حيرة قلب

بنت بميت راجل

اخذت السيده ابنتها وذهبت الى منزلها لتجد زوجها فى انتظارها

ثريه ل زوجها / ايه دا انت جيت امتى

زوجها/ لسه جاى ملقتكيش قولت اكيد رحتى  مشوار وهترجعى علطول

ثريه/  كنت على البحر انا هنا زهقت من القعده لوحدى فى البيت

زوجها وهو يقبل راسها/ انا اسف ي حبيبتى بس  انتى عارفه غصب عنى

ثريه/ ليه خايف من المدام الاولى لتزعل  وتعرف انك متجوزعليها

زوجها/ لا طبعا انتى عارفه انها اخر حد ممكن افكر فيه بس انا خايف على بنتى من الصدمه

ثريه بغضب / فى ايه ي صدقى بنتك كبيره علفكرة... انا وافقت بس اننا نتجوز علشان انت وعدتنى انك هتعلن جوازنا فى الوقت المحدد وبقالنا خمس سنين ومفيش جديد 

صدقى/ صدقينى انا كنت هقول لنور بس تراجعت فى اخر وقت

ثريه ببكاء / صدقى انا نفسى امشى فى الشارع واقول للناس كلها ان دا جوزى وحبيبى وابو بنتى

صدقى وهو يحتضنها / اوعدك قريب قوى الناس كلها هتعرف بس ادينى شويه وقت

ثريه / ماشى ياصدقى هستنى واشوف ...هتبات هنا ولا هناك

صدقى / لا هبات هنا

ثريه/ تمام هقوم احضر العشاء

صدقى/ وانا هتصل على البيت اقولهم
ثريه/ اوك
عدى اليوم بكل تفصيله فالجميع يفكر فى المستبقل المجهول
********************
تانى يوم عند ادم فى منزله

(ادم عايش مع والدته و والده متوفى  وله اخ واحد متزوج  والدته مصابه بالقلب  )

الام / صباح الخير ي دومه

ادم/ صباح النور ي امى عامله ايه النهارده

الام/ الحمد لله ي حبيبى بخير طول ما انت بخير
ادم/ اخدتى الدواء 

الام/ اه اخدته مع انه مالوش لزمه

ادم/ معلش ي امى استحملى لوقت ما الدكتور يحدد معاد العمليه

الام/ والله ي ابنى انا من رائ ملهاش لزمه العمليه دى

ادم/ ماما الدكاتره قالت ان نسبه نجاح العمليه كبيره 

الام/  يا ابنى انا اكتر واحده ادرى بالحالتى   انا بس عايزة اطمن عليك واشوف عيالك قبل ما اموت

ادم وهو يقبل يد والدته/ بعد الشر عليكى ي امى
 
الام / ادم نفسى افرح بيك ي حبيبى

ادم/ اللى ربنا عايزة هيكون ي امى يلا بقى ي ست الكل نروح ناكل علشان اروح شغلى ورايا يوم طويل قوى

الام/ ربنا يوفقك ي ابنى
وجلست الام وادم على الطاوله لتناول الطعام
***********************
كانت نور و شرى  فى الجامعه جالستان معا