang katanungan na hindi niya kayang sagutin. Kung si Julio lang ang nakulong at nakalaya si Jaime, bakit ngayon palang siya pinahabol ni Jaime? It’s been five years. Bakit ngayon lang?

Nahiga siya sa kama at ipinikit ang mga mata. Hanggang sa pagtulog dala niya ang katanungang iyon. Bakit ngayon lang? Bakit? Ano ang binabalak ng lalaking ‘yon?

HINDI pa nagdidilim ang kalangitan, nasa labas na ng Bachelor’s Bar si Gilen. Pagkapasok niya sa Bar, agad siyang hinarang ng isang lalaki. Ang lalaking nakabongguan niya sa rest room.

She smiled cheekily. “Uy, diba ikaw yong lalaki doon sa rest room?”

He grimaced. “O, e ano naman ngayon?”

“Summa cum laude ka ba nuong collage ka? Alam mo kasi ang mga republic chorva na ‘yon.”

He sighed. “Hindi kailangan ng isang tao na maging summa cum laude para malaman ang mga bagay na ‘yon.”