حيرة قلب

بذره الشك

استيقظت فى الصباح وادت فريضتها وارتدت توبى ابيض كت وعليه شميز ابيض فى زهرى وجينز ازرق و وشوز زهرى فى ابيض ورفعت شعرها لاعلى بطريقه عشوائيه وارتدت نظارتها و هبطت الى الاسفل لتذهب الى كليتها ولكنها وجدت يوسف أمامها حاولت السيطره على مشاعرها قررت ان تتجاهله وتتعامل معه ببرود ولكنه اقترب منها

شاهى "ركزى اعتبريه مش موجود وماترديش عليه وتعاملى ببرود متنسيش اللى عملة امبارح "

يوسف بابتسامه / صباح الخير

شاهى بأبتسامه واسعه تصل للمريخ وقد تناست ماقالته لنفسها منذ لحظات / صباح النور

يوسف/ رايحه الكليه

شاهى/ اها

يوسف/ طيب تعالى اوصلك

شاهى/ ميرسى انا هاخد تاكسى

يوسف/ تاكسى وانا موجود

شاهى/ معلش ي يوسف مينفعش اركب معاك لوحدنا

يوسف / طيب لحظه ( وذهب من امامها وبعد بضع دقائق اتى هو وشهاب اخيها)

يوسف وهو يفتح لها الباب / اتفضلى ي ستى مش هنكون لوحدنا فى العربيه

شاهى بابتسامه / ميرسى

شهاب بنوم / حرام عليك تصحينى من النوم وانا نايم الفجر بس علشان الهانم رافضه تركب العربيه معاك لوحدكوا ما كنتِ تاخدى تاكسى (ضربها بخفه على رأسها )

يوسف /ايدك ماتتمدش عليها تانى وألا قطعتهالك

شهاب /الضربه دى اللى هتموتها يعنى ؟ يلا قدامى

شاهى ل شهاب / حاضر

شهاب بغلاسه / هشششش صوتك مسمعهوش طول الطريق انا مش طايقك اصلا اتنين جايين يوصلوكى ليه ملكة ؟؟(انهى جملته وهو يدلف للسياره ليظلا واقفان هما بالخارج)

يوسف/ واحلى من الملكة كمان

شهاب باستنكار / ي سلام اللى يشوفك دلوقتى ميشوفكش امبارح

(شاهى وقد تذكرت ليله امس ومعاملته الجافه لها تبدلت ملامحها للحزن )
يوسف بعدما راى حزنها ذاك / احم اسف على ليله امبارح مكنش قصدى ازعلك معلش ما انتى عرفانى وعارفه هزارى البايخ

شاهى بعتاب /هو كان بايخ بشكل ؟

-(هتف بأسف حقيقى )بعتذر مره تانيه

=(ابتسمت له )حصل خير

(نظر لها كم اشتاق لابتسامتها تلك شعر بالحياه تدب بقلبه ثانيةً وهو يراها تبتسم له مثلما كانت تفعل وكأنه لم يمر على فراقهما سنوات بدون شعور منه بدا بالابتسامه هو الآخر)

شهاب وهو ينظر لهما عبر شباك السياره /مش يلا ولا اى ؟

يوسف وهو يفتح لها باب السياره الخلفى /اتفضلى