قلوب على وشك الانكسار (خذلان)

بارت 36

باوعتلهه
تسولف وعينهه ع الطريق
بس احسهه موجوعه ومجروحه

رنس:اسفه ذكرتج

نصت راسهه وابتسمت

طيف:اني مناسيه اساسا اتعجب من بشر حطمني وحطم كولشي بيه وراااح ولا سأل ولا يحاول ولو لمره وحده يفكر بيه ومازال يتواصل وي رامي هه انتقم مني بسبب اخويه بس بعده يتواصل ويا والمشكله مااكدر احجي شي مجتمع مايرحم واني اعترف غبائي وكعني بالهاويه
رنس:طيف خلص انسي
طيف:لا يارنس النسيان مو سهل هسه انتي تكدرين تنسين الماضي وتعيشين حياتج شلون انسه وذكرياته تاكل وتشرب وياي

اباوعلهه انخطف لونهه
وكفتني يم صيدليه

طيف:خلصت علاج بس خلي اشتري

كسرت كلبي
دخلنه للصيدليه
واشترت العلاج وطلعنه
فتحت الحب
وبلعت وحده
اباوع بطل المي يهتز بيدهه
قهرتني حيل
ابتسمت

طيف:صرت عجوزه اهمداني ههه حالي حال الكبار التعبانين اوف ربي ارحمني

رغم صغيره
بس شايله هموم هواي
صعدنه للسياره
ورجعت للبيت
وطيف وصلتهه بدربي
...
طيف

مرت ايام
واني مازلت عايشه
مخلصه حياتي دراسه بدراسه
بس بعدني متعبه
واحساس خيبه لايزول
طلعت وي رنس
وفرغت همومي
احس عايشه بكبت
ومااكدر اتكلم
حتى الامي مااكول
تقهرني من اشوف الدمعه بطارف عينهه
لذلك مااريد اقهرهه اكثر
اتعامل وي الكل بصوره طبيعيه
اتشاقى واضحك
بس وجع بداخلي جبيير
اليوم كعدت الصبح
احس بروحي دايخه وممتوازنه
راح موعد الدكتور واني ساكته
ماذكرتهم
مااريد اروح ع احمد واعالج يمه
خصوصا بعد مارفضته
صرت اخجل من موقفي
لبست تنوره طويله لون بيج
وقميص نيلي
وبوليرا حلوه ومرتبه لون بيج
وشال وحداء كعب وجنطه
نسقت هواي
خليت عطر
وميك اب خفيف
وطلعت للجامعه
نص الطلاب اللي وياي كبار
قسم منهم ترك الوظيفه
ورجع يكمل ماستر
وصلت لهناك
شفت صديقتي ضحى تنتظرني
صندوق اسراري
وتعرف بمرضي واكو شخص اذاني
بس متعرف ان هو مراد
شفتهه متلهفه
يبوو مختار الكليه
كل الاخبار يمهه

ضحى:ولج طيووووف خبر نااار
طيف:شكو
ضحى:اليوم داوم دكتور جامعي يخبل اووف بشده
طيف:اي وشنو يعني
ضحى:ولج يكولون كان هنا بس اني مااعرفه لأن كنت ذيج السنه ببغداد بس هسه شلون اريد اشوفه عفيه
طيف:اووو ضحى بطلي الزحف عيب وامشي ترا دايخه خلي ندخل للمحاظره
ضحى:امشي
طيف:اكلج جيبيلي عصير ابو البرتقاال الله عاجبني
ضحى:اي بهالبرد امشي ولج
طيف:يلا عفيه
ضحى:والسكر
طيف:اهوو رجعتي تذكريني بعجزي
ضحى:اسفه اسفه يلا راح اجيبلج

جابتلي عصير وشربنه سوه
دخلت للمحاظره
والدوخه زادت
خرب ارتفع السكر اكيد
كملت المحاظره بالكوه
وطلعنه واني لازمه راسي

طيف:ضحاوي عفيه جيبيلي مي شو السكر يمكن ارتفع
ضحى:نعل ساعتج السوده شكد تتزقنبين اكعدي ع المسطبه ولتتحركين جايه اووك

هزيت راسي
راحت تشتري مي وهي تدردم
وكفت
احس الكعده تأذيني
صرت امشي بطئ
اوه ياربي
مدااتحمل والله
رفعت نظري وباوعت ع الطلاب
كلهم يضحكون ومرتاحين
الا انتي ياطيف
لحظه!!
اشبه بالحلم
وكعت عيني ع شخص واكف
وكان موجه نظره نحوي
نظراته شوق وتأمل
وبعيونه هووواي كلام
مكدرت اتعرف عليه
بس احس روحي اعرفه
تقربت شوي
بين الدوخه
بين الواقع والماضي
بين الخيال والالم
عرفتةةةةةة!!
وياريت ماعرفته بيوم
...
اليوم كعدت اشوف تعليقاتكم لماما
وانتو كاعدين وتشكون
خاله وخاله
شبيكم وياي😕
ترا اني زينه وياكم
بس انتو متقدرون النعمه😒
هذا بارت بطلب ماما
وبعد من يجي بعقلي انزل
ترا اني صح عسل ☺
بس احب العب ع اعصاب عسولاتي 😀
تماما
مثل تصرفات رنس امام قائد
هههههه احمدو بماما
بس بعد متفيدكم
اعتمدو ع الله
وع حب الوطن😂
..
انتظرووووونا
ولتنسون التصويت