Baazi Ishq Di [𝕮𝖔𝖒𝖕𝖑𝖊𝖙𝖊𝖉]

Chapter 3| Rivayaat

"O tussi kin'ni daer laani a aithey?" Aurangzeb Sahb subah se intizaam mei masroof thai. Haveli k wasseeh o areez baagh mein kharey mulaazmeen ko hidayat de rahey thai.

"Baba bass karein kyoun itni tension le rahey hain. ek function hi to hai !" Safoorah ki awaaz thi. woh kaafi dair se inkay peechey khari kuch soch rahi thi.

"Puttar jee yeh humari fassal ka itna eham tehwaar hai. Aisey kese na tension lun. Sarey karobaari mehmaan arhey!"
Unka andaaz hashash bashaash tha.

"Baba ek baat karni hai." Safoorah baghaur unka chehra parh rahi thi.

"Pehle e pata sii mennu! Dasso ?"
Apni beti k chehrey ki uljhaney woh bhi saaf samjh sktey thai.

"Baba actually mein... woh darasal... "
Boltey boltey achanak zehan se ek awaaz sunai di ussey.

"Kese baat karein gi fia? Apko pata hai barrey abu iss mamley mein nai sunney gain. Pehle e itni mushkil se ijazat di thi aur yeh to bilkul hi risk hai."

"Puttar kia baat hai sb theik hai na?"
Apne baba ki awaaz pr usne ek gehri saans li.

"Baba mein aur Zaira baahir parhne jana chahtey hain!"

"To yeh to achi baat ay betaa jee.. dil lga k parho !"
Woh waqqi khush huey thai.

" America mein !"
Agley lamhey Aurangzeb k chehrey pe sannata chaa gya.

"Baba please. Ek baar meri baat sun lein araam se phir koi faisla lijye ga please.... "

Safoorah agey barhi hi thi k unho ne hath k isharey se ussey roka. unk chehrey pr halki si sakhti darr ayi thi.

"aap ne zidd ki Zaira aur apni parhaai shehar mei krni hai mei ne kuch nai kaha kyoun k mein apni betiyo ko zamaaney k sath khara dekhna chahta tha lekin iska hr ghiz yeh mtlb nai tha k aap pardes parhne chali jayein. Apne chotey abbu k waqiye se naseehat leni chahiye apko!"

Iss waqt woh waqqi Jageerdaar maloom ho rahey thai.

"Baba yeh baat ap keh rahey hain? Ap hi to kaha krtey thai isme kisi ki ghalti nai yeh unki kismat thi. har larki choti ami jesi nai hoti, mein to apki beti hun apko bharosa nai hai mujh pe?"
Safoorah ko jese wjah sun k dhachka lga tha. aur kuch bhi ho usne iss wjah ki tawaqau nai ki thi.

"Safoora Baisaakhi k baad kuch log apko dekhne arhey hain. Mera khyaal hai apna dehaan us trf lgayein!"

unho ne sanjeedgi se baat khatam krni chahi thi.

"Baba yeh ghalat hai. Ap to km az km uss soch k malik na bney phir ap kehtey hain mujhe apni riwayato se chir kyoun hai. "

Safoorah agr thaan le to phir akhri had tk koshish kr k guzarti hai.

"Zairaaaa! " Aurangzeb ne ahista se awaaz di.

"G barrey abba!"
Woh jantey thai Zaira Safoora ko akela nai chorti. Kisi darwazey k peechey se nikley gi aur woh sai bhi thai.