حيرة قلب

انتهت الحكاية

كانت فى غرفتها تحضر نفسها لكتب الكتاب و لاول مره بمفردها من دون نور او شرى كانت دموعها تتساقط على وجنتيها وهنا دق الباب وكان يوسف دلف وهو فى حاله ملم  تختلف عن حالتها ولكنه حاول التماسك أمامها 

- (هتف بنبره هادئه جاهد على اخراجها ) جاهزة

=(هتفت من بيندموعها ) لا

- (اردف متجاهلا كلمتهاتلك ) كلهم سبقونا على هناك وانا اللى هاخدك اوصلك

- (اردفت وهى تنظر أليه بتوسل لعله يتراجع عن قراره ذاك ) هتخدنى تسلمنى لواحد غيرك هعيش انا وواحد تحت سقف بيت واحد و اوضه واحده عارف يعنى ايه دا... يعنى لو حصل اى حاجه بينا انا مراته من حقه دا ووقتها مش همنعه علفكره 

(امسك زراعيها بقوة ) / هيكون اخر يوم فى عمرك وعمره انتى فاهمه ولا لا =

-(وهى تحاول التملص من قبضته ) / ياريتك تعملها دلوقتى ويكون النهارده اخر يوم فى عمرى ولا انى اتجوز من غيرك

= انا عايزك تثقى فيا اوعدك كلها بعد عمليته والدته آدم علطول انا اللى هاجى واخدك بنفسى

- يوسف انا مش هقدر صدقنى... تعالى نروح نعترف لبابا ولكل الناس على الحقيقه ونتجوز وآدم هيحل امورة مع نور احنا مش منضطرين نعمل كدة ...دا اخر فرصه قبل ما كل حاجه تنتهى بينا

-(اردف بأصرار ) يلا علشان منتاخرش(تحرك عدة خطوات لتكمل)

=(هتفت بغضب )تمام وانت ضيعت الفرصه الاخيره دى  من  هنا ورايح انسانى وانسى ان فى واحدة اسمها شاهى كانت بتحبك لانى من هنا ورايح هتعامل معاك على انك ابن عمى وبس وهنساك يايوسف صدقنى حاول انساك


انهت جملتها تلك وسبقته للسياره ليلحق بها كان كلا منهما يتمنى ان يضلوا الطريق  لى لا يصلوا للقاعه ولكن على العكس شعرا بان الطريق اصبح قصيرا  وصلوا الى مكان وجود العائله واستقبلهم آدم

يوسف / انا دلوقتى بسلمك اكتر انسانه حبيتها فى حياتى خد بالك منها

آدم / اطمن ي يوسف هصون امانتك و اوعدك كلها اسبوع وكل حاجه هترجع زى الاول واحسن(ثم اكمل موجها حديثه ل شاهى ) يلا 

(تحركت معه كأنها منومه مغناطيسيا لم تتفوه بكلمه او تبدى اى رده فعل كانت تتحرك فقط )

الاب فى تلك اللحظه / يلا ي جماعه الماذون مستعجل

شاهى قالت ل يوسف بصوت لايسمعه سواه / عمرى ما هسامحك على اللى عملتك دى

جلسوا بجوار المأذون ))

"لدرجه دى هونت عليك ي يوسف تسلمنى بنفسك لواحد غيرك يااااه على قد ما حبيتك على قد ما وجعتنى بحبك دا و نور كمان مكنتش اتوقع منها كل دا صحيح الجرح مبيجيش غير من اقرب الناس ليك بس خلاص انا هاخد قرارى بنفسى مش هسمع كلام حد تانى ولا حتى انت ي يوسف "

المأذون / قول ي ابنى وانا قلبت زواجها

آدم / وانا قبلت زواجها

(نظرت الى حيث يقف يوسف ولكنها لم تجده كان قد غادر المكان باكمله لم يتسطيع ان يتنظر اكثر من ذلك وهو يراها تتزوج من غيره فقرر الرحيل وتمت مراسم الزواج على خير وتوجهت مع آدم الى منزله)

**************************************

توجه يوسف الى منزله وجلس فى حديقه المنزل واتى سليم وجلس بجواره

سليم / ليه عملت كده ي يوسف

يوسف / عملت ايه

-انا فرحت لما قولتلى ان هى كمان بتحبك واتفقتوا تنهوا كل شئ ومستنى منك اتصال تعرفنى معاد جوازكوا تقوم تتصل عليا علشان تقولى على جوازها هى وآدم ايه الجديد اللى حصل

=(هتف ببرود مصطنع ) عادى حسيت انى بدبس فقولت اخلع قبل ما الموضوع يدخل فى الجد  وجواز والليله دى كلها وانا مش بتاع جواز ...وآدم انسان كويس ويستاهلها

- مش مصدقك حا ان فى سبب تانى وسبب اقوى كمان يوسف اللى كان بيعمل المستحيل عشان يوصل لحب عمره لايمكن يتنازل عشان الهبل اللى بتقوله دا
ممكن تخرج  انا مفياش دماغ للكلام ...لو سمحت ياسليم روح وسيبنى فى حالى =
(نظر أليه سليم واراد ان يكمل ولكن يوسف قاطعه)هتخرج ولا اخرج انا واسيبلكم الدنيا دى كلها باللى فيها وامشى
-خلاص خلاص حاضر هخرج ...بس وقت ما تحب تتكلم انا موجود ومستعد اسمعك(اومأ لها ليخرج الاخر ويتركه بمفرده )
***********************************
كانت نور جالسه فى غرفتها ودخلت عليها والدتها 

الام / ايه ي نور مالك شكلى مش مظبوط

نور / مفيش حاجه

- لا فى قوليلى ي نور انا وانتى دلوقتى مالناش غير بعض وانتى ليه مروحتيش كتب كتاب صحبتك

-اصل اانااا مكنش جايلى نفس اخرج

- فكرك يعنى مامتك متعرفش حاجه لا ي نور انا عارفه كل حاجه

- ع عار عارفه عارفه ايه

- عارفه انك زعلانه من اللى والدك عمله معانا بس اوعدك مش هخليه يتهنئ هو وهى

- مامى هو والدى زى ما حضرتك والدتى حتى لو عمل معانا ايه انا لايمكن اسمح لاى حد ياذيه حتى لو الحد دا حضرتك

- بس هو ظلمنى

- انتوا التنين غلطوا وانا دلوقتى اللى بدفع التمن اصلا كل الرجاله زى بعضها

- قصدك مين بالكلام دا

- مقصدش حد عن اذنك انا عايزة انام

**************************************

فى منزل آدم وصلا للمنزل ودلفوا لغرفته 

آدم/ اتفضلى معلش بقى هنقعد فى نفس الاوضه علشان يكون اامر طبيعى قدام الكل انا هنام على الكنبه وانتى نامى على السرير والحمام عندك لو حابه تغيرى هدومك

اخذت ملابسها وتوجهت الى المرحاض ))

آدم/ استنى انا حابب اشكرك على اللى انتى عملتيه معايا انتى عملتيلى جميل مستحيل انى انساه انا عارف انك مغصوبه على الموضوع دا بس والله غصب عنى

- خلاص ي آدم اللى حصل حصل عن اذنك هروح اغير

= اتفضلى وانا هروح اطمن على ماما

بعدما  اطمأن على والدته توجه الى غرفه وابدل ملابسه ))

وتوجه كل واحد منهم الى مكان نومه وهاتف آدم يوسف) )

- الو ايوة ي يوسف انا عارف انك عايز تتصل علشان تتطمن عليها

= متشكر قوى ي آدم هى عامله ايه دلوقتى

- خد كلمها بنفسك شاهى خدى كلمى يوسف

شاهى بحده / لا انا شكرا مش عايزة اكلم حد

آدم / بس هو ...

شاهى بغضب / قولت مش عايزة هو بالعافيه... وبعدين هو مش اطمن على اخته وجوزها بيتصل ليه بقى فى وقت زى دا وفى اول ليله ليهم مع بعض مفيش احساس اى الناس دى 

آدم / يوسف هى .....

يوسف بألم  / سمعت كل حاجه خلى بالك منها مع السلامه (واغلق الهاتف وألقاه بأقصى ما لديه بقوه على الفراش ارادت اغضابه وبالفعل تمكنت  من ذلك ألمه قلبه لم يريد ان تصل الامور بينهم لتلك الدرجه  )

آدم بعتاب / ليه ماكلمتهوش... هو ملوش دخل فى الموضوع انا السبب

شاهى/ لو سمحت ي آدم انا مش عايزة اتكلم فى الموضوع دا تصبح على
الخير (انهت جملتها تلك  وهى تضع الغطاء على وجهها وبدأت تبكى فى صمت )
*******************************
فى منزل سليم وشرى

شرى / انا مستغربه قوى استعجال آدم على الجواز وايه كمان كتب كتاب من غير فرح انا مش عارفه بابا وافق ازاى

سليم / هم مش قالولك ان مامته تعبانه وهيعملوا حفله بعد ما تعمل العمليه

شرى / ي سلام وانا اختى بقى زنبها ايه فى دا كله

سليم / يعنى انا لو كنت مكان آدم وطلبت منك نفس الطلب دا مكنتيشش هتوافقى

شرى / لا طبعا هوافق بس

سليم / مش غير بس اختك عملت الصح ومش عايزين كلام كتير فى الموضوع دا

شرى / سليم انت مخبى عنى حاجه صح

سليم / لا مش صح هخبى عليكى ايه يعنى

شرى / انت اللى عارف مش انا

سليم / بقولك ايه ي شرى انا تعبان وعايز انا تصبحى على خير

نام الجميع فى امان وسلاام

*******************************
فى اليوم التالى

عند شهاب وملك حضروا شنطهم وسلموا على الاهل وتوجهوا الى الباص للتوجه الى مكان المشروع 

شهاب / ايه الشنطه دى كلها هو احنا هنقضى السنه كلها هناك

ملك / انا جايباها وخايفه اللبس ميقضيش

شهاب / ليه هو انتى عازمه حد يلبس معاكى

ملك / هو انت فاكر انا زيك التيشرت يتلبس طول الاسبوع

شهاب / دا انااا انتى ناسيه انك اخدتى منى تيشرت ولحد دلوقتى مرجعتهوش

ملك / م ما ماهو انا كنت هرجعه بس نسيت

شهاب بخبث / نسيتى برضو

ملك  بتوتر / انت قصدك ايه

شهاب / ولا حاجه

ملك / شهاب قول قصدك ايه بجد

شهاب / قصدى انك طمعتى فيه لانه ماركه

ملك براحه/ اه بحسبه "الحمد لله فكرته عرف انى احتفظت بيه لانه من ريحته"

شهاب / لا اجمعى احسن
ملك ببرود / ههه ظريف

*************************

عند نور فى المنزل كانت الصاعقه للجميع فقد اتت زوجته الثانيه وابنته ليعيشان معهم فى الفيلا

صدقى / اتفضلى ي ثريه البيت بيتك

ثريه / بلاش ي صدقى خلينا نرجع احسن

صدقى للداده / لو سمحتى نادى على نور ومامتها

الداده / حاضر ي بيه

صدقى ل ثريه / بقولك ايه لازم تبينى انك قويه قدام اميره لو بينتى لمده ثانيه واحده انك خايفه منها او عليها هتستغلك

ثريه / انت محسسنى اننا دخلين على حرب

صدقى / واكتر اميره مش سهله

ثريه وقد رات صوره نور / مين دى يا صدقى

صدقى / فى ايه ي ثريه دى نور ما انا وريتك صورتها قبل كده

ثريه بدهشه / نعم دى بنتك ازاى انت وراتنى صورة ليها غير دى خالص

صدقى / غير دى ازاى لا طبعا هى

ثريه / طيب ورينى الصوره كده

اخرج هاتفه واعطى لها صورة ل نور هى وصديقه لها وشاور على نور

صدقى / هى دى نور ودى صحبتها

ثريه وهى تشاور على الفتاه التى بجوار نور / بس انا لما اخدت منك الصورة كانت زوم على البنت دى

صدقى / ازااى

فلاش

ثريه / بقولك ايه ي حبيبى انا عايزه اشوف صور مراتك وبنتك

صدقى / اشمعنا يعنى

ثريه / اظن ان دا من حقى ولا ايه

صدقى وهو يعطيا هاتفه / اه طبعا اتفضلى دى اميره مراتى

ثريه / اه حلوة

صدقى بابتسامه / ودى بقى نور بنتى كبرت لك الصورة علشان تشوفيها

وهنا رن الجرس

صدقى / خدى الموبيل وانا هشوف مين

بااااك

صدقى وقد تذكر / اهاااا كده انا فهمت انا لما الجرس رن غصب عنى عملت زوم على صاحبه نور يلا حصل خير

ثريه وهى تعطيه ظهرها / انا لازم امشى من هنا حالا يلا ي هنا

نور وهى تهبط الدرج / اهلا وسهلا ومستعجله ليه ما انتى قعده

صدقى / نور ايه الاسلوب اللى بتتكلمى بيه دا

نور / فعلا دا مش اسلوب انا لازم ارحب بالمدام بطريقه احسن من كده بس يا ريت المدام تتكرم وتبصلنا ولا انتى مكسوفه لو مكسوفه اناا ممكن اجيلك انا

من الواضح انك مكسوفه توجهت اليها لتكون فى مواجهتها وكانت الصاعقه

نور / انتى

صدقى / انتوا تعرفوا بعض

نور / مش اى معرفه دى عز المعرفه ولا ايه ي مدام ثريه

ثريه / نور صدقينى انا مكنتش اعرف انك بنت صدقى

نور بستهزاء / اه طبعا مصدقاكى مصدقه ان مقابلتنا مع بعض صدفه وانى احكيلك على كل حاجه تخصنى صدفه كل حاجه كانت صدفه اصل اللى قدامك دى هبله ضحكتى عليها مره هتعرفى تضحكى عليها تانى

ثريه / علفكره انا مكنتش اعرف انك بنته ولو كنت عارفه انا مكن....

نور بمقاطعه / كنتى ايه كنتى هتطلبى الطلاق ولا كنتى هتيجى تبوسى الايادى علشان نرضى انك تقعدى وسطينا

صدقى وهو يحاول ان يضربها بالقلم / نووووووور انتى عديتى حدودك

ثريه وهى تقف امامه / لا ي صدقى اوعى تعملها دى مهما كانت بنتك

نور وهى تصقف بيدها / برافو عليكوا ادربتوا على الحركه دى كويس قوى المفروض بقى انا اجى دلوقتى واقولك شكرا انك انقذتينى من القلم دا ولا اعمل ايه بالظبط

ثريه / متعمليش حاجه انا اللى هعمل وهخرج من هنا

صدقى / لا ي ثريه انتى مش هتخرجى من هنا واللى مش عاجبه الباب يفوت جمل

نور / صح الباب يفوت جمل


*****************************

استيقظت وادت فريضتها وتوجهت الى الاسفل

آدم / تعالى ي شاهى عايز اعرفك على ادهم اخويا ومراته اسمهان لسه جايين من السفر

شاهى / اهلا وسهلا حمد لله على السلامه

ادهم / الله يسلمك مبروك على الجواز

شاهى /الله يبارك فيك

اسمهان ببرود / مبروك بس انتوا ليه عملتوش فرح

آدم / اظن ان امى تعبانه ومينفعش اعمل فرح وهى مش هتحضره انا مش قليل الاصل ولا ايه

اسمهان / اه طبعا طول عمرك

شاهى / فطرتوا ولا احضرلكوا الفطار

اسمهان بأستنكار / ايه دا انتى كمان هتعزمينى فى بيتنا

شاهى / ولا انا مقصدش كده انا قولت انكوا جايين جعانين فحبيت انا اساعد يعنى

اسمهان بطريقه مستفزة / لا شكرا احنا اكلنا كلى انتى

ادهم / طيب ي آدم انا هطلع اسلم على ماما تعالى معايا ي اسمهان

بعد مغادرتهم) )

شاهى/ هى اسمهان دى مالها بتكلمنى كده ليه

آدم / سيبك منها هى كده علطول واخده مقلب فى نفسها

وهنا يرن هاتفها وكان المتصل يوسف ف اغلقت فى وجهه الهاتف ))

آدم / لسه برضو مبترديش عليه

شاهى / مبقاش فى حاجه بينا نقولها ...كل حاجه انتهت خلاص

يتبع