حيرة قلب

غَيْرَةٌ

وصلت شاهى لعملها وتوجهت الى مكتب آدم مباشرة بعدما سمح لها آدم بالدخول

شاهى/ صباح الخير

آدم/ ي صباح الورد ...عديتى على الباشا ولا جبتى على هنا علطول

شاهى/ لا انا جيت على هنا علطول..خير فى حاجه ؟

آدم/ انا وانتى ويوسف عندنا اجتماع معاه دلوقتى وكنت مستنى على ما تيجى يلا بينا
شاهى"من اولها كدة يوسف " هتفت بضجر/ اوك يلا بينا

آدم /فى حاجه ؟

شاهى وهى تتصنع الابتسام/لا ابدا

توجهوا معا لغرفه الاجتماعات كان اللواء صدقى ويوسف و نور هناك فى انتظارهم
شاهى بذهول / ايه دا نور؟ انتى بتعملى ايه هنا

نور بأبتسامه / انا هشتغل معاكم هنا ...علشان تعرفى لما قولتلك انى هفضل وراكى مهما روحتى مكنتش بهزر

شاهى/ دا خبر حلو ... مبسوطة انك هتبقى معانا

صدقى / طيب اقعدى الاول وبعدين اتكلموا ....اتفضل ي آدم اقعد (جلسوا بجانب بعضهم العض وفى المقابلهم كلا من يوسف ونور ) بصوا بقى نور عندها بحث عن الجنوح والجريمه ومحتاجه مساعدة من حد فيكم , مين فيكوا فاضى يساعدها

يوسف لنور بأسف / انا كان نفسى اساعدك ي نور والله ....بس للاسف انا ماسك قضيه الراجل اللى اتقتل هو ومراته وكمان دا انا عايز حد يساعدنى فيها مش هقدر اقعد معاكى

صدقى / وانت ي آدم

آدم/ انا فاضى كنت هستلم النهارده قضيه جديده انا وطارق وشاهى هتساعدنا

صدقى/ تمام كدة اتحلت ....انت يا آدم هتساعد نور وطارق يشوف حد تانى معاه فى القضيه معاه ...وشاهى هتشتغل مع يوسف فى قضيته بما انه محتاج مساعده من حد (ثم نظر لهم ) ها اى رأيكم

نور لنفسها "يعنى مفيش غير الشخص دا هو اللى يساعدنى فى البحث دا ايه الحظ الاسود دا " (ثم هتفت له ) اللى حضرتك تشوفه

آدم "دا انتى هتشوفى منى ايام ما يعلم بيها الا ربنا "

شاهى "هو انا مكتوب عليا العذاب كل ما احاول ابعد الاقى اللى بيقربنى منك تانى هو انت طالعلى فى البخت"

يوسف "اه طالعلك فى البخت واحلى بخت وحياتك "

صدقى / انا هاخد اجازه لمده اسبوع عايز اروح وارجع ألاقيكم حالين القضايا اللى معاكم ومعاكم غيركم انتم دلوقتى بقيتوا فريقى وعندى أمل كبير فيكم

الجميع/ واحنا ان شاء الله نكون عند حسن ظن حضرتك

(خرج كلا من يوسف وشاهى ليبقى آدم ونور مع صدقى بعدما طلب هو ذلك )

صدقى ل آدم /مش هوصيك يا آدم تاخد تهتم بيها وياريت تكونوا كبرتوا وعقلتوا وماتتخنقوش زى ما كنتوا بتعلموا زمان